ပါꩻထုဲင်လုဲင်းဝတ္ထု
"ပါꩻထုဲင်လုဲင်းဝတ္ထု"
၆၇။ ဂါႏထာႏပြန်ႏပအိုဝ်ႏခြေင်ခြေင် ထာꩻမာꩻအမျိုꩻမုဲင်ꩻတရိုꩻတဝ်း မာꩻထွူတဲင် ခိုးလျားဆုဲင်ꩻဗာႏ၊ ကမာꩻဒါႏ ထာꩻမာꩻအမျိုꩻနဝ်ꩻနဝ်ꩻ တဟောဝ်တောဝ်း၊ ဟဝ်တဝ်းထာꩻမာꩻ အကျိုꩻတရာꩻယို မဲ့ထီရီႏရွဲး ငွိုးယွဲးဗာႏထာꩻ၊ လဲ့ꩻဖုဲင်းမဒါႏ ခံႏလွေꩻဗာႏနဝ်ꩻသွူ။
"လꩻဗဟုသုတ၊ လꩻသတိꩻနုဲင်းယို" ဟော်ꩻထွားသွဉ်ဗာႏ ပါꩻလုဲင်းသားဝတ္ထုယိုတဲင်-
၁။ မဉ်ႏမော့ꩻတလူႏဗာႏ ပျဿနာႏတမျိုꩻမျိုꩻနဝ်ꩻ အဝ်ႏလိုႏငါႏ သက်သေႏခွေါင်ခွေါင်ခံႏခံႏအကျောင်ꩻ၊
၂။ ကဖေႏအမိန်းသား (ဆဲင်ႏရာꩻလိုꩻတန်)ဖုံႏနဝ်ꩻတဲ့ အွဉ်ႏသꩻခွꩻခွꩻ ရီထွꩻထွꩻ အထျꩻအနာ၊ ဖေႏတငါတငီမွိုန်းတဝ်းအမိန်းအကျောင်ꩻ၊
၃။ ပေါင်ꩻကွိုက်ꩻသူႏတောႏကောင်ꩻမꩻ လꩻထာꩻချမ်ꩻသာႏအကျောင်ꩻ၊
၄။ သူႏတောႏကောင်ꩻသီးငေါဝ်းနဝ်ꩻ အောဝ်ႏလိုႏအွဉ်ႏဖေင်ꩻတောဝ်းအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။
"စာကဝ်ႏသား-သုမနဝတ္ထု"
၆၈။ ဂါႏထာႏပြန်ႏပအိုဝ်ႏခြေင်ခြေင်- ထာꩻမာꩻအမျိုꩻမုဲင်ꩻတရိုꩻတဝ်း မာꩻထွူတဲင် ခိုးလျားဆုဲင်ꩻဗာႏတဝ်း၊ ကုသိုလ်ႏကမာꩻ အကျိုꩻတရာꩻယို နစ်သက်ဟဝ်ငါႏ၊ သꩻရေꩻဟဝ်ငါႏ ရွစ်တွိုႏနိဗ္ဗာန်ႏ အီႏစံႏစာꩻလွေꩻဗာႏ ချမ်ꩻသာႏနဝ်ꩻသွူ၊ ကမာꩻဒါႏ ထာꩻမာꩻအမျိုꩻနဝ်ꩻနဝ်ꩻ လောကသံသရာႏအတွက်တာႏ ဟဝ်ငါႏ မရေႏမရာႏနဝ်ꩻသွူ။
'"လꩻဗဟုသုတ၊ လꩻအီသတိꩻနုဲင်းယို" ဟော်ꩻထွားသွဉ်သား "စာကဝ်ႏသား-သုမန"ဝတ္ထုယိုတဲင်-
၁။ လောကသံႏသရာႏ ကနပ်တွက်ဒါႏလိုꩻနဝ်ꩻ လုဲင်ႏစွဉ်ႏသက် လူႏတန်ꩻဗွုန်ႏဒျာႏအကျောင်ꩻ၊
၂။ ခွန်ဟောဝ်သီးမျိုꩻနဝ်ꩻ ယူႏတောဝ်းနမ်းတာႏ၊ ထွာဒျာႏဝင်ꩻတွက်၊ နစ်သက်ဒျာႏ လိုꩻဟောဝ်အကျောင်ꩻ၊
၃။ ခွန်ဟောဝ်သီးအမျိုꩻနဝ်ꩻ လိုꩻဟောဝ်၊ ထာꩻမာꩻဟောဝ် ထွားလွိုက်၊ ထွိုက်ထွိုက်တန်ႏတန်ႏ ပင်ႏထိုမပ်မပ် ဖေႏအပ်ဒျာႏဆုꩻအကျောင်ꩻ၊
၄။ ဟောဝ်မာꩻငါႏ ထာꩻမာꩻဟောဝ် (ကုသိုလ်ႏ)အကျောင်ꩻ၊
၅။ ပေါႏမာꩻ ထာꩻမာꩻဟောဝ် (ကုသိုလ်ႏ)နဝ်ꩻ တွိုႏလွေꩻဗာႏတဝ်း အပါယ်ႏ၊ ကျင်ႏလယ်ႏလူꩻခမ်း၊ ထွာခန်းပစ္စေကဗုဒ္ဓါႏ၊ ရဟန္တာႏအရန်း၊ လွစ်ခန်းဒျာႏ သံသရာႏအကျောင်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်နဝ်ꩻသွူ။[၁][၂][၃]