ပနားတီသား

ပနားနောဝ်ꩻ အနမ်းလဲ့ကတန်၊ အာႏလဲ့ကတလာနဝ်ꩻ တွက်စွဉ်ႏလိုꩻဝင်ꩻငတ်ꩻ၊ လိုꩻသမ်းအောဝ်ႏတီဗာႏဒျာႏ၊ လိုꩻကောတီသားအောဝ်ႏထိုမ်းဒွိုန်းကအငင်း၊ သမ်းတွဲႏဗာႏကတွမ်ႏခွဉ်း၊ ပွိုးအကျောင်ꩻထာꩻမှဲꩻ နမ်းလဲ့ကတန် အာႏလဲ့ကတလာ သမ်းအောဝ်ႏဗာႏခွဉ်းနောဝ်ꩻ ကွပ်စွဉ်ႏအပညာႏငထောဝ်းနော၊ နီလိုꩻလဲ့ ပညာႏမီႏငထောဝ်းနောဝ်ꩻ နှဲးစွဉ်ႏပနားနဝ်ꩻဆွူ၊ ပိညာႏသားထိုမ်းနီ၊ ကွီရွဉ်ထွဉ်ႏအံႏ ခံႏဗာႏတေ့ꩻတေ့ꩻ၊ တထိန်ချာဗွုန်ႏတဝ်း၊ ဉာဏ်ႏသားမာꩻနှဲးမှဲꩻလဲ့ စူꩻဗာႏဉာဏ်ႏသား၊ ဥပမာႏပနားယိုနော၊ နဝ်ꩻမꩻနီယိုခါ၊ ယံကထွာနှဲးပနားတီသား၊ ထိုမ်းဗာႏပနားငင်းလောင်း၊ တွမ်ႏခွဉ်းတလီး ဝါးလွေꩻမှဲꩻလဲ့ ပနားလွေꩻဗာႏ၊ ပိညာႏဉာဏ်ႏသား အဖွိုႏစားမအုံဗာႏ၊ မျာꩻတကာႏချီႏမျောက်၊ ကမ်းထောက်တင်ꩻလှဲပေါင်ꩻ၊ ဝင်ꩻအုံရောင်ꩻဝင်ꩻအုံခိုႏ၊ အတန်လိုႏအပေႏကျွိုက်၊ အုပ်နယ်ႏတွိုက်အုပ်ခမ်းထီ၊ ယံဗိုန်ပီထိုနုဲင်းဝင်ꩻ၊ ပေါက်ဖေါ်ချင်ꩻသွꩻပအိုဝ်ႏ၊ အောဝ်ႏလိုႏလဲဉ်းစွုမ်ႏနီꩻနီꩻ၊ အောဝ်ႏထီႏဒျာႏကူꩻကောကွန်၊ နီခမ်းထွန်ႏနီထာꩻကွိုꩻ၊ လိုꩻမျိုꩻလင်တွမ်ႏအောဝ်ႏပုဲႏ၊ ကောကွန်စုဲႏအွဉ်ဆငါ၊ ပညာႏအာလိုꩻခိုထီး၊ စူဆီလီးခင်ႏနီပင်၊ ဇော်ꩻဟိတ်ဟန်ထိုမ်ႏပညာႏ၊ ယံသေဒါႏနှဲးအဝင်ꩻ၊ တဲက်တွန်ꩻလင်ꩻနီပိုပေႏ၊ တရေႏလꩻကွိုꩻလွဉ်ꩻဗာႏ၊ ပညာႏသားအမျာꩻကွိုꩻ၊ နီလိုꩻစွိုꩻပအိုဝ်ႏအာ၊ ယံကထွာဝင်ꩻစော့ꩻသွဲး၊ ယံကခွဲးရုမ်ꩻတန်ကို၊ နီပိုခိုခွန်မောင်ႏသျင်ႏ၊ ရန်းယံထင်ႏအာႏကွိုꩻလꩻ၊ ကျိုꩻစာꩻမꩻတဲက်တွန်ꩻဗဲင်း၊ ယူႏစဲင်းင်းကိဉ်ꩻစာꩻမꩻ၊ နီဌာနနီအွိုင်ႏနယ်ႏ၊ နီတယ်ႏထောင်ႏနီကျိုꩻစာꩻ၊ မဲ့ꩻတဲင်ပါꩻလွဉ်ထိုမ်းနီ၊ ပနားတီဥပမာႏ၊ သညင်ꩻငါႏနီစွိုꩻတန်၊ မုံးဟန်ဗဲင်းထီႏညာꩻညာꩻ၊ စွုမ်ႏဖြာꩻလိုꩻပအိုဝ်ႏနော။