သံႏဃာႏတွမ်ႏတကာႏ၊ တပဲ့ꩻတွမ်ႏဆရာႏ၊ ဝါꩻတွမ်ႏမာ၊ မွိုးဖာတွမ်ႏပို ဖုံႏ ယမ်အုံငီꩻဒါႏဟောဝ်ဟောဝ်ဝင်ꩻတာႏတဲ့နောဝ်ꩻ၊ ယမ်မာꩻငီꩻဒါႏလꩻ ထာꩻမာꩻတစားစားတာႏတဲ့နောဝ်ꩻ တဖြာꩻတွမ်ႏတဖြာꩻ၊ တပါꩻတွမ်ႏတပါꩻ၊ တပါꩻတွမ်ႏတဖြာꩻ မေတ္တာႏယမ်ဖေႏနေး ကကုဲင်ထိုꩻမားထိုꩻမွုန်းဝင်ꩻတဲင် အောဝ်ႏအွောန်ႏခါꩻသေꩻ နမ်းကမ်ကျင်ꩻတာႏ ဝတ္တရာꩻဖုံႏသွူ။
- လှူးမာꩻဖေႏဗာႏ မှိုးဖာနီပါꩻ
- ခုမ်စမ်ႏမာꩻငီꩻဟောဝ်ဖေႏဗာႏ မှိုးဖာထာꩻမာꩻ
- ရဲးဟောဝ် အုံကမ်းဖေႏဗာႏ စှိုးခှိုꩻ
- ယမ်ထူႏဟောဝ်ခါꩻလꩻဗာႏ မှိုးဖာအမွီႏ ထာꩻလီ၊ ထာꩻအှောန်ႏအောဝ်ႏခါꩻ
- မှိုးဖာနီပါꩻ မဉ်ႏသီထှူခါ ဖေႏပန်းလူႏတမ်ꩻနှောင်ꩻဖေႏဗာႏ ဝွေꩻသီးတာႏ
- ဖေႏမာꩻတောဝ်း ထာꩻမာꩻလောလယ်
- အှောန်ႏနယ်ဖေႏဗာႏဟောဝ်မာꩻထာꩻမာꩻ
- သှောန်ဖေႏ၊ အှောန်ႏသှောန်ဗာႏ ပိုတာႏ ထာꩻဒါႏပညာႏ
- အခိန်ႏမဉ်ႏတှိုႏ ဖေႏလင်ꩻဗာႏ ထာꩻခြိုꩻဥစ္စာအမွီႏ
- အသက်မဉ်ႏမဲန်ႏ အမဉ်ႏတန် အှောန်ႏတောႏလမ်းဖေႏဗာႏပို
- တှူႏသှို ထွꩻတှောင်းဗာႏ သှောန်ထူႏလိတ်လုဲင်ꩻကို
- နာႏငေါဝ်းဗာႏ ဆရာႏထာꩻသှောန်
- ဆရာႏမဉ်ႏလှောန် ရပ်ဆုမ်ႏ ရိုႏသေႏဂါရဝေါစဆုမ်ႏဗာႏ
- ထွားမာꩻဖေႏဗာႏ ဆရာႏကမဉ်လꩻထာꩻ၊ ကမဉ်ဖေႏထွာထာꩻ
- သှောန်ထူႏဟောဝ်ဟောဝ်ဗာႏ ပညာႏ
- သှောန်ဖေႏပညာႏ
- တပဲ့ဖေႏကမော၊ ကလိမ္မာႏတာႏ ဒေါ့ꩻနယ်ဖေႏဗာႏ
- သှောန်ဖေႏလို့လို့ဗာႏ ထာꩻဒါႏ၊ အှောန်ႏကုဲင်ဗဉ်ႏထိုꩻဗာႏတောဝ်း
- ရဲးကမ်းဖေႏဗာႏ အန္တရယ်ႏ၊ ရန်ႏအသောင်ဖုံႏ ကအီးထဲ့ဒါႏ ဝွေꩻတပဲ့လောင်း
- ဝွေꩻသှောန်ဖေႏ မဉ်ႏစုမ်ႏထှူခါ ပသာဖေႏဗာႏတေားယင်း ဆရာႏအလင်ထျꩻ
- သေမာꩻဗာႏ အဒှိုႏအသွတ်ꩻ၊ ထာꩻမာꩻလမ်းကို
- ထွားအှောန်ႏဟောဝ်ဗာႏ လမ်းသားဝါꩻခို ကထုမ်ႏလှောန်ဖေႏဒါႏ ထာꩻခြိုꩻဖုံႏ
- လှိုနမ်းဝါꩻခိုယို ကျုက် မဉ်လꩻတေားဗာႏတောဝ်း လိုꩻခိုလင်
- ဖေႏယောင်းစွဲးကမ်းဗာႏ နမ်းဒျာႏဖူးဝေး၊ ဝါꩻခိုဖူးဝေးဖုံႏ
- ထာꩻမာꩻပေႏတန်မဉ်ႏအောဝ်ႏ သေနာႏဗာႏ၊ လွꩻဗာႏတောဝ်း၊ အုံအောဝ်ႏလမ်းသားမူႏယမ်ဗာႏထာꩻ
- ရက်ဗာႏမာမူႏ
- ထီႏပေႏထီႏဖွီဗာႏတောဝ်းမာ
- ထုမ်ႏကလꩻလှောန်ဒါႏ ရှောန်(ရောန်) ခမ်ꩻထာꩻခြိုꩻဖုံႏယို ဖေႏခါꩻဗာႏ မာမူႏထျꩻ
- လှိုနမ်းဒျာႏမာတှော့ꩻ ရက်တေား၊ အှောန်ႏတေားဗာႏတောဝ်း မေတ္တာႏ လိုꩻမူႏလင်လောင်း
- ခြှုင်းနမ်းဖေႏဗာႏ မာမူႏတာႏ ထာꩻတုဲင်ကꩻ ခုမ်လာꩻထာꩻခြိုꩻဖုံႏ
- ဗေင်ႏထွိုင်ႏရီးဗာႏထဲင်းအဗွေႏ
- အဗွေႏမဉ်ႏဗေင်ႏမꩻ ကွဲးဗေင်ႏဗာႏ
- အဗွေႏမဉ်ႏဖေႏမꩻ ထူႏဗာႏ
- မာꩻယမ်ယမ်ဗာႏထာꩻမာꩻ
- သေငါꩻဗာႏ အဗွေႏကေꩻဇူꩻ ထာꩻဖေႏယောင်း
- သေထှောန်ႏမာꩻငါထာꩻမာꩻ ခှုင်းအကနှောင်ꩻအာႏ
- ဖေႏတှောင်းတှောင်းဗာႏ ထာꩻမာꩻငိုꩻ
- ထာꩻမာꩻသားမဉ်ႏဆာ၊ မဉ်ႏခြှုင်ႏတောဝ်း လုမ်ꩻလာꩻဖေႏဗာႏ
- ထာꩻအမ်ႏအွꩻဟောဝ်မဉ်ႏအောင်ႏလဲင်ႏ ဖေႏဖဗဲင်းဗာႏ
- မဉ်ႏရော့ꩻတနꩻလဲင်ႏ ဖေႏအုံခြေင် ဖေႏအုံနာႏဗာႏ၊သေဖေႏဗဲင်းဗာႏ ခုမ်လာꩻ ထာခြိုꩻ
- ရက်သေဗာႏ၊ အှောန်ႏဗာႏသꩻမေတ္တာႏ
- မာꩻတသေႏသေႏဖေႏဗာႏ ကလိုႏမာꩻဒါႏ ဝတ္တရာꩻပေႏတန်
- မဉ်ႏခွဲးသံႏဃာႏ ဒေါ့ꩻရီလွေꩻဗာႏ ငေါဝ်းခြှုင်ႏသန်ꩻ၊ ငေါဝ်းခွꩻငိမ်ꩻ၊ ငေါဝ်းသရဏီယကထာ
- ထောက်ကမ်းဗာႏ သံႏဃာႏသီးတာႏ ပစ္စေလစ်ꩻပါꩻ၊ သံႏဃာႏမဉ်ႏမဉ်လꩻ ယမ်ဖေႏဒါႏတဲင် ဖစ်ဟှိုန်ဗာႏစှို့ꩻစှို့ꩻနေး ဝိိနည်း
- ထွာဖေႏပစ္စေလစ်ꩻပါꩻတကာႏ၊ ဖေႏလူႏပူႏဇောႏဗာႏ ကားကနှောင်ꩻအာႏ
- ရဲးခါꩻဖေႏဗာႏ ယမ်ဖေႏကမာꩻတောဝ်းဝင်ꩻ ကာယကမ်ႏလောလယ်၊ ဝစီႏကမ်ႏဆှော့ꩻတကုဲင်၊ မနောꩻကမ်ႏစုက်ဖုံႏ
- အှောန်ႏနယ်ဗာႏ ထာꩻမာꩻဟောဝ်တဲပ် သုစရဲက်(သုစာရိတ္တ) ထာꩻကမ်ကျင်ꩻ
- ဟောꩻခြုဲင်းဖေႏဗာႏ တရာꩻတသာသာဖုံႏ
- ယမ်ယူႏလꩻချာဝင်ꩻတာႏ ဟောꩻခြုဲင်းနယ်ဖေႏထဲင်းဗာႏ တရာꩻကဟှိုန်ဖိုလဲန်းစား
- ယီးနယ်လောဝ်းဟှိုန်ဖေႏဗာႏ ထာꩻမာꩻတှိုႏဒါႏ လူꩻခမ်း နိဗ္ဗာန်ႏ
- အှောန်ႏလီဖေႏဗာႏမေတ္တာႏ တကာႏ တကာႏမူႏ အကျိုꩻကေꩻဇူꩻ ကအောဝ်ႏခါꩻဒါႏ နမ်းဗွေႏလောင်း
- ဖေႏယောဝ်းလူႏလုဲင်ႏဗာႏဝင်ꩻ
- သꩻလောဝ်း နမ်းပါ အုံအောဝ်ႏတခှိုန်ဗာႏဝင်ꩻ
- တဖြာꩻလှူးနမ်းတာႏ တဖြာꩻစွဲးကမ်းလူႏလုဲင်ႏဗာႏ
- ဒေါ့ꩻရီဒေါ့ꩻဖြှောဝ်ႏဗာႏ ငေါဝ်းအွီႏငွါသာႏ
- သွꩻရုဲင်းဖက်ဒျာႏချာချာ မာꩻစှို့ꩻဖေႏဗာႏဝင်ꩻ
- မဉ်ႏအှောန်ႏဖေင်ꩻ၊ ထွားငီꩻဖေႏဝင်ꩻ
- ထွာႏငီꩻဖေႏ သွꩻထာꩻခြိုꩻဥစ္စာႏ
- ထာꩻငမ်းခရာႏ မဉ်ႏလှောန်တှိုႏ ယုမ်းအာႏလူႏလုဲင်ႏဖေႏဗာႏဝင်ꩻ
- မဉ်ႏခွဲးအထျꩻအသောင် အန္တရယ်ႏ အှောန်ႏကုဲင်နꩻတောဝ်း၊ ခွꩻတဲ့ငီꩻငီꩻ လျားတဲ့ဗွှန်ဗွှန် အုံကမ်းဖေႏဝင်ꩻ
- သွꩻပို၊ လီꩻ၊ လင်ꩻ အရန်းရန်း ခမ်ႏကုဲင်ဗာႏတောဝ်း ထာꩻမွှတ်ဖဉ်း
| ခမ |
ဇာဂရိယ |
ဥဋ္ဌာန |
သံဝိဘာဂ |
ဒယာ |
ဣက္ခနာ
|
| သယ်ႏခမ်ႏဖေႏ၊ အှောန်ႏဖေႏခန္တီႏတရာꩻ |
ထာꩻသေအောဝ်ႏဗှို့ꩻဗာႏသေႏသေႏ၊ အောဝ်ႏစွှန်းဗာႏ |
ဝီရိယဟောဝ်ထဲင်းဗာႏ လိုꩻဆလသား |
စွဲးကမ်းပင်ႏထိုဖေႏဗာႏ ရရော့ꩻဖဲ့ꩻ |
ရက်ဗာႏ၊ သညင်ꩻသေဗာႏ အလောင်းအလင် |
ယူႏချာငါသေ၊ ရီရောင်ထောင်လှောန်ꩻသေဗာႏထာꩻ
|
| အတ္ထညူ |
ဓမ္မညူ |
မတ္တညူ |
ကာလညူ |
ပရိသညူ
|
| သေဗာႏနမ်းတာႏအောဝ်ႏ အောဝ်ႏတောဝ်း |
ဟောဝ်ဒေါ့ꩻ၊ ဟောဝ်ဒေါ့ꩻတဝ်း သေငါꩻဗာႏ |
သေဗာႏ သွꩻသီးဝတ္တရာꩻ |
သေဗာႏ ထာꩻမာꩻတဗာႏယို အခိန်ႏတှိုႏ၊ တှိုႏတောဝ်း |
သေဗာႏပရိသတ် ကေားထွေလှောန်ꩻသားသꩻ
|
| ဒါန |
သီလ |
ပရိစာဂ |
မုဒုက |
ဥပေါသထ |
အက္ကောဓ |
အဝိရောဓ |
အဟိဟိံသန |
ခန္တီ |
သမ္မာပဋိပန္န
|
| လူႏထာꩻ |
ထူႏခါꩻဗာႏ သီႏလ ၅၊ သီႏလပါꩻဆီ |
ဖေႏယောဝ်း၊ ဖေႏယွဲး၊ စှောန်ꩻဖေႏဗာႏ |
ငေါဝ်းစှို့ꩻမဲန်ႏဗာႏ၊ နမ်းယဉ်ႏငဲးဗာႏ |
ထူႏခါꩻဗာႏ သီႏလ ၈ ပါꩻ |
သꩻလျား၊ သꩻပှေါတ်ꩻဗာႏတောဝ်းထာꩻ |
လှိုငေါဝ်းဗာႏတောဝ်း လိုꩻ၊ သံႏဃာႏ |
ကွီအာစှိုးဗာႏတောဝ်း အခှောန်ႏ ထာꩻထူႏဖ ရပ်သားလိုꩻအာလောင်း |
သယ်ႏခမ်ႏဗာႏ၊ အွှန်ဗာႏ |
အုံအောဝ်ႏစှို့ꩻမဲန်ႏဗာႏထာꩻ
|
| ကာလေန |
ဘူတေန |
သဏှေန |
အတ္တသံဟိတ |
မေတ္တာစိတ္တ
|
| ရော့ꩻဒေါ့ꩻခိန်ႏမꩻ ကွဲးဒေါ့ꩻဟှိုန် |
ဒေါ့ꩻဗာႏငေါဝ်းစှို့ꩻမဲန်ႏ |
ဒေါ့ꩻဗာႏ ငေါဝ်းအွီႏ ငွါပနဲန်ႏ |
ဒေါ့ꩻငါထာꩻအနမ်းအောဝ်ႏ အကျိုꩻအဲန် |
ဒေါ့ꩻဗာႏတုမ်ႏမေတ္တာႏ[၁]
|
- ↑ ယဉ်ကျေးလိမ္မာဓမ္မစာပေ ဟံဂံရာမညမြေ၂၀၁၅
