ဘန္ဒန္တ ခန္တီဓဇ ကျောင်ꩻထီဟန်ႏဆွေး
ဝေင်ꩻနယ်ႏတောင်ႏကီꩻ၊ ကျောင်ꩻထီဟန်ႏဆွေး-ဆင်တွူး အရိယမဂ္ဂင်ႏ ဗွေႏဗွန်ဘဒ္ဒန္တခန္တီဓဇ (ဂန္ထဝါစကပဏ္ဍိတ) ထေရုပ္ပတ္တိအအဲဥ်ႏ
-----------------------------------------------
လွူးဖွာꩻဇာႏတိတွမ်ႏ ဒုံရပ်မွိုးဖါ
------------------------------
ဝေင်ꩻနယ်ႏတောင်ႏကီꩻ၊ ဒုံဆင်တွူးကို ကအဝ်ႏအုံဒါႏ စင်ꩻဖါပန်းအောင်+စင်ꩻမွိုးပျာꩻသီး လွူးဖွာꩻလွဥ် ၁၃၂၀-ဗွေ၊ တောႏလင်ꩻဆန်ꩻ (၁၀)နီꩻနဝ်ꩻသွူ။
အုံကျောင်ꩻဗုဲင်သျင်ႏ ခံႏရဟန်ꩻ
----------------------------
သက်လꩻ (၁၄)နေင်ႏ ထင်ႏဗုဲင်ခန်းသျင်ႏ ကျောင်ꩻထီဟန်ႏဆွေး ဗွေႏဆရာႏတောႏ ဘဒ္ဒန္တစိန္တာႏထျꩻနဝ်ꩻသွူ။
အသက်(၂၀) ကထင်ႏဗွေနဝ်ꩻ ဒုံဆင်တွူးကို ကအဝ်ႏအုံဒါႏ ဖြားစိန္တာႏကံႏ၊ ထွက်ဉာဏ၊ ဖြားမော်သီး ထွာအထျꩻထွူတဲင် တွမ်ႏဒုံဆင်တွူးတကာႏအမျာꩻဖုံႏ ခံႏထူႏလွေꩻပစ္စေꩻလစ်ꩻပါꩻတကာႏတဲင် ဝေင်ꩻနယ်ႏတောင်ႏကီꩻ နောင်ကာꩻကျောင်ꩻနဝ် ဗွေႏဆရာႏတောႏ ဘဒ္ဒန္တပဏ္ဍိတယို ထွာဥပဇ္ဈာယ်ႏ ဒင်ႏလွေꩻဖေႏသိက္ခာႏနဝ်ꩻမꩻ ဗꩻလꩻထင်ႏခန်း ရဟန်ꩻနဝ်ꩻသွူ။
သွဥ်လွေꩻဗာႏ လောကုတ္တရာႏပညာႏ
---------------------------------
ကျောင်ꩻထီဟန်ႏဆွေး ဗွေႏဆရာႏတောႏ ဘဒ္ဒန္တစိန္တာႏ၊ ကျောင်ꩻနောင်ကာꩻ ဗွေႏဆရာႏတောႏ ဘဒ္ဒန္တပဏ္ဍိတ၊ ဝေင်ꩻပင်ႏလုံ ဝေဠုဝန်ကျောင်ꩻ ဘဒ္ဒန္တပညာဝံသ၊ ဝေင်ꩻရန်ႏကုန်ႏ ခြောက်ထပ်ကြီးဘုရာꩻတန်ဆရာႏတောႏ ဘဒ္ဒန္တအာစိဏ္ဏ၊ ဘဒ္ဒန္တပညာဝံသ သရက်တောကျောင်ꩻတွိုက် သာသနာဒယကျောင်ꩻ ဘဒ္ဒန္တပဝါရာဘိဝံသ၊ ဘဒ္ဒန္တသုန္ဒရ ။
ဝေင်ꩻပဂိုꩻ သာသနာ့မဏ္ဍိုင်ပါဠိတက္ကသိုလ်ႏ တိုက်အုပ်ဆရာႏတောႏ၊ ဘဒ္ဒန္တဓမ္မာနန္ဒ၊ ဝေင်ꩻအောင်ပန်း၊ အောင်ချမ်းသာလိတ်သွဥ်တွိုက် ဆရာႏတောႏ ဘဒ္ဒန္တပညာဝံသ၊ တွမ်ႏလိတ်ချꩻပုဂ္ဂိုလ်ႏစတဲင်ဆရာႏတောႏသီးအထျꩻသွဥ်ထူႏလွေꩻဗာႏ ပညာႏဖုံႏနဝ်ꩻမꩻ အောင်ႏမျင်ႏလꩻခန်း အစိုႏရ ငယ်-လတ်-ကြီးတန်ꩻဖုံႏနဝ်ꩻသွူ။
အဝ်ႏနဝ်ꩻထွူမꩻ အားထုတ်တရာꩻနယ်ꩻဖုံႏ ယံဖေႏကလꩻနဝ်ꩻ အုံလွေꩻယင်း ဝေင်ꩻရန်ႏကုန်ႏ ဗဟန်းမဟာစည်ကျောင်ꩻဆရာႏတောႏ ဘဒ္ဒန္တပဏ္ဍိတာဘိဝံသ၊ ဘဒ္ဒန္တလက်ဏ္ခဏ(ကျစွာ) ဘဒ္ဒန္တသာသန၊ ဗဟန်းဝေင်ꩻနယ်ႏ၊ ပဏ္ဍိတာရာမ ရွှေတောင်ကုန်းဆရာႏတောႏ ဘဒ္ဒန္တပဏ္ဍိတာရာမ၊ ရွှေတောင်ကုန်းဆရာႏတောႏ ဘဒ္ဒန္တပဏ္ဍိတာဘိဝံသ အထျꩻဖုံႏတဲ့ဖုံႏယို နေးထူႏအားထုတ်လွေꩻဗာႏ တရာꩻဖုံႏနဝ်ꩻသွူ။
နဲင်ႏငန်ႏတောႏလူႏကပ် ဘွဲ့တောႏမျတ်
-------------------------------------
ဗွေႏခန္တီဓဇယို ပရိယတ် ပဋိတ်ပတ်ထာꩻမာꩻဖုံႏ ကျိုꩻစာꩻဆောင်ႏရွက်လွေꩻဖေႏထွူတကာႏတဝ်း ဒုံဆောင်ႏကိစ္စ၊ အမျာꩻကိစ္စဖုံႏယို အွဥ်ဟိုကျိုꩻဆောင်ႏဖေႏနဝ်ꩻမꩻ နေင်ႏ ၁၃၆၆-ဗာႏ( ၂၀၀၅)ဗာႏနဝ်ꩻ နဲင်ႏငန်ႏတောႏကပ်လူႏကပ်ဒါႏ "ဂန္ထဝါစကပဏ္ဍိတ"ဘွဲ့တောႏမျတ်ယို အလူခံႏလꩻလွေꩻဗာႏနဝ်ꩻသွူ။
>Ref>(ဓမ္မစေႏတီႏလိတ်စောင်ႏ)ကို[၁]
🙏🙏🙏
- ↑ <Ref> ဓမ္မစေႏတီႏလိတ်စောင်ႏကို >ref>