စင်္ကီသုတ်

+ လူꩻလိုꩻဆရာႏ ၊ တွမ်ႏသံႏဃာႏ ၊ ကျွꩻဗာႏတဖူꩻဒွါ။ = ဩပါသာဒ ၊ ကောသလ ၊ ဒေဝချင်းတခြာ ။ + စင်္ကီပုဏ္ဏာꩻ ၊ ခွန်ဖေႏခါꩻ ၊ ခွုမ်မာꩻလꩻပဲင်ႏထွာ။ = ဩပါသာဒ ၊ ဗြာဟ္မဏ ၊ ဟွုန်လွတွိုႏနဝ်ꩻခါ။ + တွမ်ႏဂုဏ်ႏကွတ်ꩻပါꩻ၊ ကျောႏထင်ႏသျာꩻ ၊ တရာꩻနမ်းသေပါ။ = အကျိုꩻအာငါႏ ၊ အခရာႏ ၊ နယ်ဒါႏကျင်ꩻစင်ဗွာ။ + ရဟန္တာႏနုဲင်းသူꩻ ၊ ထီႏဗာႏစူꩻ ၊ ကျိုꩻထူꩻထွာမွေးအာ ။ = ပုဏ္ဏာꩻလိုꩻခြွေ ၊ အဝ်ႏထောင်ထွေ ၊ လဲင်ꩻဗွေတဖူꩻခါ။ + စင်္ကီပုဏ္ဏာꩻ ၊ အဝ်ႏထီႏညာꩻ ၊ လွေꩻထာꩻလိုꩻစွိုꩻအာ ။ = ဟဲ့ꩻခန်းခတ္တ ၊ ထမုဲင်ꩻဟ ၊ လွေꩻလွဝွေꩻရီပါ ။ + (ရဟန်ꩻဂေါတမ ၊ တွမ်ႏသံဃ ၊ ဖျော်လွတွင်ꩻယိုခါ) ။ = ဂုဏ်ႏတောႏကွတ်ꩻပါꩻ ၊ ကျောႏထင်ႏသျာꩻ ၊ ဘုရာꩻကျွꩻနဝ်ꩻဟာ ။ + ပေါႏနဝ်ꩻလွေꩻဟုဲး ၊ ဒေါ့ꩻနယ်ခြုဲး ၊ ပွေါးလုဲးတဆင်ႏငါ ။ = ပုဏ္ဏာꩻစင်္ကီ ၊ လွေꩻသွိုသီ ၊ ဒေါ့ꩻရီခန်းလိုꩻအာ ။ + ခမ်းစွုမ်ႏပုဏ္ဏာꩻ ၊ ကွပ်ထာꩻမာꩻ ၊ ငတ်ꩻရျာꩻဖျော်နဝ်ꩻခြာ ။ = စုဝင်ꩻတဆင်ႏ ၊ တွိုႏဖျော်ထင်ႏ ၊ ပြုံႏပြင်ႏစင်္ကီငါ ။ + အီႏလွေꩻနုဲင်းဝင်ꩻ ၊ မွေးဒျာႏရင်ꩻ ၊ ဖြေႏသျင်ꩻဝွေꩻသီးငွါ ။ = တလွေꩻထွိုက်တဝ်း ၊ အံႏဖြာႏငဝ်း ၊ ဒေါ့ꩻလဝ်းဂုဏ်ႏပေါင်ꩻအာ ။ + (ဆရာႏ)မွိုးဖါ ၊ ခွိုꩻမျတ်ထွာ1 ၊ လွေꩻငါထွိုက်တဝ်းထွာ ။ = ရဟန်ꩻဂေါတမ ၊ ဆရာႏထျ ၊ လွဉ်လွထွိုက်ကအာ ။ + လွိုင်ႏအာဥစ္စာႏ2 ၊ ပေႏတင်ႏဒါႏ3 ၊ ရေꩻငါႏယောင်ꩻဆင်ꩻခါ4 ။ = သီႏလဗွေညီႏ 5 ၊ ငဝ်းလဲ့ဖြီႏ 6 ၊ စဲဉ်ႏစီႏဆရာႏထွာ 7 ။ + ပုဏ္ဏာꩻသွံရျာꩻ ၊ သွဉ်ဖေႏကျာꩻ ၊ တပါꩻဆရာႏထွာ 8 ။ = ခွန်ကောသလ9 ၊ ပေါက္ခရ10 ၊ ပူဇ-ရိုႏသေႏအာ ။ + ဗွူ-ဟူလွိုင်ႏအာ ၊ ဩပါသာ ၊ ယိုခါအိုပ်ပဲင်ႏထွာ 11 ။ = မျင်ꩻမိုရ်ႏ-လွူးခူꩻ ၊ မဉ်ႏတဲက်စူꩻ ၊ အထူꩻကွာႏကအာ ။ + မုဒ္ဒရာႏနောင် ၊ ဖိုးခင်ႏအောင် ၊ တဲက်ရောင်ကွာႏမွိုꩻဟာ ။ = ထီတွိုင်ꩻနွုတ်ꩻဗာႏ ၊ ထီဗဲက်ꩻဒျာႏ ၊ ကွာႏငါႏယူႏမွိုင်ဟာ ။ + နီလွေꩻထွိုက်ငါႏ ၊ အခရာႏ ၊ ဒေါ့ꩻဗာႏဂုဏ်ႏပေါင်ꩻအာ ။ = နီဆီပုဲင်ချက် ၊ ဝွေꩻဒေါ့ꩻတွက် ၊ နိစ်သက်ခရာႏအာ ။ + ရွဉ်လွိုင်ႏ-2’မွိုးဖါ-1 ၊ ပေႏဆားခါ3 ၊ ဗုဲင်ထွာဒျာႏရဟန်ꩻ ။ = မွိုးဖါငွိုးငါး4 ၊ ယောင်ꩻတဲးဝါး5 ၊ တဲးဝါးဗွေသီလံ6 ။ + ငဝ်းတလေ့ငါႏ7 ၊ ထွာဆရာႏ8 ၊ ကင်ႏခွါႏကရာဂံ 9 ။ = ကမ္မဝါဒီ10 ၊ ခွိုꩻထွိုကီ11 ၊ အာအီရွဉ်တွမ်ႏခံꩻ12 ။ + ခမ်းအခဝ်ခဝ် ၊ ကတွိုႏဖျော်13 ၊ ရီနော်ထွိုက်ငါႏရင်ꩻ ။ = လူꩻအရေင်ပေါင်ꩻ ၊ ဆယ်ꩻကပ်ရောင်ꩻ14၊ဂုဏ်ႏယောင်ꩻကွတ်ꩻပါꩻရင်ꩻ15 + လက္ခဏာႏတန်16 ၊ ဗိမ္ဗိ-ယံ17၊ ထဲင်းဖျင်ကောသလ18 ။ = ပေါက္ခရသာတိ19 ၊ ပညာႏသျိ20 ၊ ပူဇိတွမ်ႏပိုမာ ။ + ယိုခါကာႏလ ၊ တွိုႏဖျော်ဖြ ၊ ဌာန-ပါသာဒါ ။ = ကတွိုႏလွဉ်ဒါႏ ၊ နီရပ်ရာႏ ၊ ထွာဒျာႏနီထဉ်ႏရင်ꩻ ။ + ရဟန်ꩻဂေါတမ ၊ ဖျော်လွဉ်လွ ၊ ဒေသယိုခါတွင်ꩻ ။ = ရိုႏသေႏ’နွမ်ꩻဗာႏ ၊ ထဉ်ႏအတာႏ ၊ နီတာႏ ဟဝ်မာꩻလင်ꩻ ။ + အဂုဏ်ႏခရာႏ ၊ ယိုမကာႏ ၊ အံႏဖြာႏလို့တဝ်းရင်ꩻ ။ = ဘုရာꩻနမ်းဒျာႏ ၊ ဒေါ့ꩻအံႏဖြာႏ ၊ ကမ္ဘာႏသွတ်ꩻခြေင်ဖျင်ꩻ ။ + ကွပ်ပွိုးနဝ်ꩻမꩻ ၊ နီအထျꩻ ၊ ဗွေႏကျွꩻမꩻထွိုက်သင်ꩻ ။ = နီလွေꩻထေ့မꩻ ၊ အီႏထွိုက်လꩻ ၊ သျင်ꩻပျꩻလွေꩻစွဉ်ႏဝင်ꩻ ။ + ဖျော်ဘုရာꩻငါ ၊ စွော့ꩻတက်ပါ ၊ အုံချာခင်ႏလမ်းသျင်ꩻ ။ = ကာပဋိက ၊ ခိုဗင်ႏကျ ၊ ယားဖဝင်ꩻငဝ်းခါႏ ။ + ဘုရာꩻတဖျ ၊ “အုံပွေါးက ၊ ယွယွမွိုင်တကာႏ” ။ = စင်္ကီလောႏလဝ်း ၊ ဘုရာꩻစဝ်း ၊ “နယ်ꩻတဝ်းခိုဗင်ႏဒါႏ ။ + အထီႏ’ဟွုန်အာ ၊ ခွိုꩻယံထွာ ၊ ပညာအဝ်ႏမွေးငါႏ ။ = ငဝ်းဖြီႏဟဝ်ငါႏ ၊ ဒေါ့ꩻရီတာႏ ၊ နွောင်ꩻဒျာႏယွုမ်းသေꩻခါꩻ ” ။ + “အအီႏဒေါ့ꩻဒျာႏ ၊ သိုမ်ဝိဇ္ဇာႏ ၊ ဒင်ႏဗာႏအွဉ်ႏဆꩻငါ” ။ = ဗွေႏမျတ်ဘုရာꩻ ၊ ယူႏစဉ်ꩻစာꩻ ၊ တပါꩻသꩻကိုခါ ။ + ပုဏ္ဏာꩻခိုဗင်ႏ ၊ သꩻယူႏထင်ႏ ၊ တဆင်ႏတွင်ꩻနဝ်ꩻခါ ။ = “မဲ့မဉ်ႏထွားဒါႏ ၊ ပျဿနာႏ ၊ ရီဗာႏတွင်ꩻနဝ်ꩻခါ” ။ + ဘုရာꩻသေလꩻ ၊ ဝွေꩻအသꩻ ၊ ထွားမꩻမွေးခန်းထွာ ။ = “ဘုရာꩻသꩻပါ ၊ ခွေယိုခါ ၊ ရီငါမွေးခန်းဒျာႏ” ။ + “ထွာဒါႏနုဲင်းယို ၊ အနုဲင်းယို ၊ တောင်ꩻဖိုအဆက်ဆက် ။ = ကျမ်ꩻခွေါင်အဝ်ႏထင်ႏ ၊ ခွိုꩻပေႏတင်ႏ ၊ ဆင်ႏချင်ႏနုဲင်းနဝ်ꩻတွက် ။ + ‘ယိုမꩻမဲဉ်ႏငါႏ ၊ လင်သူꩻဒျာႏ ၊ ခြေင်ဒျာႏခွဉ်ႏဆေ့ꩻတန်’ ။ = အွဉ်ႏထွော့ပဉ်ဖဲ့ꩻ ၊ ဆွော့ꩻကတဲ့ꩻ ၊ ယပ်ꩻယဲ့ꩻနုဲင်းနဝ်ꩻယင် ။ + ငဝ်းယိုလောင်းဟ ၊ ဂေါတမ ၊ ထီႏလွနုဲင်းမုဲင်ꩻအီး? ။ = ‘ယိုနဝ်ꩻ-ခွေထီႏ ၊ ခွေသꩻမီႏ ၊ မဲဉ်ႏငီႏဟဝ်မွေးငါႏ ။ + အလင်လင်တာႏ ၊ ခြေင်တန်ဒျာႏ ၊ ဆေ့ꩻငါႏအခွဉ်ႏဒျာႏ’ ။ = ပုဏ္ဏာꩻဖုံႏကို ၊ ဒေါ့ꩻနုဲင်းယို ၊ ထီႏဖိုအဝ်ႏနေကား? ။ + ပုဏ္ဏာꩻဖုံႏကို ၊ ဒေါ့ꩻနုဲင်းယို ၊ ထီႏဖိုအဲဉ်ထဝ်းဗာႏ ။ = ဗꩻစွဉ်ႏနွုတ်ꩻဆက် ၊ ငဝ်းနဝ်ꩻတွက် ၊ ဒေါ့ꩻဖွက်အဝ်ႏနေအီ?။ + ဗꩻစွဉ်ႏနွုတ်ꩻဆက် ၊ ငဝ်းနဝ်ꩻတွက် ၊ ဒေါ့ꩻဖွက်အဝ်ႏဖိုတဝ်း ။ = ပုဏ္ဏာꩻစခါ ၊ စီႏရင်ႏပါ ၊ သွဉ်ထွာကျမ်ꩻပေႏတင်ႏ ။ + ထွားနုဲင်းယိုခါ ၊ ဟော်ꩻလွဉ်ꩻထွာ ၊ သွဉ်ပါနယ်ꩻအတွိုင်ꩻ ။ = အဋ္ဌ’1ဝါမ2 ၊ ဝါ-ဒေဝ3 ၊ ဝေဿ4-ယမ-ပါ (က-မ-မိတ္တ-တဂ္ဂိ) + အင်္ဂီရသ6 ၊ ဘာ-ဒွါဇ7 ၊ သေဋ္ဌ-8 ကဿပါ-9 ။ (ရ-ဝါ) ။ = ရသေ့ꩻဘဂု-10 ၊ ဆီပါꩻစု ၊ ကုရုဟော်ꩻနဲ့ဟာ? ။ + ဝွေꩻသီးဗွေႏယဝ်း ၊ တဟော်ꩻတဝ်း ၊ အဲဉ်ထဝ်းတပါꩻပါꩻ ။ = မဲ့ခေ့ꩻဆွန်ꩻဝင်ꩻ ၊ အုံရဲဉ်ႏရင်ꩻ ၊ ဗိုန်လင်ꩻဥပမာႏ ။ + ငါသွတ်ꩻတဖြာꩻ ၊ ထီႏတဝ်းထာꩻ ၊ တဖြာꩻထာႏဝဒျာႏ ။ = ဝွေꩻတဲ့ထီႏတဝ်း ၊ ဆုဲင်ꩻသွတ်ꩻယဝ်း ၊ တဖြဝ်းပီပီဒျာႏ ။ + ပုဏ္ဏာꩻဒေါ့ꩻဒါႏ ၊ ငဝ်းနဝ်ꩻတာႏ ၊ ဗိုန်ငါႏ ဥပမာႏ ။ = ငါသွတ်ꩻထီႏတဝ်း ၊ ဝ’သွတ်ꩻယဝ်း ၊ အဲဉ်ထဝ်းအီႏထီႏတာႏ ။ + ငဝ်းယိုအလုဲင်ꩻ ၊ ယူႏနုဲင်းမုဲင်ꩻ ၊ စေဖြုဲင်ꩻမွိုင်တကာႏ ။ = ပုဏ္ဏာꩻယွုမ်းအံႏ ၊ ရွီးခွေါင်ခံႏ ၊ သိစ်ထန်ႏတဝ်းနဲ့ဒါႏ? ။ + ဆယ်ꩻကပ်အီဒျာႏ ၊ ယွုမ်း-သဒ္ဓါႏ ၊ တဗာႏလွုမ်ꩻမွေးတဝ်း ။ = ဆယ်ꩻကပ်အီဒျာႏ ၊ ဟွုန်ဖိုဒါႏ ၊ နဝ်ꩻတာႏလဲ့ပါပါ ။ + စနဝ်ꩻရိုꩻဒျာႏ ၊ ယွုမ်း-သဒ္ဓါႏ ၊ ချာတာႏရိုꩻဟွုန်ဖို ။ = တရာꩻငတ်ꩻမျိုꩻ ၊ နီဗာႏကျိုꩻ ၊ ယိုꩻယိုꩻဖေႏယိုခါ ။ + ယွုမ်းအံႏ-သဒ္ဓါႏ1 ၊ သꩻသွိုꩻငါႏ2 ၊ ဟွုန်ဗာႏနဝ်ꩻယင်ပါ3 ။ = ကျမ်ႏစဲႏချင်ꩻရာꩻ4 ၊ ယူႏစဲင်းခါꩻ ၊ မွိုꩻမာꩻနစ်သက်ထွာ5 ။ + ကယွုမ်းမွေးငါႏ ၊ ခြေင်ထိုꩻဒါႏ ၊ အမာႏတဲ့ကုဲင်းထွာ ။ = ယွုမ်းအံႏတဝ်းငါႏ ၊ သမ်းမွေးဒျာႏ ၊ မဲဉ်ႏငါႏလဲ့အဝ်ႏထွာ ။ + နစ်သက်တဲးဝါး ၊ ဟွုန်ဖိုစား ၊ တဲးဝါးကျမ်ႏစဲႏယဝ်း ။ = ယူႏစဲင်းထွူလွေꩻ ၊ သꩻသွိုꩻဝွေꩻ ၊ ထန်ႏသွေꩻထိုꩻဒါႏခြာ ။ + နစ်သက်ငါႏတဝ်း ၊ ဟွုန်ဖိုငဝ်း ၊ ကျမ်ႏတဝ်းတဲးဝါးလဲ့ ။ = သမ်းမွေးဟဝ်ငါႏ ၊ မဲဉ်ႏတန်ဒျာႏ ၊ သစ်ဒါႏအဲဉ်ထဝ်းတဲ့ ။ + ထိန်ꩻတီသစ္စာႏ ၊ ပါꩻလိုꩻဒါႏ ၊ ‘မဲဉ်ႏငါႏ-ခြေင်ဒျာႏ’တဲ့ ။ = ပဉ်ဖဲ့ꩻအွဉ်ႏထွော့ ၊ ယပ်ꩻခုဲင်ႏခွေါ့ ၊ ရမွော့ထွိုက်တဝ်းသွူ ။ + ထိန်ꩻတီသစ္စာႏ ၊ အခရာႏ ၊ ရီဗာႏနဝ်ꩻသွူအော် ။ = ယွုမ်းအံႏသဒ္ဓါႏ ၊ အဝ်ႏလဲဉ်းဒျာႏ ၊ ရိုꩻဒါႏတဝ်းနဝ်ꩻစား ။ + နဝ်ꩻနဝ်ꩻရိုꩻဗာႏ ၊ ထိန်ꩻသစ္စာႏ ၊ တကာႏတောင်ꩻတောင်ꩻနော် ။ = နစ်သက်ငါႏထာꩻ ၊ ပါꩻတဖြာꩻ ၊ လာꩻလာꩻ တရိုꩻတဝ်း ။ = ဟွုန်ဖိုစွဉ်ႏမား ၊ တရန်းစား ၊ ဒေါ့ꩻတားဝွေꩻအငဝ်း ။ = ကျမ်ႏစဲႏချင်ꩻရာꩻ ၊ ပါꩻတဖြာꩻ ၊ ရိုꩻရာꩻတဝ်းနဝ်ꩻစား ။ = ယူႏစဲင်းစဲင်းသော့ꩻ ၊ သꩻရေꩻတွော့ꩻ ၊ တဒေါ့ꩻတဝ်းနဝ်ꩻစား ။ = ထွာထိန်ꩻသစ္စာႏ ၊ လိုꩻသစ္စာႏ ၊ အဝ်ႏဗာႏတခွုင်းယို ။ = နီပညတ်ဒါႏ ၊ ထိန်ꩻသစ္စာႏ ၊ အဝ်ႏဒျာႏခွိုင်းယိုလွုမ်ꩻ ။ = ခွုင်းယိုလွုမ်ꩻဒျာႏ ၊ ဖြွဉ်သစ္စာႏ ၊ ထွာဗာႏတနွောင်ꩻတဝ်း ။ + ခွုင်းယိုလွုမ်ꩻဒျာႏ ၊ ထိန်ꩻသစ္စာႏ ၊ သေနာႏလွဒျာႏအော် ။ + သေဖြွဉ်သစ္စာႏ ၊ အခရာႏ ၊ ရီဗာႏယင်းသွူအော် ။ = သာႏသနာႏထံꩻ ၊ ဗွေႏရဟန်ꩻ ၊ အုံတံꩻဒုံတန်ထျ ။ + လိုꩻခြွေနမ်းသင် ၊ အပိုယင် ၊ လွေꩻတင် ရဟန်ꩻထျꩻ ။ = ထိုမ်ႏစမ်ꩻလောဘ ၊ တွမ်ႏဒေါသ ၊ မောဟအခရာႏ ။ + လောဘတခြို့ ၊ မဲ့တမို့ ၊ ထွာလို့နုဲင်းမုဲင်ꩻစား ။ = တသေတဝ်းငါႏ ၊ ရိုꩻသေဒျာႏ ၊ ထီႏဒျာႏ ဒေါ့ꩻရိုꩻကျွား ။ + နေင်ႏလာဆွာꩻည ၊ ထွာဒုက္ခ ၊ ထွဉ်ႏက ဝင်ꩻထူႏထွား ။ = လောဘနဝ်ꩻကောင်း ၊ လို့စင်ကြောင်း ၊ ထွားဆောင်းထိုမ်ႏစံꩻထွား။ + အဲဉ်ထဝ်းလို့ကြောင်း ၊ ဗွေႏနမ်းဖြောင်း ၊ ရျူႏရောင်းအငိမ်ꩻစား ။ = ဗွေႏဟော်ꩻတရာꩻ ၊ ယော့မွေးထာꩻ ၊ ကညာꩻအီႏထီႏဗာႏ ။ + အီႏသေဖြွဉ်လꩻ ၊ ခုဲင်ႏငါႏသꩻ ၊ ငိမ်ꩻခွꩻ’မျတ်တဲးဝါး ။ = ကျမ်ႏစဲႏယူႏယဝ်း ၊ တထွꩻတဝ်း ၊ သဲင်ငဝ်းနုညံꩻငါႏ ။ + ပညာႏသားမꩻ ၊ အီႏသေထွꩻ ၊ ဟော်ꩻပျꩻကတဲးဝါး ။ = လောဘလိုမ်ႏလိုꩻ ၊ နဝ်ꩻစားမျိုꩻ ၊ ဟော်ꩻရိုꩻတလꩻတဝ်း ။ = လောဘကြောင်းစင် ၊ ယူႏစမ်ꩻဖျင် ၊ တပင်ဟဲ့ꩻဒေါသ ။ = ကြောင်းဒျာႏယူႏငါ ၊ မောဟပါ ၊ စင်ဗွာကြောင်းသေႏချာႏ ။ + ယွုမ်းအံႏ1-လွေꩻထေ့2 ၊ ကပ်ꩻတရေ့3 ၊ ဒွူႏထေ့တွမ်ႏအနား4 = နာႏထူႏ-5 အီပါ 6 ၊ ခရာႏအာ ၊ ယူႏထွာနဝ်ꩻတစား 7 ။ + ယူႏထွူသေမန်ႏ ၊ တန်ႏဆင်ႏချင်ႏ8 ၊ ပါထင်ႏသꩻကိုထွာ9 ။ = သောင်ႏသာ-10 တဲက်ထွား-11 ၊ ခြေင်းတဲးဝါး12 ၊ တဲးဝါးနိဗ္ဗာနာ ။ + သေဖြွဉ်သစ္စာႏ ၊ တွမ်ႏပညာႏ13 ၊ ထီႏဗာႏမဲ့ဆꩻငါ ။ = ခွုင်းကဒေါ့ꩻလွဉ် ၊ သစ္စာႏဖြွဉ် ၊ သေဖြွဉ်သစ္စာႏသား ။ + နီပညတ်ဒါႏ ၊ ဖြွဉ်သစ္စာႏ ၊ အဝ်ႏဒျာႏခွုင်းယိုဟာ ။ = ဖိုလ်ႏယံဖြွဉ်တာႏ ၊ ထွာဒွိုန်းဒျာႏ ၊ တကာႏတောင်ꩻသေꩻပါ ။ + နုဲင်းယိုအတာႏ ၊ သေလဲဉ်းဒျာႏ ၊ ဖိုလ်ႏတာႏလဝ်းဖျင်ဩ ။ = တရာꩻနဝ်ꩻသွူ ၊ စွေးငါႏထွူ ၊ ပွာꩻစွူလဲင်ႏအာအာ ။ + လဲင်ႏပေါင်ꩻအာအာ ၊ ကွပ်လွူꩻချာ ၊ ဖိုလ်ႏခါထီႏဖြွဉ်အွူ ။ = ခွုင်းယိုရိုꩻဗာႏ ၊ ဖြွဉ်ဖိုလ်ႏတာႏ ၊ တကာႏဟဝ်သေသွူ။ + တခွုင်းယိုဒျာႏ ၊ ဖြွဉ်ဖိုလ်ႏတာႏ ၊ ဟွုန်ဗာႏလွလဲဉ်းသွူ ။ = ဖိုလ်ႏအတာႏခါ ၊ ကေꩻဇူꩻအာ ၊ နဝ်ꩻထွာတရာꩻမုဲင်ꩻ? ။ + ကအားထုတ်ဒါႏ ၊ မဂ်နဝ်ꩻဒျာႏ ၊ ဖိုလ်ႏတာႏကေꩻဇူꩻအာ ။ = အားထုတ်တဝ်းမဂ် ၊ ဖိုလ်ႏအတွက် ၊ ယူႏပက်ထွာတဝ်းခြာ ။ + အားထုတ်မဂ်မꩻ ၊ ဖိုလ်ႏအီႏလꩻ ၊ ငိမ်ꩻခွꩻကေꩻဇူꩻအာ ။ = အားထုတ်မဂ်ခါ ၊ ကေꩻဇူꩻအာ ၊ နဝ်ꩻထွာတရာꩻမုဲင်ꩻ? ။ + တဲက်ထွားနဝ်ꩻဒျာႏ ၊ ကျိုꩻမဂ်တာႏ ၊ တန်ငါႏကေꩻဇူꩻထွာ ။ = မဉ်ႏတဲက်ထွားတဝ်း ၊ မဂ်တာႏရဝ်း ၊ အဲဉ်ထဝ်းအီကျိုꩻငါ ။ + တဲက်ထွားနဝ်ꩻမꩻ ၊ အားထုတ်ဗꩻ ၊ မဂ်လꩻ ကျိုꩻတန်အာ ။ = တဲက်ထွားတာႏခါ ၊ ကေꩻဇူꩻအာ ၊ နဝ်ꩻထွာတရာꩻမုဲင်ꩻ? ။ + ကျိုꩻစာꩻသောင်ႏသာ ၊ ကေꩻဇူꩻအာ ၊ နဝ်ꩻထွာတဲက်ထွားတာႏ။ = မဉ်ႏသောင်ႏသာတဝ်း ၊ တဲက်အဲဉ်ထဝ်း ၊ ထွာငဝ်းတဝ်းနေခြာ ။ + ပွိုးသောင်ႏသာမꩻ ၊ တဲက်ထွားလꩻ ၊ တန်ဗꩻကေꩻဇူꩻအာ ။ = ကကျိုꩻသောင်ႏသာ ၊ ကေꩻဇူꩻအာ ၊ နဝ်ꩻထွာတရာꩻမုဲင်ꩻ? ။ + ကကျိုꩻသောင်ႏသာ ၊ ကေꩻဇူꩻအာ ၊ နဝ်ꩻထွာသꩻမဉ်မာꩻ ။ = သꩻမဉ်ႏအဲဉ်ထဝ်း ၊ ကျိုꩻစာꩻတဝ်း ၊ ထွာငဝ်းတဝ်းနေခြာ ။ + သꩻပါနဝ်ꩻမꩻ ၊ ကျိုꩻစာꩻဗꩻ ၊ ထွာလꩻကေꩻဇူꩻအာ ။ = သꩻဖေႏကပါ ၊ ကေꩻဇူꩻအာ ၊ နဝ်ꩻထွာတရာꩻမုဲင်ꩻ? ။ + တွိုႏသꩻငါႏထာꩻ ၊ ယူႏတရာꩻ ၊ တိုꩻပွာꩻနစ်သက်အာ ။ = မဉ်ႏယူႏစဲင်းတဝ်း ၊ သꩻပါတဝ်း ၊ အဲဉ်ထဝ်းကေꩻဇူꩻထွာ ။ + ယူႏစဲင်းငါႏမꩻ ၊ သꩻပါလꩻ ၊ တန်ဗꩻကေꩻဇူꩻအာ ။ = ယူႏစဲင်း’သꩻရေꩻ ၊ ယံထွာဝွေꩻ ၊ မာꩻလွေꩻထမုဲင်ꩻဟာ?။ + အကျိုꩻ’အကျောင်ꩻ ၊ ထိုမ်ႏနောလောင်ꩻ ၊ ဝွေꩻခြောင်ꩻသꩻရေꩻထွာ။ = ခရာႏ’ယူႏတဝ်း ၊ သꩻရေꩻတဝ်း ၊ အဲဉ်ထဝ်းကေꩻဇူꩻအာ ။ + ယူႏခရာႏမꩻ ၊ တွိုႏမွေးသꩻ ၊ တန်ဗꩻကေꩻဇူꩻထွာ ။ = ယူႏအခရာႏ ၊ ယံထွာဗာႏ ၊ ဝွေꩻတာႏမုဲင်ꩻမာꩻထွာ?။ + အီပါအနေႏ ၊ မတ်သေႏသေႏ ၊ မာꩻဖေႏထာꩻယူႏထွာ ။ = အီတဝ်း’မတ်တဝ်း ၊ ယူႏနွောင်ꩻတဝ်း ၊ အဲဉ်ထဝ်းကေꩻဇူꩻအာ ။ + အီပါ’မတ်မꩻ ၊ ယူႏနွောင်ꩻထွꩻ ၊ တန်ဗꩻကေꩻဇူꩻအာ ။ = မတ်နွောင်ꩻ’အီပါ ၊ ယံကထွာ ၊ နဝ်ꩻထွာတရာꩻမုဲင်ꩻ?။ + ကနာႏတရာꩻ ၊ မတ်တောင်ꩻခါꩻ ၊ ဝွေꩻမာꩻကေꩻဇူꩻအာ ။ = မဉ်ႏနာႏဗာႏတဝ်း ၊ အီအဲဉ်ထဝ်း ၊ ထွာငဝ်းတဝ်းနေခြာ ။ + ကွပ်နာႏဗာႏမꩻ ၊ အီ’မတ်လꩻ ၊ တန်ဗꩻကေꩻဇူꩻအာ ။ = ယံနာႏတရာꩻ ၊ ကေꩻဇူꩻမာꩻ ၊ တရာꩻထမုဲင်ꩻဟာ?။ + မဉ်ႏဒွူႏနားမꩻ ၊ အီႏနာႏလꩻ ၊ တန်ဗꩻကေꩻဇူꩻထွာ ။ = မဉ်ႏတဒွူႏတဝ်း ၊ နာႏအဲဉ်ထဝ်း ၊ ထွာငဝ်းတဝ်းနေခြာ ။ + ကွပ်ဒွူႏနားမꩻ ၊ နာႏထွာလꩻ ၊ တန်ဗꩻကေꩻဇူꩻအာ ။ = ဒွူႏနားယံထွာ ၊ ကေꩻဇူꩻအာ ၊ နဝ်ꩻထွာတရာꩻမုဲင်ꩻ?။ + ဆယ်ꩻကပ်-အုံဗော့ꩻ ၊ ဒွူႏနားသော့ꩻ ၊ လꩻရော့ꩻကေꩻဇူꩻထွာ ။ = အုံဗော့ꩻအဲဉ်ထဝ်း ၊ ဆယ်ꩻကပ်တဝ်း ၊ ဒွူႏတဝ်းနားနဝ်ꩻခါ ။ + ကွပ်ဆယ်ꩻကပ်မꩻ ၊ ဒွူႏနားလꩻ ၊ တန်ဗꩻကေꩻဇူꩻအာ ။ = ဆယ်ꩻကပ်ယံထွာ ၊ ကေꩻဇူꩻအာ ၊ နဝ်ꩻထွာတရာꩻမုဲင်ꩻ?။ + လွေꩻထေ့နဝ်ꩻမꩻ ၊ ဆယ်ꩻကပ်လꩻ ၊ ဝွေꩻမꩻကေꩻဇူꩻအာ ။ = လွေꩻထေ့တဝ်းရင်ꩻ ၊ ဆယ်ꩻကပ်ကင်ꩻ ၊ သွုမ်ꩻဖျင်ꩻကေꩻဇူꩻအာ ။ + ကွပ်လွေꩻထေ့မꩻ ၊ ဆယ်ꩻကပ်လꩻ ၊ တန်ဗꩻကေꩻဇူꩻထွာ ။ = ယံလွေꩻထေ့ငါ ၊ ကေꩻဇူꩻအာ ၊ မုဲင်ꩻဟာကောမာꩻဖေႏ?။ + ယွုမ်းအံႏ-သဒ္ဓါ ၊ လွေꩻထေ့ငါ ၊ တန်အာဝွေꩻမာꩻဖေႏ ။ = မဉ်ႏယွုမ်းတဝ်းရင်ꩻ ၊ လွေꩻထေ့ကင်ꩻ ၊ သွုမ်ꩻဖျင်ꩻအခေႏနေႏ။ + ကွပ်ယွုမ်းနဝ်ꩻမꩻ ၊ လွေꩻထေ့လꩻ ၊ တန်ဗꩻဟဝ်ခေႏနေႏ ။ = ထိန်ꩻတီသစ္စာႏ ၊ ရီလဲဉ်းဒျာႏ ၊ သေႏချာႏဖြေႏလဲဉ်းသွူ ။ ၐ ကဖြေႏနယ်ချာ ၊ သꩻရေꩻထွာ ၊ တွိုႏပါစွဉ်ႏသꩻသွူ ။ ၐ သွဉ်းသီးသꩻရာႏ ၊ ရေꩻလွဉ်ꩻဒျာႏ ၊ သေႏချာႏဖြေႏလဲဉ်းသွူ ။ = သေဖြွဉ်သစ္စာႏ ၊ ရီလဲဉ်းဒျာႏ ၊ သေႏချာႏဖြေႏလဲဉ်းသွူ ။ (ၐ ၊ ၐ) = သေဖြွဉ်ဖိုလ်ႏတာႏ ၊ ရီလဲဉ်းဒျာႏ ၊ သေႏချာႏဖြေႏလဲဉ်းသွူ ။ (ၐ ၊ ၐ) = ဖိုလ်ႏတာႏ’ကေꩻဇူꩻ ၊ ရီအထူꩻ ၊ ဖြေႏစူꩻနယ်လဲဉ်းသွူ ။ (ၐ ၊ ၐ) = ကရီတွိုင်ꩻဒါႏ ၊ ပျဿနာႏ ၊ စွုမ်ႏဗာႏဖြေႏလဲဉ်းသွူ ။ (ၐ ၊ ၐ) + ကယူႏရီးခါ ၊ ရဟန်ꩻအာ ၊ ဇာတ်ခါယုတ်လွဉ်ꩻငါႏ ။ = ခင်ႏလောင်းဗျဟ္မာႏ ၊ ဖွာꩻလွဉ်ဗာႏ ၊ ဝွေႏငါႏထင်းလွသွူ ။ + ရဟန်ꩻအတွက် ၊ သꩻထာꩻရက် ၊ နစ်သက်ထွာအီငါႏ ။ = ရဟန်ꩻပုဂ္ဂိုလ်ႏ ၊ သꩻကီညိုႏ ၊ လွိုပိုႏမွေးစွဉ်ႏသွူ ။ + ရဟန်ꩻစဝ်းဗွေႏ ၊ ထာꩻရိုႏသေႏ ၊ မာꩻဖေႏနွောင်ꩻမွေးသွူ ။ = တရာꩻယာႏယာႏ ၊ နစ်သက်ငါႏ ၊ နဝ်ꩻတာႏလဝ်းပါသွူ ။ + ဟန်ႏနီꩻမာꩻငါ ၊ သက်သွတ်ꩻပါ ၊ ခံႏထွာဗွေႏတကာႏ ။ = လဝ်းထွူနဝ်ꩻခါ ၊ ပုဏ္ဏာꩻအာ ၊ သဲင်ꩻချာခန်းဒျာႏသွူ။