ပေါႏထိန်ꩻတဝ်းဣန္ဒြေႏနဝ်ꩻ

"ဟတ္ထိသာရိပုတ္တသုတ် (လꩻခန်းစျာန်ႏတဲ့ယဝ်း ပေါႏထိန်ꩻတဝ်းဣန္ဒြေႏနဝ်ꩻ ထွက်ဒါႏထာꩻ)" နီဗွေႏဘုရာꩻအဝ်ႏအုံ ဗာႏရာႏဏသီႏခမ်း ဣတိပတနမိဂဒါဝုန်ႏ တခြာတန်ကိုအတွင်ꩻ မထေရ်ႏတန်ဖုံႏနဝ်ꩻ သွုံꩻသွမ်ꩻယာထွူ ကျွꩻလွေꩻအုံဗူႏလွ ဝတ်တဝွန်ꩻကို၊ အွဉ်ႏဒေါ့ꩻငေါဝ်း ပွိုင်းဝွို့တွမ်ႏ အဘိဓမ္မာႏခရာႏဖုံႏနောဝ်ꩻသွူ။ ဆင်ဆရာႏပို ဗွေႏစိတ္တနဝ်ꩻ အွဉ်ႏဒေါ့ꩻသဲပ်ꩻသော့ꩻခွိုꩻခွိုꩻတဲင် မထေရ်ႏတန် ဗွေႏမဟာကောဋ္ဌိကနဝ်ꩻရိုꩻ- "ဆင်ဆရာႏပို ဗွေႏစိတ္တဟွေး- မထေရ်ႏတန်သီး အဝ်ႏဒေါ့ꩻငေါဝ်း အဘိဓမ္မာႏတွင်ꩻနဝ်ꩻ နာꩻဒေါ့ꩻသဲပ်ꩻသော့ꩻမွုန်း၊ အုံပွေါနာႏသွတ်ꩻသွတ်ꩻဒွိုန်းကဟုဲင်း" ဗွေႏစိတ္တသွꩻဖုံႏနဝ်ꩻ လောဝ်းချာ ဗွေႏမဟာကောဋ္ဌိကနုဲင်းယို- "ဩဗွေႏ မဟာကောဋ္ဌိက- နီဗွေႏဟွိုက်ꩻမွုန်း ဆင်ဆရာႏပို ဗွေႏစိတ္တနဝ်ꩻ၊ ဆင်ဆရာႏပို ဗွေႏစိတ္တနဝ်ꩻတဲ့ လိုꩻဒါႏပညာႏနေနေ၊ တွမ်ႏမထေရ်ႏတန်ဖုံႏနဝ်ꩻ ဒေါ့ꩻငါဒေါ့ꩻချာ အဘိဓမ္မာႏခရာႏ ဒါႏဒျာႏ" "ယို ဗွေႏစင်ꩻဖုံႏဟွေး- ၁။ ပေါႏတသေထွꩻတဝ်း ဝင်ꩻသꩻအထွာပွုံႏနဝ်ꩻ အီႏသဗာႏအခရာႏယို ယပ်ꩻခုဲင်ႏတန်ကွေး၊ လောကကိုယို ပုဂ္ဂိုလ်ႏယင်ဟန်ႏနဝ်ꩻ ကအဝ်ႏဆရာႏထျꩻ၊ အဝ်ႏပုဂ္ဂိုလ်ႏတန်ထျꩻနဝ်ꩻ ပျောႏလွဉ်ꩻဒျာႏကုသိုလ်ႏ၊ ချꩻဒျာႏမာႏန၊ တဗွီႏဗဲ့ပေႏဒျာႏ၊ ရဟန်ꩻနဝ်ꩻနဝ်ꩻ ပေါႏအဝ်ႏဒွုမ်ဆရာႏထျꩻ၊ ပုဂ္ဂိုလ်ႏတန်ထျꩻတဲင် လွေꩻလယ်ႏတောဒျာႏ ရဟန်ꩻမူႏထျꩻ၊ တကာႏလိုꩻလမ်းထျꩻ၊ ခွန်ထျꩻ၊ ခွန်အမျတ်ထျꩻ၊ လွေꩻကွိုက်ꩻတောဒျာႏ တိတ္ထိတက္ကတွဉ်ꩻသီးတပဲ့ꩻဖုံႏ၊ တွိုႏနဝ်ꩻတွော့ꩻ သꩻလော်လယ်၊ ဣန္ဒြေႏကုဲင်၊ တဏှာႏရာႏဂနိစ္စက် ထွက်ထိုꩻစွဉ်ႏနောဝ်ꩻသွူ။ ၂။ 'ခွေယိုလꩻလဲဉ်း ပဌမဈာန်ႏ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ ကွဲညည ရာႏဂနိစ္စက် ထွက်ထိုꩻဒျာႏနေနေ။ ၃။ 'ခွေယိုလꩻလဲဉ်း' ဒုတိယဈာန်ႏ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ ကွဲညည ရာႏဂနိစ္စက် ထွက်ထိုꩻဒျာႏနေနေ။ ၄။ 'ခွေယိုလꩻလဲဉ်း တတိယဈာန်ႏ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ ကွဲညည ရာႏဂနိစ္စက် ထွက်ထိုꩻဒျာႏနေနေ။ ၅။ 'ခွေယိုလꩻလဲဉ်း စတုတ္ထဈာန်ႏ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ ကွဲညည ရာႏဂနိစ္စက် ထွက်ထိုꩻဒျာႏနေနေ။ ၆။ 'ခွေယိုလꩻလဲဉ်း "အနိမိတ္တစေတောသမာဓိ"၊ ခွေသꩻစွူဒျာႏ၊ လယ်ႏအာလမ်းလꩻဒျာႏ၊ အုံညီꩻပေါင်ꩻကွိုက်ꩻ လိုꩻလမ်းခိုခိုမူႏမူႏလꩻဒျာႏ၊ ပေါင်ꩻကွိုက်ꩻတိတ္ထိတက္ကတွဉ်ꩻတဲ့ယဝ်း ထွာတဝ်းမုဲင်ꩻမုဲင်ꩻ'ရိုꩻနုဲင်းနဝ်ꩻလꩻတဝ်း၊ လောကီဈာန်ႏလွုမ်ꩻ၊ လောကီသမာႏဓိလွုမ်ꩻ၊ ပေါႏရာႏဂနိစ္စက် နဝ်ꩻ ထွက်ထိုꩻစွဉ်ႏဒျာႏနဝ်ꩻသွူ။ ဆင်ဆရာႏပို ဗွေႏစိတ္တနဝ်ꩻတဲ့ ထွက်သဲင်ꩻလမ်း၊ လꩻသံႏဝွေႏဂ၊ ထင်ႏချာ၊ တွိုႏနဝ်ꩻခါမꩻ အားထွုတ်မွေးတရာꩻ၊ ထွာရဟန္တာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ဟတ္ထိသာရိပုတ္တသုတ်)