ဗွေႏပညာလောက

ဗွေႏစင်ꩻပညာလောက ယိုနဝ်ꩻ ဝေင်ꩻနယ်ႏဖြယ်ကျောက်တလွုံꩻတန် အွိုင်ႏပင်တွန်ႏ၊ ဒုံတန်ပင်တွန်ႏကိုကအောဝ်ႏအုံႏဒါႏ စင်ꩻဖါလုံး +စင်ꩻမွိုးခံꩻ လွူးဖွာꩻဒျာႏ နေင်ႏ ၁၃၈၄−ဗာႏ၊ ဒဲဉ်စေင်လောင်း၂ နီꩻ၊ မွူးနီꩻ ကျာႏသပတေꩻ၊ ပိုခို ၁၁ ဖြာꩻအကို ဝွေꩻဗွေႏယို ထွာ ဆဌမ ပိုခိုရတနာႏ တဖြာꩻသွူ။ ပေႏခါမဉ်ꩻနဝ်ꩻ မဉ်ꩻဒျာႏ ခွန်စင်ႏ နုဲင်ႏနဝ်ꩻသွူ၊

ဖျော်ဗꩻ သာႏမဏေႏ ဘဝ

၁၃၅၅ ဗာႏ၊ သက်လꩻ ၇ နေင်ႏတွင်ꩻ မွိုးဖါ နီပါꩻ အပ်မိုးထေ့ ပထမ ကျောင်ꩻတန်ပင်တွန်ႏ ဗွေႏဆရာႏတောႏ ဘဒန္ဒကောသလ္လထျꩻတဲင် ထွာလွေꩻကော်ႏပီႏနဝ်ꩻသွူ ၊ နေင်ႏ ၁၃၅၇ ဝါႏဆိုႏဆန်ꩻ ၁၄ နီꩻ မွိုးဖါ နီပါꩻ ထွာဖေႏ ပစ္စေꩻ လစ်ပါꩻတကာႏတဲင် ဗွေႏဆရာႏတောႏကျောင်ꩻတန်ပင်တွန်ႏနဝ်ꩻ ထွာဖေႏ ဥပဇ္ဇျာယ်ႏဆရာႏတွော့ꩻ အွဉ်ႏဗုဲင်လွေꩻခန်ႏ ဗွေႏသျာင်ႏ သာႏမဏေႏနဝ်ꩻသွူ။

သွဉ်ထူႏပညာႏ အာဆရာႏ

ဗွေးပညာလောက ဝေင်ꩻနယ်ႏကျောက်တလွုံꩻတန် အွိုင်ႏပင်တွန်ႏ ကျောင်ꩻတန်ပင်တွန်ႏ ကို သွဉ်ထူႏလွေꩻခန်ႏ လိတ်ပအိုဝ်ႏ တွမ်ႏ ပရိတ်ကီꩻ ဗွေႏဆရာႏတောႏ ကျောင်တန်ꩻသီးထျနဝ်ꩻသွူ၊ အောဝ်ႏနဝ်ꩻထွူတွော့ ကျွꩻလင်ꩻအုံခန်း ဝေင်ꩻပခုက္ကူ၊ အရှေတိုက်၊ အလယ်တွိုက်၊ ဗွေႏဆရာသီးထျ ဝေင်ꩻရန်ကုန်ႏ တောင်ႏကီꩻပရိတ္တိလိတ်သွဉ်တွိုက်၊ ဗွေႏဆရာႏသီးထျꩻ၊ ဝေင်ꩻမရမ်းကုန်း ဗွေႏဆရာႏသီးထျꩻ၊ ဝေင်ꩻပုသိမ်၊ မြောင်းမြပရိယတ္တိသွဉ်လိတ်တွိုက် ဗွေႏဆရာႏတောႏသီးထျꩻ၊ ဝေင်ꩻမြောက်ဥက္ကလာ (သာသနာ့အလင်းအရောင်ခြည်ကျောင်ꩻတွိုက်) ဗွေႏဆရာႏသီးထျꩻ ၊ ဝေင်ꩻဟိုပုံꩻ နောင်တောင်ꩻ ဗွေႏဆရာႏသီးထျꩻ နုဲင်းနဝ်ꩻဖုံႏ ယိုသွဉ်ထူႏလွေꩻခန်ႏပညာႏ အရန်းရန်ႏဖုံႏနဝ်ꩻ သွူ။

အောင်ႏမျင်ႏလိတ်သွဉ် ကလꩻလွဉ်ဒါႏ

ဗွေႏပညာလောကယို ကွပ်ပွိုး စွန်ꩻထီတလာငါႏတဲင် အစိုႏရ ပထမငယ် ၊ ပထမ လတ် ၊ ပထမ ကြီး တွမ်ႏ ရန်ႏတကုန်ႏ ဗုဒ္ဓတက္ကသိုလ်ႏ ဒဲ့ႏထူႏလꩻလွေꩻ B.A (Aryan) M.A Part 1 ဘွဲ့ဖုံႏနဝ်ꩻသွူ၊

ယိုခါအောဝ်ႏသတင်ꩻသုင်ꩻကျောင်ꩻ

ဗွေႏပညာလောက ( ပအိုဝ်ႏ+ မန်း ဓမ္မကထိ) ယိုခါ အောဝ်ႏသတင်ꩻသုင်ꩻလွေꩻ ဝေင်ꩻနယ်ႏဖြယ်ကျောက်တလွုံꩻတန် ၊ အွိုင်ႏနောင်ကာꩻ ၊ နောင်ယွေး ပရိယတ္တိ လိတ်သွဉ်တွိုက်ကိုသွူ။

ခွုမ်စံႏဆောင်ႏရွက်လွေꩻထာꩻမာꩻ

ဗွေႏပညာလောက နဝ်ꩻ ယိုခါအောဝ်ႏခွုမ်စံႏဆောင်ႏရွတ်ဖေႏ၊ ဝေင်ꩻနယ်ႏကျောက်တလွုံꩻတန် အွိုင်ႏနောင်ကာꩻကို သံဃာႏအစွိုꩻနွို့ ဒုတိယ ဥက္ကဋ္ဌ ခင်ႏလမ်းကိုနဝ်ꩻသွူ။

ယိုခါ အောဝ်ႏဗွောင်ဖေႏ နောင်ယွေးပရိယတ္တိလိတ်သွဉ်တွိုက် တွမ်ႏ လိုꩻပေႏပညာႏရေꩻ ( Naung Ywe Education Center )လိတ်သွဉ်ကျောင်ꩻ နဲင်ႏနဝ်ႏဖုံꩻသွူ။

နောင်ယွေးပညာႏရေꩻ လိတ်သွဉ်ကျောင်ꩻယို စွုမ်ႏနိန်ႏအေဝ်ႏဗွောင်ဖေႏလိုꩻယွဲးတာႏ တွမ်ႏ ဗွေႏရဟန်ꩻသီး အတွက်တာႏ ကွန်ပျူတာ သွဉ်တန်ꩻတွမ်ႏ အင်္ဂလိပ် သွဉ်တန်ꩻ အောဝ်ႏချꩻလင်ꩻဖေႏ ပရိယတ္တိလိတ် တွမ်ႏ ဟော်ꩻတရာꩻ ပျꩻပါတရာꩻ သွဉ်ပါ ပါဋိစ္စသမုပ္ပါဒ် ရပ်ရာႏလွိုင်ႏကွိုင်ꩻရေꩻ ဖုံႏ စတွမ်ႏထာꩻဖုံႏယို ဝွေꩻဗွေႏအောဝ်ႏခွုမ်စံႏဆောင်ႏရွက်ဖေႏသွူ။