ပတ္တိဒါန
နီကလꩻဒါႏ ကုသိုလ်ႏယို ဝင်ꩻတဲ့ဖေႏကလꩻတွာတွာ အွဉ်ႏသꩻဗွာဗွာ ကဖန်းဖေႏနဝ်ꩻ ဟဲ့ꩻ"ပတ္တိဒါန"နောဝ်ꩻသွူ။ ရီ- ဖန်းဝွေႏဖေႏထိုꩻဝင်ꩻနုဲင်းယိုနဝ်ꩻ ကုသိုလ်ႏလို့ထိုꩻနဲ့၊ လို့ထိုꩻတဝ်းနဲ့ ထေနယ်ဖေႏ တွမ်ႏဥပမာႏမွိုင်။ ဖြေႏ- လို့ထိုꩻတဝ်း၊ ယိန်းလꩻအာထဲင်းကုသိုလ်ႏ၊ ဥပမာႏ တဲစ်ꩻရီးခန်း ဖယောင်ꩻတဲင်ႏတလီး၊ ဖယောင်ꩻတဲင်ႏ အလီးတရေင်နောဝ်ꩻ ခြဲစ်ꩻထဲင်းဒွုမ်မေႏခြဲစ်ꩻ၊ ထူႏထူႏတဲစ်တောဗော့ꩻ ပထမ ဖယောင်ꩻတဲင်ႏမေႏနဝ်ꩻ၊ ဖယောင်ꩻတဲင်ႏ အဆုဲင်ꩻသွတ်ꩻအလီးတရေင် တဲစ်ꩻလို့ခန်းတဲ့ ပထမ ဖယောင်ꩻတဲင်ႏမေႏနဝ်ꩻ အယွမ်ꩻထိုꩻတဝ်း၊ ပထမဖယောင်ꩻတဲင်ႏ မေႏရောင်ႏတွမ်ႏ ကတဲစ်ꩻဆုဲင်ꩻ မေႏရောင်ႏတရေင် ကတိန်ႏတင်ႏလေညီꩻဝင်ꩻနဝ်ꩻ ယိန်းတင်ႏယိန်းတလဝ်စွဉ်ႏနဝ်ꩻသွူ။ ဥပမာႏ နုဲင်းနဝ်ꩻနေနေ၊ ဖန်းဝွေႏဖေႏစွဉ်ႏတဲ့ ပထမကုသိုလ်ႏနဝ်ꩻ တယွမ်ꩻထိုꩻတဝ်း၊ လꩻထဲင်း "ပတ္တိဒါနကုသိုလ်ႏ"တဲင် ယိန်းလꩻအာအာ ကုသိုလ်ႏနဝ်ꩻသွူ။ "ပတ္တိဒါနကဗျာ" - ဝွေႏဖန်းလူꩻလိုꩻ - ယွမ်ꩻထိုꩻတဝ်းဗာႏ လꩻထဲင်းလွိုပိုႏ - ကုသိုလ်ႏထွာပွါꩻ မေႏတဲင်ႏတလီး - တဲစ်ꩻရီးသေႏချာႏ တဲစ်ꩻကူꩻတော - အာအော ယိန်းလေဗွာ။ "ဝွေႏဖန်းဖေႏ ကုသိုလ်ႏပွုံႏ" ကမာꩻကုသိုလ်ႏသားနဝ်ꩻ ရိုꩻသွော့နုဲင်းယို- "ထူႏတွာတွာသွော့ ကုသိုလ်ႏယိုနော ဗွေႏသီးဩ"။ "သာႏဓု - သာႏဓု - သာႏဓု"ရိုꩻသွော့နုဲင်းနဝ်ꩻ။ (တောင်ꩻခါꩻ- ငေါဝ်းယပ်ꩻနမ်းဆျာꩻထီနဝ်ꩻတဲ့ အရေꩻကီꩻဒျာႏ အသေနာႏတဲင် ရွစ်နေးဒျာႏ နီဘာႏသာႏခြေင်ခြေင်မꩻ ဟောဝ်၊ ထာꩻနစ်သက်ယိန်းထွာ၊ ယိန်းလꩻအာကုသိုလ်ႏ၊ ငေါဝ်းယပ်ꩻနမ်း ဆျာꩻထီယင်ဟန်ႏနဝ်ꩻ "တောင်ႏကီꩻ-ပဂိုꩻ ရန်ႏတကုန်ႏ၊ မောႏလမဲင်ႏသထုံႏ ထာဝယ်ဗိတ်"စတဲင်နုဲင်းနဝ်ꩻဖုံႏ။ "ဖိုး ပနား ထော့ꩻထွီႏ ချင်္သေ့ꩻကေ၊ ယူးဝါးဆင်သေ ဖီးထူꩻဒေႏ"စတဲင်နုဲင်းနဝ်ꩻဖုံႏနောဝ်ꩻ ပစျꩻပနျꩻအာလွဉ်ꩻ၊ ဆွာꩻလွဉ်ꩻငါႏတဲင် တွမ်ႏခေတ်ယိုခါ (တွမ်ႏလိုꩻယိုခါ) ထာꩻထီႏနောဝ်ꩻ တပေါႏကဲက်ညီႏတဝ်းနောဝ်ꩻသွူ။[၁][၂]
အာႏကွိုꩻ
မွဉ်းဖျင် | ရောမ်ဖြုဲင်ꩻထွာဒျာႏ ရောမ်ဖြုဲင်ꩻဒွောင်ႏတပုဒ်နဝ်ꩻသွူ။ တဲမ်းထဲမ်သော့ꩻဖေႏထဲင်းယင်းတဲင် စွဲးကမ်းဖေႏကိုသွော့ ပအိုဝ်ႏဝီခီပီးဒီးယားယိုသြ။ |