ဈာန်ႏ
ဈာန်ႏ ကရိုꩻနဝ်ꩻ ကောပ်ပွိုးယူႏဒါႏ အာႏရုံႏ၊ ထွားဗော့ꩻဒါႏအာႏရုံႏနဝ်ꩻတဲ့သင်၊ ကောပ်ပွိုးရဲးပေ့ꩻခါꩻ အကုသိုလ်ႏ၊ မာꩻခိုးကျောမ်ꩻထိုꩻဒါႏ နီဝရဏတရာႏဖိုင်ႏနဝ်ꩻတဲ့သင် ဟဲ့ꩻဗာႏ "ဈာန်ႏ"နဝ်ꩻသွူ။ နီဝရဏတရာꩻကရိုꩻနဝ်ꩻ ကာမစ္ဆန္ဒနီဝရဏ - မဲန်ခံႏစာꩻဒါႏ ကာမဂုဏ်ႏအာႏရုံႏသူပါꩻ၊ ဗျာပါဒနီဝရဏ - သꩻလျားဒါႏထာꩻ(ဒေါသထန်ႏ)၊ ထိနမိဒ္ဓနီဝရဏ - မဲ့ခေင် တခေင်ꩻထာꩻ, အုံထာꩻတငွေါဉ်ႏငဲ့၊ ဥဒ္ဒစ္စကုက္ကစ္စနီဝရဏ - သꩻလွင်ꩻ, ထာꩻခိုးလျားမုꩻ၊ ဝိစိကိစ္ဆာနီဝရဏ - သꩻထွာနီလီး(သꩻသံသယထွာ)၊ အဝိဇ္ဇာနီဝရဏ - တသေထီႏတဝ်း အပဲစ် ယိုသူပါꩻသွူ။
"ဈာန်ႏ" ယို ၁။ ရူပဈာန်ႏ၊ ၂။ အရူပဈာန်ႏ ဖြယ်ထန်ႏလွောဉ် ယိုနီပါꩻသွူ။
ဥပက္ကိလေသတရာꩻ ၁၀-ပါꩻ မွဉ်းဖျင်
ကပွာꩻမျာꩻအာထုတ်ဒါႏ ဝိပဿနာႏတရာꩻ ယောဂီပုဂ္ဂိုလ်ႏနဝ်ꩻ မိဉ်ႏတွိုႏလွေꩻ ဥဒယ ဝယဉာဏ်ႏမိဉ်(ဖြား)ခိင်ႏနဝ်ꩻ မဂ်တုဖိုလ်တုတရာꩻပေါႏလွောဉ် ထီႏလွောဉ်ဒါႏ သꩻအလောင်းယိုနဝ်ꩻသွူ။
- ဩဘာသ - ထီႏထီႏ နိတ်သက်ခရာႏ ဝိပဿနာႏထာꩻလေရောင်ႏ အာႏရုံႏတစွိုးစွိုးယို ထင်းမာႏဒါႏ "မဂ်"၊
- ဉာဏ - ထီႏသွူ စဲင်းစဲင်းစဲ့စဲ့ ဉာဏ်ႏကထီႏဒါႏရုပ်နာမ်ဓမ္မ အထွာအကုဲယိုတဲင် ထင်းမာႏဒါႏ "မဂ်"၊
- ပီတိ - နိတ်သက်ခရာႏပီတိငတ်ꩻမျိုꩻ ပေါႏထင်ႏပေါႏထင်ႏလွောဉ်တဲင် ထင်းမာႏဒါႏ "မဂ်"၊
- ပဿဒ္ဓိ - အိုင်လင်ꩻတနီꩻလူမ်းလူမ်းလဲ့ (၁) အုံဗာႏနမ်းသꩻငိမ်ꩻငိမ်ꩻခွꩻခွꩻ၊ (၂) ထွူႏထွူႏထာႏထာႏတငွို့ꩻတငကင်ꩻထွူ အုံဗာႏဖွီဖွီသွောင်သွောင်၊ (၃) ခြုက်ခြက်ကျံꩻထံꩻ လွောတ်ကင်ꩻထိုꩻတဲင် အုံဗာႏဟဝ်ဟဝ်၊ (၄) ဟွီဟဲင် ဆွောဉ်းဆန်းမုꩻကင်ꩻထွူ အုံဗာႏကြောင်းကြောင်းသျင်ꩻသျင်ꩻ၊ (၅) အုံဗာႏတဲးတဲးဝါးဝါး၊ (၆) အာႏရုံႏတပါꩻ သꩻလွေꩻညာꩻတဝ်းတဲင် အုံဗာႏပကတိစွို့ꩻစွို့ꩻစွဉ်ႏစွဉ်ႏ၊ နုဲးနဝ်ꩻဖိုင်ႏတဲင် ယံကယ်ꩻ ချံꩻသာႏကယ်ꩻဒျာႏ သိကျာꩻ, ဗျဟ္မာႏလူꩻသီးချံꩻသာႏ သုခယို ထင်းမာႏဒါႏ "မဂ်"၊
- သုခ - နမ်းတဗာႏလူမ်း ကရွူဒါႏချံꩻသာႏယို ထငါးမာႏဒါႏ "မဂ်"၊
- အဓိမောက္ခ - ကိလေသာကင်ꩻညာꩻ ယူမ်းအံႏကေႏညိုႏမွေးမုဲးငါႏ ဘုရာꩻ တရာꩻ သံဃာႏအလောင်းတဲင် ထီႏ သဒ္ဓါႏယို ထင်းမာႏဒါႏ "မဂ်"၊
- ပဂ္ဂဟ - ကျိုꩻစာꩻထွားမတ်တဝ်းဒူမ် ဝိပဿနာႏတရာꩻအလောင်း ဝွေꩻသဘောꩻတောမ်ႏဝွေꩻသဘောꩻ မာꩻလွေꩻဒျာႏဟဝ်ဟဝ်တဲင် ထီႏ"သမ္မာဝါယမမဂ္ဂင်ႏ"ယို ထင်းမာႏဒါႏ "မဂ်"၊
- ဥပဋ္ဌာန - ကထွာတောမ်ႏဝိပဿနာႏ ကခွေါင်ခံႏဒါႏ တအွဉ်ႏဖေင်ꩻတဝ်ႏ သတိသညာႏ ရုပ်နာမ်ႏသီးတဲင်ထီႏ"သွင်ꩻသꩻ ယူႏလꩻမုꩻ"ယို ထင်းမာႏဒါႏ "မဂ်"၊
- ဥပေက္ခာ - တမာꩻတဝ်းဒူမ်အစွဲးအကမ်း ရုပ်နာမ်ႏဓမ္မသင်္ခါရသီးအလောင်းနုဲးကလဲဉ်းတဲင် ထွားလွိုထိုꩻသင်္ခါရအလောင်းထွူ ထီႏအာႏကတလာဒါႏ ဥပေက္ခာ ဉာဏ်ႏယို ထင်းမာႏဒါႏ"မဂ်"၊
- နိကန္တိ - ကပွာꩻမျာꩻအာႏထွုတ်ဒါႏ ဝိပဿနာႏတရာꩻသားယောဂီႏနဝ်ꩻကအွဉ်ႏနယ်ခါꩻလဲဉ်းဒါႏ နိတ်သက်တခြဲ့ꩻခရာႏ ဩဘာသစတဲင် တောမ်ႏ ကထွာသွို ပေါႏလွောဉ်ဒါႏ ဝိပဿနာဓမ္မအလောင်းယို ကအဝ်ႏအုံစွူထိုꩻ တဏှာႏယို တပယ်ႏနွောင်ꩻထိုꩻတဝ်းတဲင် ထင်းမာႏဒါႏ "မဂ်" နုဲးယိုဖုံႏသွူ။
အာႏကွိုꩻ မွဉ်းဖျင်
- ↑ ဖျာပုံတိုက်သစ်ဆရာတော် အဂ္ဂမဟာပဏ္ဍိတ အရှင်ဩဘာသာဘိဝံသ ရေးသားသော သုတေသန သရုပ်ပြအဘိဓာန်ကျမ်း