ကရီဗာႏထွာတဝ်းဝင်ꩻသွဉ်း
"ဘုဇိဿောသိ-ထွာတဝ်းဝင်ꩻသွဉ်းဝင်ꩻလိုꩻ မွေးနေဟောင်း"ကရီဗာႏနုဲင်းနဝ်ꩻအကျောင်ꩻ(အခရာႏ"
အွိုးခꩻတလဲင်ႏ ပါꩻတဖြာꩻနဝ်ꩻ ထွာဝင်ꩻသွဉ်း၊ ထွာဝင်ꩻလိုꩻ၊ ပါꩻထွဉ်ႏအံႏတမွိုꩻတမာꩻ၊ ပါꩻနိစ္စက်ငါႏတဲင် လွင်းထင်ႏထေ့ ဗွေႏရဟန်ꩻသီးထျꩻ၊ ကွီဗုဲင်ပါစင်ꩻ၊ ဗွေႏရဟန်ꩻသီးတဲ့ တရီတရာတဝ်း အခရာႏ၊ ယိုꩻယိုꩻမာꩻမာꩻ အွဉ်ႏဗုဲင်ဖေႏခန်းဒျာႏ ပါꩻနဝ်ꩻသွူ။
လမ်းသားဖုံႏနဝ်ꩻ ထိုမ်ႏလွဉ်ꩻအသွဉ်းတွော့ꩻ ထွိုင်ႏထင်ႏမော့ꩻနဝ်ꩻ အဝ်ႏထွာလဲဉ်းသွူစင်ꩻ၊ ထွာစင်ꩻတဲ့ယဝ်း လမ်းသားရိုꩻ- "ပါꩻယိုနဝ်ꩻ နီသွဉ်းဒျာႏ၊ နီပြွꩻထိုꩻစွဉ်ႏ အသင်္ကန်ꩻ၊ နီဆွမ်ꩻသဲင်ꩻစွဉ်ႏ ရဟန်ꩻယို" ဒေါ့ꩻလွနုဲင်းနဝ်ꩻ၊ လိုꩻအသောင်အရင်ꩻဖုံႏနဝ်ꩻရိုꩻ- "သီဒေါ့ꩻဖွီဖုဲင်မွုန်းထာꩻ၊ မာꩻကြွို့ꩻကြꩻလꩻတဝ်းကွေး၊ ပေါႏထွာသွူရဟန်ꩻ သာႏကီႏဝင်ႏမျိုꩻ ဘုရာꩻခွိုꩻနဝ်ꩻ ဖေႏကဟော်ꩻဟောဝ်ဟောဝ်ဗာႏတရာꩻ၊ ဖေႏကအားထွုတ်ဗာႏဟောဝ်တရာꩻတဲင် ရဟန်ꩻဖုံႏနဝ်ꩻနဝ်ꩻ ပါꩻမုဲင်ꩻခန်းတဲ့ယဝ်း ဖေႏပဲ့စ်တဗာႏဗာႏ-မာꩻမာႏတမျိုꩻမျိုꩻလꩻတဝ်း၊ ခွန်တန်ဗိမ္ဗိသာရ ချꩻခါꩻအမိန်းနုဲင်းနဝ်ꩻ မွေးတဝ်းနဲ့" လမ်းသားဖုံႏရိုꩻ- "ပေါႏထွာသွူရဟန်ꩻ သာႏကီႏဝင်ႏမျိုꩻ ဘုရာꩻခွိုꩻနဝ်ꩻ ဖေႏပဲစ်ဖေႏတံႏ လိန်ꩻတလꩻဒွုမ်ခန်းနုဲင်းမုဲင်ꩻ၊ ပေါႏနဝ်ꩻဟ ရဟန်ꩻသီးဖုံႏနဝ်ꩻ ထွာထိုꩻခန်းဒျာႏ လိုꩻဘေꩻကင်ꩻ-အံႏသွင်ꩻဒွုမ်ဝင်ꩻ၊ ကမ်းသွုန်ႏကမ်းသꩻ မဉ်ႏမာꩻထမုဲင်ꩻမုဲင်ꩻ လꩻဒျာႏနဲ့၊ လိုꩻခြောငါႏနဲ့၊ လိုꩻအဝ်ႏဒျာႏ နီသွဉ်းလွုမ်ꩻနဲ့၊ ရဟန်ꩻသီးဖုံႏနဝ်ꩻ မချောက်ကုဲင်တွိုးနီလိုꩻ၊ မအွဉ်ႏဗုဲင်ထိုꩻတွိုး နီသွဉ်းယိုဟောင်း" ဒေါ့ꩻဆွာꩻတရွားစွဉ်ႏထာꩻနုဲင်းနဝ်ꩻ၊ ထီႏဖွီသွမ်ꩻသဲ့ꩻ ကဲ့ꩻရဲ့ꩻမွေးစွဉ်ႏ ရဟန်ꩻသီးဖုံႏ၊ အပဲစ်နယ်ပျꩻ-ဒေါ့ꩻတေက်ꩻနျꩻမွေးစွဉ်ႏ ရဟန်ꩻသီးဖုံႏ နုဲင်းနောဝ်ꩻသွူ။ တွိုႏဝွေꩻသီး တစာႏနာႏတဝ်းနမ်း၊ သညင်ꩻတဝ်းဝင်ꩻ၊ ကအံႏထွဉ်ႏ တမွိုꩻတမာꩻဝင်ꩻ၊ ကနိစ္စက်ဝင်ꩻနဝ်ꩻ တယူႏချာတဝ်း တစိꩻစိꩻ၊ ရိုꩻတိတ်ꩻတိတ်ꩻတောဒျာႏ ရဟန်ꩻသီးဖုံႏ ချောက်ကုဲင်ဝွေꩻသီးလိုꩻ၊ အွဉ်ႏဗုဲင်ထိုꩻဝွေꩻသီးသွဉ်းတဲ့၊ ဒေါ့ꩻတမွိုꩻတမာꩻထာꩻ၊ ဗွေႏရဟန်ꩻသီးဖုံႏနဝ်ꩻ- "ထွီႏအူႏလိုꩻတဲ့-လိုꩻအူႏချာထွီႏ တထွာတဝ်း"တဲင် အဝ်ႏသေသေသွူ တမွေးတဝ်းတဲ့ သယ်ꩻခံႏဗာႏစွဉ်ႏဒျာႏ တေ့ꩻတေ့ꩻနောဝ်ꩻသွူႏ ဗွေႏရဟန်ꩻသီးဖုံႏ သꩻချမ်ꩻသာႏတောဝ်း၊ လွေꩻလောဝ်းနယ် ဗွေႏဘုရာꩻ၊ ဗွေႏဘုရာꩻရို- "ရဟန်ꩻသီးဖုံႏဟွေး - ပေါႏထွာ ဝင်ꩻသွဉ်းဝင်ꩻလိုꩻနဝ်ꩻ အွဉ်ႏဗုဲင်ဖေႏစင်ꩻ လꩻတဝ်း၊ ပေါႏအွဉ်ႏဗုဲင်နဝ်ꩻ 'ဒုက္ကဋ်အာပတ်ဗာႏ" မိန်းစွဉ်ႏဒျာ နုဲင်းနောဝ်ꩻသွူ။ (ဝိနယ၊ မဟာဝဂ္ဂပါဠိ၊ မဟာခန္ဓက)[၁][၂]