အာႏဇာႏနီႏ: ခြပ်ချော်ꩻမုꩻခါႏ ဗိုန်ပီတဝ်းဒါႏဖိုင်ႏ
Content deleted Content added
No edit summary |
No edit summary |
||
လိတ်ရဲဉ်ႏ ၉:
စွုမ်ႏနေင်ႏ လာတောႏလင်ꩻလောင်း(၅)နီꩻယို ထွာပအိုဝ်ႏမွူးနီꩻ အာႏဇာႏနီႏနီꩻ-ဒျာႏတဲင် ခမ်းထီတွမ်ႏလိုꩻမျိုꩻအတာႏ ကထဲ့သွုမ်ꩻထိုꩻလဲဥ်းဒါႏ အာႏဇာႏနီႏခေါင်းဆောင်ပေႏတန် အရန်းရန်းတွမ်ႏ သွꩻဟောဝ်ထာꩻမာꩻဖက်ဖုံႏယို ပအိုဝ်ႏတစွိုးခွိုꩻလွုမ်း ယူႏလꩻသေနန်း သꩻပေႏသꩻတနဲင်းငါႏနောဝ်ꩻသွူ။ ကွဲတဲင်တွော့ꩻ သꩻပေႏသꩻတနဲင်းငါႏနုဲင်းနောဝ်ꩻလဲ့ တထွူတောဝ်း၊ တာႏဝွန်ႏကကေႏထွူလဲဥ်းဒါႏ အာႏဇာႏနီႏပုဂ္ဂိုလ်ႏထာꩻမာꩻစူကွို့ꩻ သမဲင်ꩻဖေႏတာႏဝွန်ႏယို အောဝ်ႏဒင်ႏခါꩻ နီနာꩻပြေင်လောင်းတွော့ꩻ အီႏသွုပ်ထေင်းထံႏလွေꩻဗာႏကရိုꩻနောဝ်ꩻ ပအိုဝ်ႏလိုꩻမျိုꩻကားကအောဝ်ႏ တာႏဝန်ႏဒျာႏနောဝ်ꩻသွူ။
ဆဲင်ႏရာꩻ တာႏဝွန်ႏအောဝ်ႏပုဂ္ဂိုလ်ႏ လိုꩻတန်အရန်းရန်း ယံကတမာလွေꩻဖေႏ ခမ်းသားမွိုးဖါ၊ ခမ်းထီတွမ်ႏလိုꩻမျိုꩻအတာႏ ကထဲ့သွုမ်ꩻလဲဥ်းဒါႏ၊ အနိစ္စခန္ဓာႏကပြောင်ꩻထိုꩻလဲဥ်းဒါႏ အာႏဇာႏနီႏခေါင်းဆောင်ပေႏတန် အရန်းရန်းတွမ်ႏ သွꩻဟောဝ်ထာꩻမာꩻဖက်ဖုံႏ အဗွိုန်အဂွုဏ်ႏ ကေꩻဇူꩻတရာꩻယို မဥ်ႏတွိုႏလာတောႏလင်ꩻလောင်း(၅)နီꩻနောဝ်ꩻ အီႏဖြော်ဆပ်ꩻချာလွေꩻ ပုဂ္ဂိုလ်ႏအာႏဇာႏနိႏ လိုꩻယံလိုꩻကျသီးဖုံႏ ကေꩻဇူꩻတဲင် ပအိုဝ်ႏခမ်းကောင်တဲ့နောဝ်ꩻ၊ ပအိုဝ်ႏခမ်းဒွမ်တဲ့နောဝ်ꩻ ပအိုဝ်ႏကလွေꩻအောဝ်ႏဒါႏ ဝင်ꩻခမ်းတဲ့နောဝ်ꩻ၊ နေးတွမ်ႏရက်ခွိုꩻသꩻဓာတ် စေႏတနာႏစင်စင်ဗွာဗွာတွော့ꩻ ဒုံ၊ အွိုင်ႏ၊ ဝေင်ꩻနယ်ႏ၊ ခမ်းအလွောက်ꩻ ယံကမာꩻလွေꩻဖေႏသွော့ မွူးနီꩻအာႏဇာႏနီႏ'နီꩻ'အထိန်ꩻအမုဲင် အခန်ꩻအနာꩻနောဝ်ꩻသွူ။
မဥ်ႏမာꩻလွေꩻ မွူးနီႏအာႏဇာႏနီႏ'နီꩻ' အထိန်ꩻအမုဲင် အခန်ꩻအနာꩻနောဝ်ꩻ ပင်ꩻမော်၊ ပင်ꩻသံႏဃာႏ လောင်ꩻပါသွမ်ꩻဖျူႏ ကပ်လူႏပါဒဲဥ်ဗွာ ကပ်လူႏဖေႏပါသွော့ သင်္ကန်ꩻဖုံႏနောဝ်ꩻသွူ။
မွူးနီꩻအာႏဇာႏနီႏ'နီꩻ'ကို ပအိုဝ်ႏလိုꩻမျိုꩻကားကအောဝ်ႏ လွူးဗဲင်းသꩻအာႏဇာႏနီႏ၊ လွူးဗဲင်းသꩻရက်စွိုးခွိုꩻ၊ ယူႏလꩻဗဲင်း အာႏဇာႏနီႏပုဂ္ဂိုလ်ႏပေႏတန်ဖုံႏ၊ မွူးနီꩻအာႏဇာႏနီႏ'နီꩻ'ယိုနောဝ်ꩻ ထွာဒျာႏပုဂ္ဂိုလ်ႏအာႏဇာႏနီႏ ဖေႏလူႏလွေꩻ သွီႏသက်မွူးနီꩻတဲင် ပအိုဝ်ႏတစွိုးခွိုꩻလွုမ်း သꩻပေႏသꩻတနဲင်းငါႏနောဝ်ꩻမꩻ စွုမ်ႏဒုံစွုမ်ႏဆောင်ႏ ယံယွိုင်ႏဖေႏသွော့ စွိုးခွိုꩻအလံႏ၊ မဥ်ႏယွိုင်ႏအလံႏနောဝ်ꩻ ယွိုင်ႏတွိုက်ကီမွိုန်း လံႏထွန်ႏနာ၊ ချꩻဖွိုႏလင်ꩻသွံပေႏရပ်တွော့ꩻ ယံယွိုင်ႏလွေꩻသွော့ဝင်ꩻ ပငါပရာꩻအကျောင်ꩻ နေးတွမ်ႏမေတ္တာႏ စေႏတနာႏတန်တန်အာအာတဲင် ဖေႏသေလွေꩻဗာႏ တွမ်ႏရွမ်ဖြုဲင်ꩻနုဲင်းယိုသွူ။<ref>ခွန်ချွန်း</ref><ref>မောင်းမွူးခံꩻ အမုဲင်-၅၄</ref>
===အာႏကွိုꩻ===
<references />
| |||