ပအိုႏလိတ်ယေန်ႏ ထာꩻမာꩻရဲန်ႏ

ပအိုဝ်ႏလိတ်လုဲင်ꩻယေန်ႏငဲးရေꩻအစွိုꩻ ဗဟိုႏကောမတီႏ ပွဲꩻတန်အုံကိုမ်ဝင်ꩻအကို ကအွဉ်ႏထွော့ခါꩻဒါႏ ထာꩻမာꩻရဲန်ႏဖုံႏနဝ်ꩻ

၁။ ပအိုဝ်ႏလိတ်လုဲင်ꩻ ဖေႏနေးကယိင်းစူမ်ႏထဲင်းထဲင်းအတာႏ ယံကသုတေသနလွေꩻဗာႏ။ ၂။ ပအိုဝ်ႏလိတ်လုဲင်ꩻ ​ဖြယ်ထန်ႏရေꩻသွဉ်တန်ꩻအတာႏ ယံကထေထန်ႏလွေꩻဗာႏလိတ်ဖွူꩻ။ ၃။ ထွို့ꩻဗူႏခြွဉ်းဘာႏသာႏပြန်ႏသားအစွိုꩻထွူ ယံကမာꩻလွေꩻဗာႏ ဘာႏသာႏပြန်ႏထာꩻမာꩻဖုံႏ။ ၄။ ယံကထေထန်ႏလွေꩻဗာႏ သတင်ꩻစဲဉ်ႏဖုံႏ၊ လိတ်ဖေႏယောင်းဖုံႏ၊ ဂျာနယ်ဖုံႏ၊ မဂ္ဂသျိဉ်းဖုံႏ၊ ၅။ ယံကခြွူႏမွဉ်းဖျင်လွေꩻဗာႏ ပအိုဝ်ႏသမဲင်ꩻ၊ ၆။ ယံကထိုမ်ႏရွောမ်လွေꩻဗာႏ ပအိုဝ်ႏငဝ်းတွိုင်ꩻဖုံႏ၊ ငဝ်းအံႏဖမ်ꩻဖုံႏ၊ ငဝ်းခြုဲင်းဖုံႏ၊ ငဝ်းကဲးဖုံႏ၊ ၇။ ယံကဗွောင်လွေꩻဗာႏ ပအိုဝ်ႏစွိုးခွိုꩻထွားလိတ်ဟော် ဗွေဗွေစူမ်ႏစူမ်ႏ လိုမ်းလိုမ်းကိုမ်ႏကိုမ်ႏ၊ ၈။ သုတေသနလွေꩻ ပအိုဝ်ႏလိတ်မျိုꩻစူမ်ႏထွူ ယံကထေထန်ႏလွေꩻဗာႏ။ ၉။ ယံကတဲႏထောင်ႏလွေꩻဗာႏ သုင်ꩻဖဲ့ꩻပေါင်ꩻစူမ်ႏ စက်နျꩻလိတ်ပအိုဝ်ႏ၊ ၁၀။ ယံကထိုမ်ႏ ထိင်ꩻသိမ်ꩻလွေꩻဗာႏ ပအိုဝ်ႏလိတ်လုံးလောင်း၊ လိတ်ပေလာႏလောင်း၊ လိတ်ခေါင်ꩻလောင်ꩻလောင်းဖုံႏ၊ လိတ်ပပ်ꩻဖုံႏ၊ ၁၁။ ထွို့ꩻဗူႏ ပအိုဝ်ႏပညာႏသျင်ႏထွူ ယံကမာꩻလွေꩻဗာႏ ထာꩻမာꩻလဖုံႏယို

       (က)  ယံကမာꩻ မွဉ်းဖျင်လွေꩻဗာႏ ပအိုဝ်ႏလိတ်ဖြုံႏပေါင်ꩻပုံႏကျမ်ꩻ၊
       (ခ)  ယံကတဲမ်း မွဉ်းဖျင်လွေꩻဗာႏ ပအိုဝ်ႏအဘိဓာန်ႏကျမ်ꩻ၊
       (ဂ) ယံကတဲမ်း မွဉ်းဖျင်လွေꩻဗာႏ ပအိုဝ်ႏ−မန်း အဘိဓာန်ႏကျမ်ꩻ၊
       (ဃ) ယံကတဲမ်း မွဉ်းဖျင်လွေꩻဗာႏ ပအိုဝ်ႏ−ပါဠိအဘိဓာန်ႏကျမ်ꩻ၊
       (င) ယံကတဲမ်း မွဉ်းဖျင်လွေꩻဗာႏ ပအိုဝ်ႏ−အင်္ဂလိပ်အဘိဓာန်ႏကျမ်ꩻ၊

၁၂။ သုတေသနလွေꩻ ပအိုဝ်ႏယေန်ႏငဲးမုꩻဖုံႏထွူ ယံကထေထန်ႏလွေꩻဗာႏ လိတ်ဖွူꩻလိတ်မုဲတန်ꩻဖုံႏ၊ ၁၃။ ယံကဗွောင်လွေꩻဗာႏ ပအိုဝ်ႏစွိုးခွိုꩻနယ်တွိုက်(ပြတိုက်) တဲးတဲးဝါးဝါး၊ ၁၄။ ယံကခြဲ့ꩻလုဲး မာꩻလွေꩻဗာႏ ပအိုဝ်ႏစွိုးခွိုꩻနယ်တွိုက်တောမ်ႏ ထွားလိတ်ဟော် အပွိုင်အခြုံဖုံႏ၊ ၁၅။ ယံကတဲႏထောင်ႏလွေꩻဗာႏ ပအိုဝ်ႏမွိုးသီႏလဗွာ သွဉ်လိတ်တွိုက်၊ ၁၆။ ပအိုဝ်ႏပရိယတ္တိသွဉ်လိတ်တွိုက်ဖုံႏအတာႏ ယံကထွို့ꩻဗူႏ တဲႏထောင်ႏလွေꩻဗာႏ လူႏဟူသားအစွိုꩻ၊ ၁၇။ ယံကထေထန်ႏလွေꩻဗာႏ ပအိုဝ်ႏယိုꩻယာႏ ပက္ခဒိင်ႏယို စူမ်ႏနေင်ႏနေင်ႏ၊ ၁၈။ ယံကဖောႏထန်ႏ ပင်ႏကီကိုဗာႏ ပအိုဝ်ႏယိုꩻယာႏတောမ်ႏ ခေတ်တသာငဝ်းသချင်ꩻဖုံႏ၊ ၁၉။ ယံကထွို့ꩻဗူႏလွေꩻဗာႏ ပအိုဝ်ႏမော်အစွိုꩻ၊ ၂၀။ ယံကထိုမ်ႏရွောမ် ထေထန်ႏလွေꩻဗာႏ ပအိုဝ်ႏငေါဝ်းတဲက် ခေတ်တသာငေါဝ်းသချင်ꩻဖုံႏ၊ ၂၁။ ယံကတဲႏထောင်ႏလွေꩻဗာႏ ပအိုဝ်ႏခေတ်တသာအဒုံႏအအူဝဲင်ꩻ၊ ၂၂။ ယံကတဲမ်းထွို့ꩻ ဖောႏထန်ႏလွေꩻဗာႏ ထာꩻမာꩻရဲန်ႏကီဖုံႏယို တဗာႏစီႏအလွောက်ꩻ ကအီႏခူမ်မာꩻချက် အနမ်းအခြုံဖုံႏပိဉ်စွိုးစွိုးသွူ။