ဘောဇာဇာနီယဇာတ်
"ဘောဇာဇာနီယဇာတ်" ထွားသွဉ်ဟော်ꩻကျပ် ဘောဇာဇာနီယဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ အာႏဇာႏနီႏပုဂ္ဂိုလ်ႏသီး အမျိုꩻနဝ်ꩻ စွိုးခွိုꩻအကျိုꩻ၊ ခမ်းတာႏထီတွက် စွဉ်ꩻသက်မာꩻဖေႏဒျာႏအကျောင်ꩻ၊
၂။ အာႏဇာႏနီႏ လိုꩻခိုကရိုꩻနောဝ်ꩻ မော့ꩻအယပ်ꩻအခုဲင်ႏနုဲင်းမုဲင်ꩻတဲ့ယောဝ်း ချော့ꩻတောဝ်းဝီရိယ မꩻကုဲင်းကုဲင်း၊ မာꩻရုဲင်းရုဲင်း၊ မာꩻထွာထွာဒျာႏအကျောင်ꩻ၊
၃။ "ပေါႏခွေတရုဲင်ꩻတသွိုးတဝ်းနဝ်ꩻ စွိုးခွိုꩻအကျိုꩻ လိုꩻမျိုꩻခွိုꩻရက် ခမ်းတွက်ထီတာႏ အီႏနစ်နာႏ၊ အီႏဆာအာ၊ အီႏထဲ့သွုမ်ꩻထိုꩻမွော့ဟွေး"ပေါႏထီႏလေလေ ပေါႏသေစဲင်းစဲင်းနုဲင်းနဝ်ꩻနဝ်ꩻ ဗဲ့ꩻမွုန်းနမ်း ငမ်းမွုန်းပါꩻ နွို့မာꩻရုဲင်ꩻတသွိုးဗာႏအကျောင်ꩻ၊
၄။ အာႏဇာႏနီႏ လိုꩻယံသီးအမျိုꩻနဝ်ꩻ အာႏကွိုꩻစူခွုမ် လက်နက်တဲင် နိစ္စက်တဝ်းဝင်ꩻ၊ အံႏနွောင်ꩻတဝ်းဝင်ꩻ၊ ဆွမ်ꩻလꩻခန်း ရန်ႏသူႏတဲ့ယောဝ်း မာꩻသီခြေင် မာꩻသီပျင်ႏတောဝ်းဝင်ꩻ၊ ရက်ဒျာႏမွိုးဖါ လူထု၊ ရက်ဒျာႏခမ်းသားထီသားအကျောင်ꩻ-စတဲင်နုဲင်းနောဝ်ꩻဖုံႏသွူ။
"အာဇညဇာတ်" ထွားသွဉ်ဟော်ꩻကျပ် အာဇညဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-
၁။ လိုꩻယံ အာႏဇာႏနီႏသီးအမျိုꩻနောဝ်ꩻ စွိုးခွိုꩻအကျိုꩻ လိုꩻမျိုꩻအတာႏတဲ့နောဝ်ꩻ၊ ခမ်းတွက်ထီတာႏတဲ့နောဝ်ꩻ စွဉ်ꩻသွီႏစွဉ်ꩻသက် ဆောင်ႏရွက်ခွုမ်မာꩻဖေႏအကျောင်ꩻ၊
၂။ လိုꩻယံ အာႏဇာႏနီႏကရိုꩻနောဝ်ꩻ ပါꩻခꩻမဲဉ်ချာ လꩻခန်းအဆာ (ဒဏ်ရာ)တဲ့ယောဝ်း ခံႏချော့ꩻတဝ်းဝီရိယ၊ ခံႏဆွတ်ꩻတဝ်းလာꩻလာꩻ မာꩻထွူထွူ မာꩻအောင်ႏအောင်ႏဒျာႏအကျောင်ꩻ၊
၃။ ပေါႏစွိုးခွိုꩻအတွက် အီႏနစ်နာႏ ပေါႏခမ်းထီအတာႏ အီႏထဲ့သွုမ်ꩻနဝ်ꩻ ဗဲ့ꩻထိုꩻတဝ်းနမ်း၊ ငမ်းရန်ႏသူႏတဲင် တေက်ꩻသော့ꩻတဝ်းပါꩻ၊ ခံႏအနစ်နာႏ ခံႏအဆာ နမ်းအွဉ်ငါ မာꩻကုဲင်းကုဲင်း၊ မာꩻရုဲင်းရုဲင်း၊ မာꩻထွာထွာဒျာႏအကျောင်ꩻ၊
၄။ ကွိုꩻလက်နက် နေးအာႏဏာႏတဲင် နိစ္စက်တဝ်းဝင်ꩻ၊ အံႏနွောင်ꩻတဝ်းဝင်ꩻ၊ ဆွမ်ꩻလꩻသွူရန်ႏသူႏမဉ်ႏတဲ့ အွဉ်ႏစွꩻချာဒျာႏ၊ ရက်ဒျာႏမွိုးဖါလူထုအကျောင်ꩻ-စတဲင်နုဲင်းနဝ်ꩻဖုံႏသွူ။[၁][၂][၃]