ပဋာစာရထေရီ

"ပဋာစာရထေရီဝတ္ထု"

၁၁၃။ ပါꩻမုဲင်ꩻရိုꩻတဝ်း ထိႏတဝ်းရုပ်နာမ်ႏ အထွာအကုဲင်ယို အသက်ထိုဆွာꩻ အနေင်ႏတရျာꩻ၊ ရုပ်နာမ်ႏအထွာအကုဲင်ယို ကထီႏဒါႏပုဂ္ဂိုလ်ႏနဝ်ꩻအတာႏ အသက်အုံဗာႏ တနီꩻဒျာႏတဲ့ မျတ်လဲဉ်းက လိုꩻတထီႏတဝ်းရုပ်နာမ်ႏ အထွာအကုဲင် အုံဗာႏသက်တနီꩻတာႏနဝ်ꩻသွူ။

ဟော်ꩻထွားသွဉ်ဗာႏ 'ပဋာႏစာႏရာႏထေရီႏဝတ္ထု'ယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ မူႏနံꩻ/ ခိုဗင်ႏ ဆင်ႏချင်ႏထိန်ꩻသꩻ မဉ်ႏတလꩻတဝ်းနဝ်ꩻ ထွာဒါႏထာꩻမာႏယော့-

၂။ တောႏလမ်းတောႏပါႏခရာႏနဝ်ꩻ အဝ်ႏလိုႏတွိုင်ႏပင်ႏဒျာႏတွမ်ႏမွိုးဖါ-

၃။ ဒေါ့ꩻနယ်တောဝ်းမွိုး တငွါငွါ၊ ဒေါ့ꩻနယ်တဝ်းဖါ တမျိုꩻမျိုꩻ၊ ပေါႏအီထိုꩻတခွန်ꩻနေးလို့ဝင်ꩻနဝ်ꩻ ကုဲင်းမော့ꩻဒါႏ ထာꩻဒုက္ခ-

၄။ ကိလေႏသာႏမေႏခိုး ငွိုးဗာႏထာꩻ နုဲင်းပဋာႏစာႏရာႏနောဝ်ꩻ ဟောဝ်လꩻငါႏ သံႏဝွေႏဂ-

၅။ နွောင်ꩻထာဗား' နွောင်ꩻထာꩻလျားနဝ်ꩻ အဝ်ႏဒျာႏ နီဗွေႏဘုရာꩻတရာꩻတောႏလွုမ်ꩻအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။

"ကိသာဂေါတမီဝတ္ထု" ၁၁၄။ ပါꩻမုဲင်ꩻရိုꩻတဝ်း ထီႏတဝ်းထာꩻသီလွစ်မန်ႏ မျတ်နိဗ္ဗာန်ႏယို အသက်ထိုဆွာꩻ အနေင်ႏတရျာꩻ ထာꩻသီလွစ်မန်ႏ မျတ်နိဗ္ဗာန်ႏယို ကထီႏဒါႏ ပုဂ္ဂိုလ်ႏနဝ်ꩻအတာႏ အသက်အုံဗာႏ တနီꩻဒျာႏတဲ့ မျတ်လဲဉ်းက လိုꩻတထီႏတဝ်း နိဗ္ဗာန်ႏသက်ဆွာꩻ နေင်ႏတရာꩻနဝ်ꩻသွူ။

ဟော်ꩻထွားသွဉ်ဗာႏ ကိသာဂေါတမီဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ ရွဉ်ခံꩻရတနာႏနဝ်ꩻ ထွိုက်တန်ႏဒျာႏတွမ်ႏ ဘွုံꩻကံႏတန်သား-

၂။ ရွဉ်ခံꩻတွမ်ႏလိုꩻမွိုက် တထွိုက်တန်ႏတဝ်းလို့ဝင်ꩻ-

၃။ လိုꩻဘွုံꩻကံႏ တအဲဉ်ထဝ်းနဝ်ꩻ အာႏကွိုꩻဗာႏ လိုꩻဘွုံꩻကံႏတန်သား-

၄။ လိုꩻသီထွူနဝ်ꩻ ဘုရာꩻခန်းတဲ့ မာꩻမွန်ချာဖေႏ တဒါႏတဝ်း-

၅။ ဖူးဝေးစွိုးခွိုꩻကို တသီဖိုဖိုတဝ်းနဝ်ꩻ အဲဉ်ထဝ်း-

၆။ သောကပရိဒေဝ-သꩻထာꩻခိုးလျား အာႏတလာနေတွင်ꩻနဝ်ꩻ ဟော်ꩻထွူဖေႏစွဉ်ႏတရာꩻ လꩻတဝ်း-

၇။ နေးတွမ်ႏပရိယာယ်ႏ မာꩻဖေ့ယွယွရီး သောကပရိဒေဝထွူမꩻ ဟော်ꩻဖေႏတရာꩻလꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။