ငဝ်းဝုဲင်ႏဘုရာꩻထွာစဲဉ်ႏ

ငေါဝ်းဝုဲင်ႏဘုရာꩻ (က)ဗုဒ္ဓံ- နီဗွေႏဘုရာꩻတောႏမျတ်ယို၊ ပူဇေမိ-ခွေသွဉ်းကန်းတော့ꩻရိုႏသေႏခေါက်ဝုဲင်ႏဗွေႏဩ။ ( ခ ) ဓမ္မံ- တရာꩻတောႏမျတ်ယို၊ ပူဇေမိ-ခွေသွဉ်းကန်းတော့ꩻရိုႏသေႏခေါက်ဝုဲင်ႏဗွေႏဩ။ ( ဂ ) သံဃံ-သံႏဃာႏတောႏမျတ်ယို၊ ပူဇေမိ-ခွေသွဉ်းကန်းတော့ꩻရိုႏသေႏခေါက်ဝုဲင်ႏဗွေႏဩ။ ဩကာသ- ဩစောဝ်းဗွန်ထို သွဉ်းရိုႏသေႏ၊ ဩစောဝ်းနီဗွေႏ သမ္ဗုဒ္ဓ၊ ရောင်ႏတောႏတောင်ႏခ အောဝ်ႏကုဲင်ချာ၊ ရောင်ႏတောႏသူ ပါꩻ အောဝ်ႏကုဲင်ကျန်ႏ၊ တန်ပေႏလိုꩻအာ နီသွဉ်းသီး၊ စေႏတနာႏသွံလီး ထန်ႏတဟျာႏ၊ ဦးချလင်ꩻဗာႏ ဓာတ်ကိုယ်ႏစာꩻ၊ ဘုရာꩻနီဗွေႏ ရုပ် ထုပွိုင်၊ အောဝ်ႏကုဲင်လိုꩻဒုံ ယိုဟန်ႏလဲင်ႏ၊ ငေါက်လင်ꩻသွံလဲင်ႏ ဝုဲင်ႏဦးချ၊ မျသဲင်ဆဝ်မန်ႏ ဓာတ်တောႏပေါင်ꩻ၊ ခင်ႏလေင်းခင်ႏလောင်ꩻ သွားဒန္တာ၊ စွယ်ႏတောႏတငါ ဂုဏ်ႏတောႏခံꩻ၊ ယွုမ်းအံႏဗွန်တန် ဂုဏ်ႏတောႏမျတ်၊ သွဉ်းသီးဆယ်ꩻကပ် ဝုဲင်ႏအွဉ်ငါ၊ ဂုဏ်ႏတောႏဘုရာꩻ နီဗွေႏဩ။ ဩကာသ- ဩဗွေႏဗွန်ထို စောဝ်းဘွုံႏကီꩻ၊ ကျာႏသပတေꩻနီꩻ တယ်ႏသန္ဓေႏ၊ သောကျာႏနီꩻဗွေႏ ကဖွါꩻလင်ꩻ၊ တနင်္လာႏဟာတွင်ꩻ ထန်ႏတောႏထွက်၊ ဗုဒ္ဓဟူꩻဟာတွက် ထွာဘုရာꩻ၊ ကဟော်ꩻသေꩻခါꩻ ကရိုꩻဒါႏ၊ ဓမ္မစကျာႏ တရာꩻခေါ၊ စနေႏနီꩻနေား ဟဝ်မတ်တောင်ꩻ၊ အင်္ဂါႏနောလောင်ꩻ ကူꩻနိဗ္ဗာန်ႏ၊ တနင်ꩻနွေႏမေႏတင်ႏ ဓာတ်တောႏထွာ၊ နွုတ်ꩻနီနေားဟာ မွူးနီꩻစွယ်ꩻ၊ မျတ်ငါႏတန်ကယ်ꩻ စောဝ်းဗွန် ထို၊ အတွင်ꩻငခါယို ခွေသွဉ်းဝုဲင်ႏ၊ အယပ်ꩻအခုဲင်ႏ ကွီလွစ်ခွင်ꩻ၊ ဆုတောင်ꩻကွီခွင်ꩻ သွဉ်းရိုႏသေႏ၊ ဘန္တေနီဗွေႏ ဘုရာꩻဩ။ ဩကာသ- သွံဘွုံႏလောက ဗွေႏဘုရာꩻ၊ ခွေသွဉ်းပန်ကျာꩻ ရိုႏသေႏထင်ႏ၊ သွံခြွိုက်သွံဆင်ႏ ယဝ်းထွူတဲင်၊ စကျာႏဝဠာႏစော့ꩻ ကဲဉ် ပတ္တမျာꩻ၊ အဝ်ႏထွာနတ်သာꩻ ကေတုဗွေႏ၊ မွန်းပျောႏသေႏသေႏ စွုမ်ႏနီꩻအုံ၊ တုသီတာႏလူꩻဒုံ တနံဝေင်ꩻ၊ အုံခွꩻအဝ်ႏငိမ်ꩻ တဖေင်ꩻ နမ်း၊ မနုဿာႏလိုꩻခမ်း ရပ်ဒေႏသ၊ မောင်ꩻကော့ꩻနောင်ႏတ စောဝ်းဘုရာꩻ၊ စွုမ်ႏနီꩻစွုမ်ႏဟာ မဲဉ်ထီႏငါႏ၊ အီႏပေါႏပွင်ꩻဒါႏ မွူးနီꩻမုဲင်ꩻ၊ နောင်ႏတငါးရုဲင်ꩻ သီးကတူႏ၊ ဗျဟ္မာႏခွန်ဖျူႏ ထင်ႏထွားအျာ၊ ထီႏဖြောင်ပတာ သေငါꩻစဲင်း၊ ပါႏရမီႏဗွေလဲဉ်း လိုႏချွစ်ထူႏ၊ အဝ်ႏထွာခွန် လူꩻ တုသီႏတာႏ၊ ခွန်ဖီဗျဟ္မာႏ ထင်ႏပင်ꩻလောဝ်း၊ ဩဗွေႏဩစောဝ်း ခွန်နတ်သာꩻ၊ ကျွန်ꩻနောဝ်တီႏပါႏ ဒက္ခိဏ၊ ကျွꩻလင်ꩻဒွိုန်းက သ ညင်ꩻတောႏ၊ တွမ်ႏလွိုပုဲင်ႏဩ ခွေသွဉ်းငွါ၊ ကောဝ်ႏစော့ꩻတုဲင်ဗွာ သော့ꩻတလင်ႏ၊ ကပ်ယောင်းပင်ꩻထင်ႏ ဗွေႏဘုရာꩻ၊ အဝ်ႏထွာနတ်သာꩻ သꩻဝꩻဖွိုက်၊ သွံလဲင်ႏသွံခြွိုက် ထွားကီသျု၊ တဖီးစက္ခု ခွန်ဒေႏဝါႏ၊ ကျွန်နောဝ်တီႏပါႏ အီႏကျွꩻကာ၊ အွိုငေါဝ်းထွူခါ အာႏမခံႏ၊ ကပိလရပ် ခွင်ႏ ခွန်ရာႏဇာႏ၊ နင်ꩻငမ်မာႏယာႏ နမ်းလောင်းကီ၊ ဝါႏဆိုႏဗွေနီꩻ မဲဉ်ႏကျပ်တေꩻ၊ ဝွေꩻဗွေႏလင်ꩻနေး တဲႏသန္ဓေႏ၊ မနုဿာႏတန်ပေႏ ငိမ်ꩻ ခွꩻရောင်း၊ သွိုန်ႏသꩻလဲ့ခြွောင်း ရောႏဂါႏကင်ꩻ၊ ဗွေႏစောဝ်းလောင်ꩻမင်ꩻ တန်ꩻခိုꩻတောႏ၊ ခွေသွဉ်းပူႏဇောႏ ရိုႏသေႏဩ။ ဩကာသ- သွံဘွုံႏလောက လိုꩻလူꩻဗွေႏ၊ တဲႏနေးသန္ဓေႏ လာတဆီ၊ မာႏယာႏနမ်းကီ ထင်ႏဗွေမန်ႏ၊ သက္ကရာဇ်လꩻထင်ႏ (တရျာꩻ)သူဆီသွစ်ꩻ၊ ယောင်ꩻရေꩻပြေပြွစ်ꩻ လက္ခဏာႏ၊ လာမျတ်ခိန်ႏခါႏ ဒဲဉ်ရုတ်ꩻဗွေ၊ သောကျာႏမဲဉ်ႏသေꩻ မွူးနီꩻခေါ၊ ရပ်မတဲ့ဩ ဥယျာဉ်ႏခြံ၊ မာႏယာႏနင်ꩻငမ် ကျွꩻကာလယ်ႏ၊ ကွုံꩻကင်ꩻကဝ်ႏခယ်ႏ ပဒုမ္မာႏ၊ မွံဖျောင်စီႏရာႏ အတုဲင်ဖါꩻ၊ သွဉ်းသယ်ႏပေါင်ꩻအာ အဝ်ႏရံႏခူ၊ မာႏယာႏနင်ꩻစူ ခွုမ်ဖွို့ꩻထင်ႏ၊ အင်းချင်းကဝ်ႏမွူး အယံတွင်ꩻ၊ မဲ့လေဖွါꩻလင်ꩻ ကျွꩻတငါ၊ လစ်ꩻငတ်ꩻသူကာ နွတ်ꩻဖဝါႏ၊ လူꩻလိုꩻဗျဟ္မာႏ လဲင်ꩻကျောႏကျာꩻ၊ ဗွေႏစောဝ်းဘုရာꩻ အလောင်ꩻတောႏ၊ ခွေသွဉ်းပူႏဇောႏ ရိုႏသေႏဩ။ ဩကာသ- သွံဘွုံႏလောက ဗွေႏဘုရာꩻ၊ စထက်စဖွါꩻ သက်ထင်ႏလꩻ၊ ၁၆-နောဝ်ꩻမꩻ ပွိုင်ႏဟော်နန်ꩻ၊ ၁၃-နေင်ႏတွင်ꩻ စံႏစာꩻ ပျောႏ၊ ဝွေꩻဗွေႏသက်တောႏ လꩻ-၂၀၊ လွိုထဲင်းဆꩻကီ ၇-နေင်ႏကို၊ နိမိတ်၄-မျိုꩻ မွိုးမာႏယာႏ၊ လင်ꩻပျꩻနယ်ဗာႏ ဝွေꩻဗွေႏငါ၊ ဥယျာဉ်ႏကဝ်ႏ ခြာ တဖူꩻခါႏ၊ ထင်ႏခွဲးမော့ꩻဗာႏ သꩻဝꩻဖွိုက်၊ တွိုက်သွုန်ႏတွိုက်သꩻ ယူႏမဖြောင်၊ စိက္ကူꩻကျမ်ႏပေါင် မဒေါ့ꩻထန်ႏ၊ သꩻကိုအဝ်ႏကျမ်ႏ တောႏထွက်ခန်ꩻ၊ တနꩻတောႏလင်ꩻ ဝါႏဆိုႏဗွေ၊ တနင်္လာႏမဲဉ်ႏသေ မွူးနီꩻမျတ်၊ တခြာအရပ် ခမ်းတောႏတွင်ꩻ၊ အွဉ်ႏကုဲင်ဟော်နန်ꩻ ဖယ သောႏ၊ ဗွေႏစဝ်းလောင်ꩻတောႏ ထန်ႏတခြာ၊ ထုမ်းတွမ်ႏသေဗွာ မွူးကွို့ꩻနာꩻ၊ သွဉ်ႏဟဝ်တဖြာꩻ မောင်ႏဆန်ႏ၊ ဖျော်လွေꩻတွိုႏထင်ႏ ဥရုဠ၊ ဗျဟ္မာႏ(စက္က)ဃဋိရ လင်ꩻကပ်ယောင်း၊ သင်္ကန်ꩻဗိုဗောင်း စီႏဝရာႏ၊ ဝါးချာခွိုန်ꩻဒျာႏ ဖူးငဆန်ႏ၊ ကံကျင်ꩻထိုꩻထန်ႏ နမ်းတဖြာꩻ၊ ဗွေႏစဝ်း ဘုရာꩻ အလောင်ꩻတောႏ၊ ခွေသွဉ်းပူႏဇောႏ ရိုႏသေႏဩ။ ဩကာသ- သွံဘွုံႏလောက ဗွေႏဘုရာꩻ၊ မွူးနီꩻညဆွာꩻ ခမ်းတခြာ၊ နေင်ႏပေါင်ꩻဆေ့ꩻအာ ပဉ်သူနေင်ႏ၊ ဗွေမွေးလာမဲဉ်ႏ ထွာ ဘုရာꩻ၊ မွူးနီꩻနောဝ်ꩻရာꩻ ဗုဒ္ဓဟူꩻ၊ လာမျတ်တွိုႏစူꩻ ဒဲဉ်ရုတ်ꩻဗွေ၊ ပါႏရမီႏဆုꩻခြွီ တန်ꩻခိုꩻတောႏ၊ ပလ္လင်ႏခံꩻပေါက်ပေါႏ ဖြွော့တဆွဉ်၊ ပိတ် တံꩻခံꩻရွဉ် ထီကောင်ႏဆေင်ႏ၊ ရောင်ႏတောက်တထိန်ႏ ခသုဲင်တာ၊ ဗောဓိခြွိုင်းထာ မွူးဆꩻလ၊ တင်ႏတယ်ႏလပ အုံတယ်ꩻနင်း၊ လိုꩻခမ်း လူꩻခမ်း လဲင်ꩻကျောႏကျာꩻ၊ ခွန်သုံနတ်သာꩻ ကျမ်ႏရိမ်ထူႏ၊ ဘွုံꩻကံႏမတူႏ သဲင်ꩻခွုန်ꩻချာ၊ ရန်ႏသူႏ ၅-ပါ အောင်ႏလို့ကြောင်း၊ စကျာႏဝဠာႏ တသောင်း အဘွုံႏကို၊ လိုꩻတွမ်ႏလူꩻယို ခီႏယော်ꩻထင်ႏ၊ ဗွေႏစောဝ်းလောင်ꩻသျင်ႏ တန်ꩻခိုꩻတောႏ၊ ခွေသွဉ်းပူႏဇောႏ ရိုႏသေႏဩ။ ဩကာသ- သွံဘွုံႏလောက လိုꩻလူꩻဗွေႏ၊ အောင်ႏလꩻထွာမွေး စောဝ်းဘုရာꩻ၊ သျုဉာဏ်ႏထွားအျာ အခိန်ႏခါႏ၊ ချွစ်ထွိုက်ရီးဒါႏ အဝ်ႏပါမုဲင်ꩻ၊ မဲ့ငါလက်ꩻလုဲင်ꩻ သေငါꩻစဲင်း၊ မိဂဒါႏဝုဏ်ႏသဉ်ဖဲင်း ကောင်တန်ခြာ၊ စက္ကျာႏခင်ႏကာ ကျွꩻကာစူꩻ၊ ရသေ့ꩻကျောင်ꩻဖူꩻ ရပ် ဌာန၊ ပဉ္စဝဂ္ဂီႏ အဒွိုငါ၊ ငတ်ꩻပါꩻယိုခါ ဝွေꩻသီးဗွေႏ၊ ဝွတ်တန်ဝွတ်ပေႏ အီႏစုမာꩻ၊ နေးတွမ်ႏဓမ္မတရာꩻ အီႏဖြော်ဖေႏ၊ ဗျဟ္မာႏခွန်ပေႏ စဝ်း သိကျာꩻ၊ လင်ꩻလွဉ်စွုမ်ႏဖြာꩻ ဝုဲင်ႏရှိခိုး၊ ဝါႏဆိုႏဗွေနီꩻ မဲဉ်ႏစနေႏ၊ တရာꩻအီႏဟော်ꩻဖေႏ ရုပ်တွမ်ႏနာမ်ႏ၊ တယ်ႏလꩻသောတာႏပန်ႏ ငိမ်ꩻခွꩻစုံ၊ ပထဝီႏဟံႏဒွိုန် လဲင်ꩻတသွိုး၊ တရာꩻထီနွိုး တန်ꩻခိုꩻတောႏ၊ ခွေသွဉ်းပူႏဇောႏ ရိုႏသေႏဩ။ ဩကာသ- သွံဘွုံႏလောက လိုꩻလူꩻဗွေႏ၊ သညင်ꩻတန်ပေႏ မူႏမောင်ႏဖုံႏ၊ အဝ်ႏဗွေအဝ်ႏပြုံႏ ခမ်းကင်မွိုင်ꩻ၊ သင်္ခါႏရရွီးဆွိုင်ꩻ သꩻ တငါ၊ ဆင်ႏဆင်ႏဆော့ဆာ ငွိုးခြင်ꩻယီႏ၊ ဗွေႏစောဝ်းကထီႏ သညင်ꩻတန်၊ လိုꩻလူꩻတနံ ခွန်ဗျဟ္မာႏ၊ ဝွဋ်ကံႏမခွါႏ သွီႏချောင်ꩻယုဲင်၊ အဝ်ႏ ဆို့ꩻအဝ်ႏရုဲင် ပွါꩻမပ်မပ်၊ ဖေါင်ႏခံꩻထီစက် မဉ်ဝါးကာႏ၊ နွတ်ꩻသွစ်ꩻမျက်နာႏ ဟဲ့ꩻကူးခြဝ်၊ ထင်ꩻထင်ꩻနဝ်နဝ် တွို့ꩻတွမ်ႏကွဉ်ႏ၊ လွဉ်လွဉ် လုဲင်းမူႏ လွဉ်လုဲင်းမောင်ႏ၊ ထုမ်းရဝ်းထီ(ဖြီ)ဖေါင်ႏ ဘေꩻရန်ႏကင်ꩻ၊ ထုမ်းငီꩻထီ(ဖြီ)ခံꩻ ဘေꩻရန်ႏအောင်ႏ၊ စွုမ်ႏနီꩻပို့ဆောင်ႏ ဖြုဲင်ꩻပသာ၊ သက်တောႏနောဝ်ꩻခါ သွစ်ꩻဆီဗွေ၊ သက္ကရာဇ်မဲဉ်ႏသေ (၁၄၈)တာလစ်ꩻသွစ်ꩻ၊ ကျွꩻကာလဲင်ꩻစွစ်ꩻ တိုးလို့ထံ၊ မင်ꩻသာꩻခွန်တန် ဥယျာဉ်ႏ ဖူꩻ၊ ကျွꩻကာလွေꩻစူꩻ နိဗ္ဗာန်ႏစံႏ၊ ကုသိနာရုံႏခမ်းခွင်ႏ ဟော်ခံꩻကီ၊ အင်းချင်းမဲဉ်ႏသေ နီမွူးခါႏ၊ ကဝ်ႏခံꩻယင်းမာႏ တုဲင်မွံꩻဖါꩻ၊ အင်္ဂါႏမွူးနီꩻ သာꩻ ဒဲဉ်ရုတ်ꩻဗွေ၊ အရုဏ်ႏဗော့ꩻလေ အယံတွင်ꩻ၊ နိဗ္ဗာန်ႏဝေင်ꩻခံꩻ ကျွꩻနွို့ငါ၊ သွုံꩻမာႏထော့ꩻဗွာ ယာႏသွမ်ꩻတဝတ်၊ ရောႏဂါႏနိတ်စက် ဟို့ꩻထောက်ဆူ၊ ကျွန်ꩻနောဝ်အကို လဲင်ꩻကျောႏကျာꩻ၊ ဗွေႏစောဝ်းဘုရာꩻ အလောင်ꩻတောႏ၊ ခွေသွဉ်းပူႏဇောႏ ရိုႏသေႏဩ။ ဩကာသ- သွံဘွုံႏလောက ဗွေႏဘုရာꩻ၊ နိဗ္ဗာန်ႏစံႏစာꩻ အဝ်ႏကုဲင်ခြွဉ်း၊ ပီဗွိုန်ခံꩻခြုံး အလောင်ꩻတောႏ၊ ဒဲဉ်ရုတ်ꩻလောင်းဖျော် တဆီနီ၊ မွူးနီꩻမဲဉ်ႏသေ တနင်ꩻနွေႏ၊ ဗျဟ္မာႏခွန်ပေႏ စောဝ်းသိကျာꩻ၊ ဝိသုကျုံႏနတ်သာꩻ ဖန်ဆင်ꩻဖေႏ၊ ဝွေꩻဗွေႏပျသာဒ် ပဉ်နွုတ်ꩻ ဆောင်၊ ဝွေꩻဗွေႏပျသာဒ်ရွဉ်တောႏ ပဉ်နွုတ်ꩻရန်း၊ အုံတယ်ꩻထီနန်း သတင်ꩻကျောႏ၊ ဗွေႏစောဝ်းဘွုံꩻတောႏ တေဇောဓာတ်၊ ဉာဏ်ႏ တောႏကမျတ် ဘုရာꩻသျင်ႏ၊ အွဉ်ႏခါꩻစီႏထန်ႏ မေႏပျော်ꩻစပ်ꩻ၊ မလဲ့ꩻဗာႏယပ်ꩻ ခိုးသာႏသာႏ၊ ဓာတ်တောႏကျွꩻဒျာႏ သွစ်ꩻစဲက်ဗွေ၊ တပဲ့ꩻခွေ သွဉ်းရိုႏသေႏ ပူႏဇောႏဩ။ ဩကာသ- ဩကာသ၊ သတ္တဌာန နွတ်ꩻမွူးနီꩻ၊ ဗွေႏစောဝ်းဘွုံꩻကီꩻ ဘုရာꩻနမ်း၊ မော့ꩻသမ်းခွဲးသမ်း ကထွာဗာႏ၊ ခွေသွဉ်းဝံꩻသာႏ ဝုဲင်ႏရိုႏသေႏ၊ သဒ္ဓါႏယွုံႏကေႏ ပီတိမျောက်၊ သွံလဲင်ႏသွံပေါက် ကွီအခွင်ꩻ၊ ကာယသွံတန်ꩻ ယံကရီႏ၊ ဝစီႏလစ်ꩻတန်ꩻ ယံဖခေါ်၊ မနော်ꩻသွံ တော် ယံကခွါႏ၊ သွံပါꩻစေႏတနာႏ ပွိုးနိတ်သက်၊ နမ်းငါခမ်းမျတ် ဝေင်ꩻနိဗ္ဗာန်ႏ၊ ဆုတောင်ꩻဓိဋ္ဌာန်ႏ ကွီသေꩻခါꩻ၊ ရတနာႏသွံပါꩻ ဗွေႏ စောဝ်းဩ။