ဗွေႏဝိမလသာရ

ဗွေႏဝိမလသာရယို လွူးဖွာꩻလင်ꩻ နေင်ႏ ၁၃၃၆−ဗာႏ၊ ဒုတိယဝါႏဆိုႏလာလောင်း ၅ နီꩻ၊ မွူးနီꩻ ဗုဒ္ဓဟူꩻ၊ ဖြဝ်ꩻခမ်းနယ်ႏအခေါဝ်နောဝ်၊ ဝေင်ꩻနယ်ႏပင်ႏတရား၊ (ယိုခါ ဓနုꩻနမ်းပဲင်ႏအိုပ်ချုတ်ခွင်ꩻလꩻဒေႏသ)၊ ဒုံမုဲင်းကောင်၊ မွိုးဖါနဝ်ꩻ စင်ꩻဖါခွန်ချစ်စံ+စင်ꩻမွိုးနင်ꩻသန်းရင်ꩻသွူ။

နေင်ႏ ၁၃၅၆−ဗာႏ၊ ဝေင်ꩻမန်ႏတလေꩻ၊ ဝေင်ꩻနယ်ႏချမ်းအေးသာဇံ၊ လမ်းအမုဲင် ၃၁၅−ကို ကအဝ်ႏအုံဒါႏ ကိုသိန်းလွင်+မဆွေဆွေဝင်း ပိုလီꩻတဖုံႏယို ခံႏထူႏ​ဖေႏပစ္စေꩻလစ်ꩻပါꩻတကာႏတဲင် ဒဲဉ်သံလာဆန်ꩻ(၈)နီꩻ ဝေင်ꩻမန်ႏတလေꩻ၊ ဝေင်ꩻနယ်ႏချမ်းအေးသာဇံ၊ အနောက်ခင်မကန်တွိုက်၊ ကျောင်ꩻမိုးတားခဏ္ဉသိမ်ႏကို မိုးတားဆရာႏတောႏ ဘဒ္ဒန္တသုဇနာဘိဝံသမထေရ်ႏယို ထွာဖေႏဥပဇ္ဓျာယ်ႏဆရာႏ ထွာထင်ႏဗာႏ ရဟန်ꩻနောဝ်ꩻသွူ။

ဗွေႏဝိမလသာရ ကသွဉ်ထူႏလွေꩻဒါႏပညာႏ ခင်ႏလမ်းတောမ်ႏဆရာႏဖုံႏနောဝ်ꩻ ဖြောဝ်ခမ်းအခေါဝ်နောဝ်၊ ဝေင်ꩻနယ်ႏကလော်ꩻ၊ ကျောင်ꩻကျောက်ဆောင်ႏမေႏချာꩻ ဆရာႏတောႏဘဒ္ဒန္တဣန္ဒဝံသ၊ ဗွေႏကောသလ္လ၊ဗွေႏဝါသဝ၊ ဗွေႏသေဠိလ၊ ဖြောဝ်ခမ်း၊ ဝေင်ꩻကလော်ꩻ ကျောင်ꩻမြို့မဆရာႏတောႏ ဘဒ္ဒန္တကုသလ၊ ဗွေႏကုဏ္ဉလ၊ ဧရာဝတီတိုင်း၊ ဝေင်ꩻမအူပင် ကျောင်ꩻမဟာဗောဓိ ဆရာႏတောႏ ဘဒ္ဒန္တပညိန္ဒ၊ ဗွေႏဝိလာသဂ္ဂ၊ ဗွေႏသီရိန္ဒ၊ ဝေင်ꩻမန္တလေꩻ၊ အနောက်ခင်မကန်တွိုက်၊ ကျောင်ꩻမိုးတားဆရာႏတောႏ ဘဒ္ဒန္တသုဇ နာဘိဝံသ ဗွေႏသူရိယာဘိဝံသ၊ ဗွေႏဇာဂရာဘိဝံသ၊ ဝေင်ꩻမန္တလေꩻ ဝေင်ꩻနယ်ႏအောင်မြေသာဇံ၊ ကျောင်ꩻချမ်းသာကြီးတွိုက် ဆရာႏတောႏ ဘဒ္ဒန္တဇောတိကာဘိဝံသ၊ ဝေင်ꩻမန္တလေꩻ၊ ဝေင်ꩻနယ်ႏချမ်းအေးသာဇံ၊ မိုးကောင်းတွိုက်၊ ကျောင်ꩻရတနာ သိန်းသန်းဆရာႏတောႏ ဘဒ္ဒန္တပဏ္ဉိစ္စာဘိဝံသ၊ ဝေင်ꩻရန်ႏကွုန်ႏ၊ အင်းစိန်ရွာမဆရာႏတောႏ ဘဒ္ဒန္တတိလောကာဘိဝံသ၊ ဘုရာꩻတန်ဗိုလ် ကျောင်ꩻဆရာႏတောႏ ဘဒ္ဒန္တသုစိတ္တာဘိဝံသ၊ ဝေင်ꩻမန္တလေꩻ၊ ဝေင်ꩻနယ်ႏမဟာအောင်မြေ၊ မစိုးရိမ်တိုက်သစ် ဆရာႏတောႏ ဘဒ္ဒန္တရာဇဓမ္မာဘိဝံသ၊ ဗွေႏသုစိတ္တာဘိဝံသ(ပေႏ)၊ ဗွေႏသုစိတ္တာ ဘိဝံသ၊ ဗွေႏတေဇောဘာသ(ကံတက်ကုန်း)၊ ဗွေႏဥတ္တမဖုံႏ အထျꩻနောဝ်ꩻသွူ။

အောင်ႏမျင်ႏလွေꩻလꩻ အစိုꩻရအခြေပြုတန်ꩻ၊ ပထမငယ်တန်ꩻ၊ ပထမလတ်တန်ꩻ၊ ပထမကြီးတန်ꩻ၊ ဓမ္မာစရိယ သီလက္ခန်ကျမ်ꩻ၊ ဓမ္မသင်္ဂဏီကျမ်ꩻဖုံႏသွူ။ ယိုခါ ဗွေႏဝိမလသာနဝ်ꩻ နမ်းစွန်ꩻဉာဏ်ႏစွန်ꩻခွိုင်းကား ကအောဝ်ႏ အောဝ်ႏခွုမ်မာꩻ ထေင်းထမ်ႏလွေꩻ ကလော်ꩻမြို့မကျောင်ꩻ နမ်းပုဂ္ဂိုလ်ႏဆရာႏတောႏ တပါꩻတဲ့သင် တဖဲ့ꩻနဝ်ꩻ အဝ်ႏထေင်းထမ်ႏပါလွေꩻယင်း ဝေင်ꩻနယ်ႏသံႏဃာႏ အွဉ်အကိုရေꩻထာꩻမာꩻတွမ်ႏ ဝေင်ꩻနယ်ႏကလော်ꩻ ပအိုဝ်ႏလိုꩻယွဲးအစွိုꩻ(K.Y.P.O) နာယကတပါꩻဒျာႏနောဝ်ꩻသွူ။