ဘုရာꩻငဝ်းမွေးနဲ့-မွေးတဝ်းနဲ့
"မဟာပဒေသသုတ် (ဘုရာꩻငေါဝ်း မွေးနဲ့-မွေးတဝ်းနဲ့)" ရဟန်ꩻသီးဖုံႏဟွေး- 'မဟာပဒေသ'အဝ်ႏလစ်ꩻပါꩻ၊ လစ်ꩻပါꩻကရိုꩻနောဝ်ꩻ- ၁။ သာႏသနာႏကိုယို ရဟန်ꩻတပါꩻနဝ်ꩻရိုꩻ- 'ယိုနဝ်ꩻ သုတ်အဘိဓမ္မာႏ၊ ယိုနဝ်ꩻ ဝိနယ်ꩻ၊ ယိုနဝ်ꩻ ဘုရာꩻအဆွုံꩻအမꩻ'ခွေဟွူန်ဗာႏ ဗွေႏဘုရာꩻထျꩻ၊ ခွေသွဉ်ဗာႏ ဗွေႏဘုရာꩻထျꩻ၊ အမဉ်ႏဒင်ႏပျꩻနုဲင်းနဝ်ꩻနဝ်ꩻ နစ်သက်ထွူမွုန်း၊ ပယ်ႏပက်ထွူမွုန်း တလဲင်ႏချင်ꩻ၊ ဝွေꩻကလောဝ်းနယ် တဲက်ထွားသွော့ သုတ်အဘိဓမ္မာႏ ဝိနယ်ꩻ၊ သုတ် အဘိဓမ္မာႏ ဝိနယ်ꩻကို မဉ်ႏပါသော့ꩻတဝ်းနဝ်ꩻ 'ဘုရာꩻငေါဝ်း အစဲစ်မွေးတဝ်း'ဆွုံꩻဖျတ်ဗာႏနုဲင်းနဝ်ꩻ၊ စူꩻမွုန်းတဝ်းနဝ်ꩻ။ သုတ် အဘိဓမ္မာႏ ဝိနယ်ꩻကို မဉ်ႏပါသော့ꩻဒျာႏ၊ မဉ်ႏမဲဉ်ႏလို့ဒျာႏနဝ်ꩻ 'ဘုရာꩻငေါဝ်း အစဲစ်ဒျာႏ'ဆွုံꩻဖျတ်ဗာႏနုဲင်းနဝ်ꩻ၊ ယိုနဝ်ꩻ 'မဟာပဒေသ'နောဝ်ꩻသွူ။ ၂။ သာႏသနာႏကိုယို ရဟန်ꩻတပါꩻနဝ်ꩻရိုꩻ- 'ယိုနဝ်ꩻ သုတ် အဘိဓမ္မာႏ၊ ယိုနဝ်ꩻ ဝိနယ်ꩻ၊ ယိုနဝ်ꩻ ဘုရာꩻအဆွုံꩻအမꩻ'ခွေဟွူန်ဗာႏ ခွေသွဉ်ဗာႏ မထေရ်ႏတန်သီးထျꩻ၊ ကထွာဝင်ꩻအတန် ဗွေႏသံဃာႏသီးထျꩻ၊ မဉ်ႏဒင်ႏပျꩻလွဉ် နုဲင်းနဝ်ꩻနဝ်ꩻ တဲက်ထွားသွော့ သုတ် အဘိဓမ္မာႏ ဝိနယ်ꩻကို၊ မဉ်ႏပါသော့ꩻတဝ်းနဝ်ꩻ 'ဘုရာꩻငေါဝ်း အစဲစ်မွေးတဝ်း'ဆွုံꩻဖျတ်ဗာႏနုဲင်းနဝ်ꩻ၊ စူꩻမွုန်းတဝ်းနဝ်ꩻ။ သုတ် အဘိဓမ္မာႏ ဝိနယ်ꩻကို မဉ်ႏပါသော့ꩻဒျာႏ၊ မဉ်ႏမဲဉ်ႏလို့ဒျာႏနဝ်ꩻ 'ဘုရာꩻငေါဝ်း အစဲစ်ဒျာႏ'ဆွုံꩻဖျတ်ဗာႏနုဲင်းနဝ်ꩻ၊ ယိုနဝ်ꩻ 'ဒုတိယ မဟာပဒေသ'နောဝ်ꩻသွူ။ ၃။ သာႏသနာႏကိုယို ရဟန်ꩻတပါꩻနဝ်ꩻရိုꩻ- 'ယိုနဝ်ꩻ သုတ် အဘိဓမ္မာႏ၊ ယိုနဝ်ꩻ ဝိနယ်ꩻ၊ ယိုနောဝ်ꩻ ဘုရာꩻအဆွုံꩻအမꩻ'ခွေဟွူန်ဗာႏ ခွေသွဉ်ဗာႏ ဒါႏပိဋကတ် ဗွေႏသံဃာႏသီးထျꩻ၊ မဉ်ႏဒင်ႏပျꩻလွဉ် နုဲင်းနဝ်ꩻနဝ်ꩻ တဲက်ထွားသွော့ သုတ် အဘိဓမ္မာႏ ဝိနယ်ꩻကို၊ မဉ်ႏပါသော့ꩻတဝ်းနဝ်ꩻ 'ဘုရာꩻငေါဝ်း အစဲစ်မွေးတဝ်း'ဆွုံꩻဖျတ်ဗာႏနုဲင်းနဝ်ꩻ၊ စူꩻမွုန်းတဝ်းနဝ်ꩻ။ သုတ် အဘိဓမ္မာႏ ဝိနယ်ꩻကို မဉ်ႏပါသော့ꩻဒျာႏ၊ မဉ်ႏမဲဉ်ႏလို့ဒျာႏနဝ်ꩻ 'ဘုရာꩻငေါဝ်း အစဲစ်ဒျာႏ'ဆွုံꩻဖျတ်ဗာႏနုဲင်းနဝ်ꩻ၊ ယိုနဝ်ꩻ 'တတိယ မဟာပဒေသ'နောဝ်ꩻသွူ။ ၄။ သာႏသနာႏကိုယို ရဟန်ꩻတပါꩻနဝ်ꩻရိုꩻ- 'ယိုနဝ်ꩻ သုတ် အဘိဓမ္မာႏ၊ ယိုနောဝ်ꩻ ဝိနယ်ꩻ၊ ယိုနဝ်ꩻ ဘုရာꩻအဆွုံꩻအမꩻ'ခွေဟွူန်ဗာႏ ခွေသွဉ်ဗာႏ ဒါႏလျင်ႏပိဋကတ် မေထရ်ႏတန်တပါꩻထျꩻ၊ ကထွာဝင်ꩻအတန် ဗွေႏသံဃာႏသီးထျꩻ၊ မဉ်ႏဒင်ႏပျꩻလွဉ် နုဲင်းနဝ်ꩻနဝ်ꩻ တဲက်ထွားသွော့ သုတ် အဘိဓမ္မာႏ ဝိနယ်ꩻကို၊ မဉ်ႏပါသော့ꩻတဝ်းနဝ်ꩻ 'ဘုရာꩻငေါဝ်း အစဲစ်မွေးတဝ်း'ဆွုံꩻဖျတ်ဗာႏနုဲင်းနဝ်ꩻ၊ စူꩻမွုန်းတဝ်းနဝ်ꩻ။ သုတ် အဘိဓမ္မာႏ ဝိနယ်ꩻကို မဉ်ႏပါသော့ꩻဒျာႏ၊ မဉ်ႏမဲဉ်ႏလို့ဒျာႏနဝ်ꩻ 'ဘုရာꩻငေါဝ်း အစဲစ်ဒျာႏ'ဆွုံꩻဖျတ်ဗာႏနုဲင်းနဝ်ꩻ၊ ယိုနဝ်ꩻ 'စတုတ္ထ မဟာပဒေသ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ မဟာပဒေသသုတ်)[၁][၂]