ဘုရာꩻဟော်ꩻဖေႏ

"နန္ဒိယသုတ် (ဗွေႏဘုရာꩻဟော်ꩻဖေႏ တကာႏနန္ဒိယတရာꩻ)" "အုံပွုံႏအဝ်ႏနယ်ꩻ အမျိုမျိုꩻကို နီသွဉ်းသီး အီႏအုံဗာႏနုဲင်းမုဲင်ꩻ ဗွေႏအော်" တကာႏနန္ဒိယ ရီနုဲင်းနဝ်ꩻတဲင်- နီဗွေႏဘုရာꩻဟော်ꩻဖေႏ တကာႏနန္ဒိယနုဲင်းယို- ၁။ သဒ္ဓေါ ခေါ နန္ဒိယ အာရာဓကော ဟောတိ၊ နော အဿဒ္ဓေါ- တကာႏနန္ဒိယ- လိုꩻသဒ္ဓါႏတရာꩻအဝ်ႏမꩻ လꩻနွောင်ꩻမဂ်ဖိုလ်ႏ၊ သဒ္ဓါႏတရာꩻ တအဲဉ်ထောဝ်းသားနဝ်ꩻ လꩻနွောင်ꩻတဝ်းမဂ်ဖိုလ်ႏ။ ၂။ သီလဝါ အာရာဓကော ဟောတိ၊ နော ဒုဿီလော- လိုꩻသီႏလအဝ်ႏမꩻ လꩻနွောင်ꩻမဂ်ဖိုလ်ႏ၊ သီႏလတအဲဉ်ထောဝ်းသားနဝ်ꩻ လꩻနွောင်ꩻတဝ်းမဂ်ဖိုလ်ႏ။ ၃။ အာရဒ္ဓဝီရိယော အာရာဓကော ဟောတိ၊ နော ကုသီတော- လိုꩻကုဲင်းမွေးမုဲင်းမꩻ လꩻနွောင်ꩻမဂ်ဖိုလ်ႏ၊ လိုꩻလွꩻနဝ်ꩻ တလꩻနွောင်ꩻတဝ်းမဂ်ဖိုလ်ႏ။ ၄။ ဥပဋ္ဌိတဿတိ အာရာဓကော ဟောတိ၊ နော မုဋ္ဌဿတိ- လိုꩻသတိꩻအဝ်ႏမꩻ လꩻနွောင်ꩻမဂ်ဖိုလ်ႏ၊ လိုꩻသတိꩻတအဲဉ်ထဝ်းသားနဝ်ꩻ လꩻနွောင်ꩻတဝ်းမဂ်ဖိုလ်ႏ။ ၅။ သမာဟိတော အာရာဓကော ဟောတိ၊ နော အသမာဟိတော- လိုꩻသꩻစွူမꩻ လꩻနွောင်ꩻမဂ်ဖိုလ်ႏ၊ လိုꩻသꩻစွူတဝ်းသားနဝ်ꩻ လꩻနွောင်ꩻတဝ်းမဂ်ဖိုလ်ႏ။ ၆။ ပညဝါ အာရာဓကော ဟောတိ၊ နော ဒုပ္ပညော- လိုꩻပညာႏအဝ်ႏမꩻ လꩻနွောင်ꩻမဂ်ဖိုလ်ႏ၊ ပညာႏအဲဉ်ထဝ်းသားနဝ်ꩻ လꩻနွောင်ꩻတဝ်းမဂ်ဖိုလ်ႏနဝ်ꩻသွူ။ ၇။ တထာဂတံ အာရဗ္ဘ အဇ္ဈတ္တံ သတိ ဥပဋ္ဌာပေတဗ္ဗာ- ယူႏလꩻလꩻဘုရာꩻယို နမ်းကိုနဝ်ꩻ အွဉ်ႏထွာသော့ꩻဗာႏသတိꩻ။ ၈။ ဓမ္မံ အာရဗ္ဘ အဇ္ဈတ္တံ သတိ ဥပဋ္ဌာပေတဗ္ဗာ- ယူႏလꩻလꩻတရာꩻယို နမ်းကိုနဝ်ꩻ အွဉ်ႏထွာသော့ꩻဗာႏသတိꩻ။ ၉။ ကလျာဏမိတ္တေ အာရဗ္ဘ အဇ္ဈတ္တံ သတိ ဥပဋ္ဌာပေတဗ္ဗာ- ယူႏလꩻလꩻသွꩻဟောဝ်ဖုံႏယို နမ်းကိုနဝ်ꩻ အွဉ်ႏထွာသော့ꩻဗာႏသတိꩻ။ ၁၀။ စာဂံ အာရဗ္ဘ အဇ္ဈတ္တံ သတိ ဥပဋ္ဌာပေတဗ္ဗာ- ယူႏလꩻလꩻစာႏဂယို နမ်းကိုနဝ်ꩻ အွဉ်ႏထွာသော့ꩻဗာႏသတိꩻ။ ၁၁။ တေ နန္ဒိယ ဒေဝတာ အာရဗ္ဘ အဇ္ဈတ္တံ သတိ ဥပဋ္ဌာပေတဗ္ဗာ- တကာႏနန္ဒိယ- ယူႏလꩻလꩻလူꩻဖုံႏယို နမ်းကိုနဝ်ꩻ အွဉ်ႏထွာသော့ꩻဗာႏသတိꩻနောဝ်ꩻသွူ။ ဧကာဒသဟိ ဓမ္မေဟိ သမန္နာဂတော ပဇဟတေဝ အကုသလေ- တကာႏနန္ဒိယဟွေး- ဥပမာႏ- - ထီအဝ်ႏဖွိုင်ꩻကို ပေါႏအွဉ်ႏတခို့ ထီဖွိုင်ꩻနဝ်ꩻ ထီအဝ်ႏဖွိုင်ꩻကို ခွို့ထန်ႏလို့စွဉ်ႏ၊ - မီꩻသဲင်ခြာ ပေါႏမေႏထဲ့သော့ꩻနဝ်ꩻ မေႏခိုးလို့စွဉ်ႏ မီꩻသဲင်ꩻဖုံႏနောဝ်ꩻသွူ။ အဗွန်ပီနုဲင်းနဝ်ꩻနေနေ- ဗုဒ္ဓဘာႏသာႏကဟဲ့ꩻ အရိယာႏတပဲ့ꩻနဝ်ꩻ ပေါႏဗွေတွမ်ႏတရာꩻ တဆီပုဲင်တပါꩻယိုနဝ်ꩻ ပယ်ႏထောက်ꩻနွောင်ꩻစွဉ်ႏ အကုသိုလ်ႏ၊ တရာꩻဖုံႏနဝ်ꩻ ခိုးလို့ထိုꩻစွဉ်ႏ အကုသိုလ်ႏယွုတ်ညမ်းဖုံႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဧကာဒသကနိပါတ်၊ နန္ဒိယသုတ်)