ဒုံပင်တွန်ႏ၊ ဝေင်ꩻနယ်ႏတောင်ႏကီꩻ
ဒုံပင်တွန်ႏ (မန်း: ပင်တွန်ရွာ) (အိန်းကလေတ်: Pintun) ဒုံတန်ပင်တွန်ႏနဝ်ꩻ အဝ်ႏသော့ꩻလွေꩻ ဖြဝ်ꩻခမ်းနယ်ႏအခဝ်နဝ် ဖြားဗွာခမ်း တောင်ႏကီꩻခရဲင်ႏ ဝေင်ꩻနယ်ႏတောင်ႏကီꩻ အွိုင်ႏပင်တွန်ႏကိုနဝ်ꩻသွူ။ ဒုံကအဝ်ႏဒါႏ ခင်ႏလမ်းကိုဒ်နဝ်ꩻ ထွာဒျာႏ ၂၀၀၂၈၆ သွူ။[၂] ဒုံပင်တွန်ႏယို မိဉ်ꩻစစနဝ်ꩻ ထွာဒျာႏ ပင်တွုန်ႏ နုဲင်ႏနဝ်ꩻသွူ။ ပွိုင်းလဲင်ႏစခါနဝ်ꩻ ပင်တွန်ႏယို ထွာဒျာႏ ဆေꩻလယ်ႏသားဖုံႏ ဖြေꩻစာကူꩻကားကွန်ႏသယ်ႏသား ခင်ႏလမ်းအုံဒျာႏတွော့ꩻ ယိုခါ ပင်တွန်ႏကရိုꩻဒါႏ ဒုံမဉ်ꩻယို အကျောင်ꩻပျုဒျာႏတွမ်ႏ ဒုံတန်ဆꩻထင်ꩻနဝ်ꩻ ပွိုင်ႏလဲင်ႏထွာဒျာႏဆေꩻပင်တဲင်တွော့ꩻ တွိုႏတနီꩻ ကွန်ႏသယ်ႏဖြေꩻစာထာꩻသားဖုံႏ အုံဗူႏဝင်ꩻတဲင် ဖြေꩻစာကူꩻကားထာꩻတွော့ꩻ တွိုႏတဟာ ကွပ်ပွိုႏစွဉ်ႏ လိုꩻဖုံႏ"တွုန်ႏဗာႏထာꩻ"တဲင် ဟဲ့ꩻပင်တွုန်ႏ ယိုခါ ဖန်ထိုꩻတေားဗာႏ အောဝ်ႏပင်တွုန်ႏနဝ်ꩻတွော့ ဖန်ဖေႏတေား (ပင်တွန်ႏ)နုဲင်းနဝ်ꩻသွူ။
| ဒုံတန်ပင်တွန်ႏ (ပင်တွုန်ႏ)  ဖြားဗွာခမ်း | |
|---|---|
| ဒုံ | |
  ဒုံတန်ပင်တွန်ႏ | |
| ကိုဩဒိနိတ်: 20°18′00″N 97°04′16″E / 20.299989°N 97.071170°Eကိုဩဒိနိတ်: 20°18′00″N 97°04′16″E / 20.299989°N 97.071170°E | |
| ခမ်းထီ |  မျန်မာခမ်းထီ |
| ခမ်းနယ်ႏ |  ဖြဝ်ꩻခမ်းနယ်ႏ |
| ခရဲင်ႏ | တောင်ႏကီꩻခရဲင်ႏ |
| ဝေင်ꩻနယ်ႏ | ဝေင်ꩻနယ်ႏတောင်ႏကီꩻ |
| အွိုင်ႏ | အွိုင်ႏပင်တွန်ႏ |
| ထိုထဲင်းပင်ႏလယ်ႏ ထီခိုႏဆꩻကီ[၁] | ၄၈၆၀ ပေ (၁၄၈၀ မီတာ) |
| အခိန်ႏအွိုင်ꩻ | မျန်မာအခိန်ႏအွိုင်ꩻ (UTC+6.30) |
ကျောင်ꩻပင်တွန်ႏ
မွဉ်းဖျင်ဒုံပင်တွန်ႏယို ကျောင်ꩻအောဝ်ႏနီကျောင်ꩻသွူ။ ပထမ ကျောင်ꩻတန် ပင်တွန်ႏ ၊ ပင်တွန်ႏကျောင်ꩻနဝ် အောဝ်ႏနီကျောင်ꩻသွူ။ နီဒုံပေါင်ꩻငီꩻဝင်ꩻတဲင် ဖန်ငီꩻလို့ဝင်ꩻ (ပင်တွန်ႏဒုံတန် ) နုဲင်းနဝ်ꩻသွူ။ ပွိုင်းလဲင်ႏစခါ ကွပ်ပွိုးစွဉ်ႏ ထင်ႏကျောင်ꩻ ညာꩻငါႏတဲင်တွော့ꩻ ဗွော့ꩻရာꩻတကာႏကျောင်ꩻနဝ်သီး တယ်ႏလူႏထဲင်းယင်း ကျောင်ꩻနဝ် ကျောင်ꩻတဖြုံႏ သေထွꩻဗာႏနုဲင်းနဝ်ꩻသွူ။
အာႏဇာႏနီႏကောင်
မွဉ်းဖျင်စွုမ်ႏနေင်ႏ ပေါႏတွိုးသွူ တောႏလင်ꩻလောင်း ၅ နီꩻယို ၊ နီပအိုဝ်ႏအွဉ်ငါလိုꩻတန်သီး ကွပ်ပွိုးစွဉ်ႏ ရက်စွိုးခွိုꩻတွိုက်ꩻခꩻထန်ႏဖေႏ ပဒေႏသရာဇ် ခေတ်တဲင် စွဉ်ꩻသွီႏ စွဉ်ꩻသက်တွော့ꩻ ကကုဲင်ထိုꩻလဲဉ်ႏဒါႏ နီပအိုဝ်ႏအာႏဇာႏနီႏ လိုꩻတန်သီႏ နမ်ႏခန္ဓာႏဖုံႏယို၊ အောဝ်ႏပလို့ꩻသေꩻခါꩻ ပင်တွန်ႏဒုံတန် ဆကီတွို့ꩻတဲင်၊ ယိုခါပင်တွန်ႏ ဒုံတန်ဆကီတွိုꩻနဝ်ꩻ ဖန်ဖေႏ အာႏဇာႏနီႏကောင်နဲင်းနဝ်ꩻသွူ။ စွုမ်ႏနေင်းကအောဝ်ႏမာꩻဒျာႏ အာႏဇာႏနီႏမွူးနီꩻနဝ်ꩻ အောဝ်ႏလွေꩻဒျာႏ ဒုံပင်တွန်ႏ ဆꩻကီတွို့ꩻ အာႏဇာႏနီႏ ကောင်လောင်း နုဲင်းနဝ်ꩻသွူ။
ပင်တွန်ႏကျောင်ꩻတန် သမဲင်ꩻအဲဉ်ႏ
မွဉ်းဖျင်နေင်ႏထူꩻလာမျတ်တနꩻလင်ꩻ ၁၃၃၈ ဗာႏ ဒဲဉ်သီႏလာပတာ ၁၀ နီꩻ မွူးနီꩻဟောဝ်ယို တော် စနေႏ သွူ။ ပဏိတ ဗွေးဓိပတိ၊ ဂန္ဒမာ (နေမိ)၊ မထေရ်ႏတန် ဥတ္တမ (အဂ္ဂမဟာပဏ္ဍိတ )၊ ဗွေႏကောသလ ဝွေꩻဗွေႏသီးယိုလစ်ပါꩻ အွဉ်ဟိုမျာꩻတကာႏတဲင် ချꩻလင်ꩻဖေႏအွတ်ꩻရွီး မင်္ဂလာႏ ကွီးကျောင်ꩻထွန်ႏထွူ အောင်ႏမျင်ႏလွေꩻလဲဉ်းသွူ။
ကောႏဇာꩻ ၁၃၃၈- သာႏသနာႏနေင်ႏ ၂၅၂၀ ဗာႏ၊ ခရစ်နေင်ႏ ၂၆-၂-၁၉၇၇ ယို မာꩻသွုပ်လွေꩻထဲင်းယင်းကျောင်ꩻနုဲင်းနဝ်ꩻသွူ။ ထွူဖြီႏစီႏလွေꩻ နေင်ႏကေားဇာႏ ၁၃၅၁ ဗာႏ၊ သာႏသနာႏ ၂၅၃၃ ဗာႏ၊ ခရစ် ၁၉၉၀ ဗာႏ သေထွꩻဗာႏနဲင်းယိုသွူ။[၃]
အာႏကွိုꩻ
မွဉ်းဖျင်- ↑ GoogleEarth
- ↑ Place codes (Pcodes)။ Myanmar Information Management Unit (June 2020)။
- ↑ ဗွေႏစင်ꩻတန် ပညာစက္က ကျောင်ꩻပင်တွန်ႏ ခြုဲင်းနယ်အလꩻသွူ