ထာꩻစွိုင်ခါꩻလိုꩻသꩻငတ်ꩻမျိုꩻ
"ဝိနိဗန္ဓသုတ် (ထာꩻစွိုင်ခါꩻလိုꩻသꩻ အဝ်ႏငတ်ꩻမျိုꩻ)" ရဟန်ꩻသီးဖုံႏဟွေး- ၁။ ကာမေသု အဝီတရာဂေါ ဟောတိ- တဏှာႏရာႏဂ အဝ်ႏဗွို့ꩻခြꩻဒျာႏ ကာႏမဂွုဏ်ႏငတ်ꩻပါꩻလောင်းတဲင် သꩻမဲ့နဝ်ꩻ အဝ်ႏမဉ်ထီႏသေႏသေႏဒျာႏ ထာꩻတရေꩻ၊ သꩻနားနဝ်ꩻ အဝ်ႏမဉ်ဟွူန်သေႏသေႏဒျာႏ ထာꩻတလေ့၊ သꩻနေ့ꩻဖူနဝ်ꩻ အဝ်ႏမဉ်နွုမ်ꩻသေႏသေႏဒျာႏ ထာꩻနွုမ်ꩻဟွမ်၊ သꩻဖြေꩻနဝ်ꩻ အဝ်ႏမဉ်အံႏသေႏသေႏဒျာႏ ထာꩻအွီႏအွီႏ၊ သꩻနမ်း အဝ်ႏမဉ်ခွေါင်းသေႏသေႏဒျာႏ ထာꩻချော်ꩻချော်ꩻပြေပြေ၊ ပွို့ꩻပွို့ꩻပနဲဉ်ႏနဲဉ်ႏ။ ကွပ်နဝ်ꩻမꩻ သꩻနဝ်ꩻနဝ်ꩻ ကာႏမဂွုဏ်ႏငတ်ꩻပါꩻ အာႏရွုံႏတရာꩻ အဝ်ႏစွိုင်ခါꩻဒျာႏတွော့ꩻ သꩻနဝ်ꩻနဝ်ꩻ မဉ်အားထွုတ်မွေးတရာꩻ၊ ဆင်ႏဆင်ႏမဉ်အားထွုတ်တဝ်းတရာꩻ၊ အားထွုတ်သေႏသေႏတဝ်းတရာꩻ၊ သꩻတွိုႏတဝ်း ကမ္မဋ္ဌာန်ꩻလောင်းနောဝ်ꩻသွူ။ ၂။ ကာယေ အဝီတရာဂေါ ဟောတိ- တဏှာႏရာႏဂ အဝ်ႏဗွို့ꩻခြꩻဒျာႏ နမ်းခန္ဓာႏလောင်း၊ ရက်မွိုင်းဒျာႏခန္ဓာႏ၊ ဖျင်တရေꩻမွိုင်းဒျာႏနမ်း၊ ခြွိုင်းတရေꩻမွိုင်းဒျာႏနမ်း၊ မွဉ်းမွိုင်းဒျာႏနမ်းခန္ဓာႏ။ ကွပ်နဝ်ꩻမꩻ သꩻနဝ်ꩻနဝ်ꩻ ခန္ဓာႏအဝ်ႏစွိုင်ခါꩻဒျာႏတွော့ꩻ မဉ်အားထွုတ်တဝ်းတရာꩻ၊ ဆင်ႏဆင်ႏအားထွုတ်တဝ်းတရာꩻ၊ အားထွုတ်သေႏသေႏတတဝ်းတရာꩻ၊ သꩻတွိုႏတဝ်း ကမ္မဋ္ဌာန်ꩻလောင်းနောဝ်ꩻသွူ။ ၃။ ရူပေ အဝီတရာဂေါ ဟောတိ- တဏှာႏရာဂ အဝ်ႏဗွို့ꩻခြꩻဒျာႏ ထာꩻတရေꩻအလောင်ႏအလင်လောင်း၊ ထီႏထာꩻတရေꩻအွိုးနဝ်ꩻ မဉ်လꩻ၊ ထီႏဖျင်ထာꩻတရေꩻအွိုးနဝ်ꩻ မဉ်လꩻ၊ သꩻအဝ်ႏမဉ်လꩻငါငါ၊ သꩻအဝ်ႏဝင်ႏစာꩻတောတော ထာꩻတရေꩻအလောင်ႏအလင်နုဲင်းနဝ်ꩻ။ ကွပ်နဝ်ꩻမꩻ သꩻနဝ်ꩻနဝ်ꩻ ထာꩻတရေꩻအဝ်ႏစွိုင်ခါꩻတွော့ꩻ သꩻနဝ်ꩻနဝ်ꩻ မဉ်အားထွုတ်တဝ်းတရာꩻ၊ ဆင်ႏဆင်ႏအားထွုတ်တဝ်းတရာꩻ၊ အားထွုတ်သေႏသေႏတဝ်းတရာꩻ၊ အားထွုတ်သေႏသေႏတဝ်းတရာꩻ၊ သꩻတွိုႏတဝ်း ကမ္မဋ္ဌာန်ꩻလောင်းနဝ်ꩻသွူ။ ၄။ ယာဝဒတ္ထံ ဘုဉ္ဇိတွာ သေယျသုခံ အနုယုတ္တော ဟောတိ- နေးတွမ်ႏ ရသတဏှာႏ အံႏဗွေဗိတ်သော့ꩻဟို့ꩻ အံႏကွို့ꩻကွို့ꩻထွူတဲင် ဗေင်ႏချမ်ꩻချမ်ꩻသာႏသာႏမွိုင်းဒျာႏထာꩻ၊ တခေင်ꩻမွိုင်းဒျာႏထာꩻ။ ကွပ်နဝ်ꩻမꩻ သꩻနဝ်ꩻနဝ်ꩻ ထာꩻအံႏ၊ ထာꩻဗေင်ႏ၊ ထာꩻလွꩻအဝ်ႏစွိုင်ခါꩻဒျာႏသွော့ မဉ်အားထွုတ်တဝ်းတရာꩻ၊ ဆင်ႏဆင်ႏအားထွုတ်တဝ်းတရာꩻ၊ အားထွုတ်သေႏသေႏတဝ်းတရာꩻ၊ သꩻတွိုႏတဝ်း ကမ္မဋ္ဌာန်ꩻလောင်းနဝ်ꩻသွူ။ ၅။ ဣမိနာ ဟံ ဒေဝေါ ဘဝိဿာမိ- "ကွပ်သီႏလယို ပွိုးအကျင်ꩻယို ကွပ်ပွိုးကုသိုလ်ႏယိုတဲင် ခွေယိုဘဝငါ ဖေႏကထွာသွော့လူꩻနော" သꩻမဉ်ထွာဒျာႏလူꩻနုဲင်းနဝ်ꩻ၊ ကွပ်နဝ်ꩻမꩻ သꩻနဝ်ꩻနဝ်ꩻ ထာꩻမဉ်ထွာလူꩻ အဝ်ႏစွိုင်ခါꩻဒျာႏတွော့ꩻ ဉ်အားထွုတ်တဝ်းတရာꩻ၊ ဆင်ႏဆင်ႏအားထွုတ်တဝ်းတရာꩻ၊ အားထွုတ်သေႏသေႏတဝ်းတရာꩻ၊ သꩻတွိုႏတဝ်း ကမ္မဋ္ဌာန်ꩻလောင်းနဝ်ꩻသွူ။ လိုꩻတွိုင်ꩻဖေႏနေး ကသေနာႏတဲင် တဲမ်းဗာႏနုဲင်းယိုသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဝိနိဗန္ဓသုတ်)[၁][၂]