ဖိုးထီးတန်ခေါင်းလစ်ꩻမျိုꩻ
"ဗလိဗဒ္ဒသုတ် (ဖိုးထီးတန်ခေါင်းလစ်ꩻမျိုꩻ-လိုꩻလစ်ꩻစား)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- ရဟန်ꩻသီးဖုံႏဟွေး- ဖိုးထီးတန်ခေါင်း အဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ- ၁။ သဂဝစဏ္ဍော နော ပရဂဝစဏ္ဍော- ကုဲင်ဒျာႏ ဝွေꩻအဖုံႏကိုလွုမ်ꩻ၊ ဝင်ꩻအဖုံႏကိုနဝ်ꩻ ကုဲင်တောဝ်း။ ၂။ ပရဂဝစဏ္ဍော နော သဂဝစဏ္ဍော - ကုဲင်ဒျာႏ ဝင်ꩻအဖုံႏကိုလွုမ်ꩻ၊ ဝွေꩻအဖုံႏကိုနဝ်ꩻ ကုဲင်တောဝ်း။ ၃။ သဂဝစဏ္ဍော စ ပရဂဝစဏ္ဍော စ- ဝွေꩻအဖုံႏကိုတဲ့ ကုဲင်ဒျာႏ၊ ဝင်ꩻအဖုံႏကိုတဲ့ ကုဲင်ဒျာႏ။ ၄။ နေဝ သဂဝစဏ္ဍော နော ပရဂဝစဏ္ဍော- ဝွေꩻအဖုံႏကိုတဲ့ ကုဲင်တောဝ်း၊ ဝင်ꩻအဖုံႏကိုတဲ့ ကုဲင်တောဝ်း။ ဖိုးထီးတန်ခေါင်ႏ အဝ်ႏလစ်ꩻမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- လိုꩻတဲ့ ဗွန်ပီဖိုးထီးတန်ခေါင်ႏနဝ်ꩻနေနေ၊ လိုꩻတဲ့ အဝ်ႏလစ်ꩻမျိုꩻ၊ လိုꩻလစ်ꩻမျိုꩻကရိုꩻနောဝ်ꩻ- ၁။ လောကကိုယို ပုဂ္ဂိုလ်ႏယင်ဟန်ႏနဝ်ꩻ မာꩻသꩻဝꩻဒါႏ ဝွေꩻပရိသတ်လွုမ်ꩻ၊ (ကျဒျာႏ ဝွေꩻပရိသတ်ခြာလွုမ်ꩻ)၊ ဝင်ꩻပရိသတ်နဝ်ꩻ ဝွေꩻမာꩻသꩻဝꩻဒါႏတဝ်း၊ (ဝင်ꩻပရိသတ်ခြာနဝ်ꩻ ကျတဝ်း)၊ ပုဂ္ဂိုလ်ႏယိုစားနဝ်ꩻ တွမ်ႏဖိုးထီးတန်ခေါင်ႏ 'ကကုဲင်ဒျာႏ ဝွေꩻအဖုံႏကိုလွုမ်ꩻ၊ ဝင်ꩻအဖုံႏကိုနဝ်ꩻ ကုဲင်တဝ်း'နဝ်ꩻ ဗွန်ဝင်ꩻနဝ်ꩻသွူ။ ရဟန်ꩻသီးဖုံႏဟွေး- ၂။ လောကကိုယို ပုဂ္ဂိုလ်ႏယင်ဟန်ႏနဝ်ꩻ မာꩻသꩻဝꩻဒါႏဒျာႏ ဝင်ꩻပရိသတ်လွုမ်ꩻ၊ ဝွေꩻပရိသတ်နဝ်ꩻ မာꩻသꩻဝꩻဒါႏတောဝ်း၊ (ကျဒျာႏ ဝင်ꩻပရိသတ်ခြာလွုမ်ꩻ၊ ဝွေꩻပရိသတ်ခြာနဝ်ꩻ ကျတဝ်း) ပုဂ္ဂိုလ်ႏယိုစားနဝ်ꩻ တွမ်ႏဖိုးထီးတန်ခေါင်ႏ 'ကုဲင်ဒျာႏ ဝင်ꩻအဖုံႏကိုလွုမ်ꩻ၊ ဝွေꩻအဖုံႏကိုနဝ်ꩻ ကုဲင်တဝ်း'နဝ်ꩻ ပီဝင်ꩻနဝ်ꩻသွူ။ ရဟန်ꩻသီးဖုံႏဟွေး- ၃။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ဝွေꩻပရိသတ်ကိုတဲ့ မာꩻသꩻဝꩻဒါႏ (ဝွေꩻပရိတ်ခြာတဲ့ ကျဒျာႏ)၊ ဝင်ꩻပရိသတ်တဲ့ ဝွေꩻမာꩻသꩻဝꩻဒါႏ၊ (ဝင်ꩻပရိသတ်ခြာတဲ့ ကျဒျာႏ)၊ ပုဂ္ဂိုလ်ႏယိုစားနဝ်ꩻ တွမ်ႏဖိုးထီးတန်ခေါင်ႏ 'ဝွေꩻအဖုံႏကိုတဲ့ ကုဲင်ဒျာႏ၊ ဝင်ꩻအဖုံႏကိုတဲ့ ကုဲင်ဒျာႏ'နဝ်ꩻ ဗွန်ဝင်ꩻနောဝ်ꩻသွူ။ ရဟန်ꩻသီးဖုံႏဟွေး- ၄။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ဝွေꩻပရိသတ်တဲ့ မာꩻသꩻဝꩻဒါႏတဝ်း၊ (ဝွေꩻပရိသတ်ခြာတဲ့ ကျတဝ်း)၊ ဝင်ꩻပရိသတ်တဲ့ ဝွေꩻတမာꩻသꩻဝꩻဒါႏတဝ်း၊ (ဝင်ꩻပရိသတ်ခြာတဲ့ ကျတဝ်း)ပုဂ္ဂိုလ်ႏယိုစားနဝ်ꩻ တွမ်ႏဖိုးထီးတန်ခေါင်ႏ 'ဝွေꩻအဖုံႏကိုတဲ့ ကုဲင်တဝ်း၊ ဝင်ꩻအဖုံႏကိုတဲ့ ကုဲင်တဝ်း'နဝ်ꩻ ပီဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ဗလိဗဒ္ဒသုတ်)[၁][၂]