မင်္ဂလဇာတ်
"မင်္ဂလဇာတ်" ထွားသွဉ်ဟော်ꩻကျပ် 'မင်္ဂလဇာတ်'ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ"
၁။ ထီႏတွိုင်ꩻ၊ ဟွုန်တွိုင်ꩻ၊ မော့ꩻတွိုင်ꩻအဟဝ်နဝ်ꩻ ရိုꩻမင်္ဂလာႏဟဝ်၊ ထီႏဟွုန်မော့ꩻအကုဲင်နဝ်ꩻ ရိုꩻအတိတ်ဟောဝ်တဝ်း၊ ရိုꩻနိမိတ်ဟောဝ်တဝ်းနုဲင်းနဝ်ꩻနဝ်ꩻ တမွေးတဝ်း၊ လိုႏယူႏတဝ်းနုဲင်းနဝ်ꩻ-
၂။ သူႏတောႏကောင်ꩻသီးနဝ်ꩻ လောဘ-စတဲင် ကိလေႏသာႏတသာ ဖေႏကထွာအာလꩻမွုန်းတွော့ꩻ အအံႏအအွꩻ အကွဉ်အကꩻဖုံႏယို နုဲင်းနုဲင်းမꩻ နုဲင်းနဝ်ꩻမꩻ လွိုက်တဝ်း၊ ကမ်းဒျာႏကထွိုက်ရာꩻ-
၃။ ရဲအီကွို့ꩻ အလျားအခွꩻ၊ ဒို့ꩻခါꩻကွို့ꩻ ထာꩻဝင်ꩻသꩻလွုမ်ꩻ' ဘုရာꩻရဟန္တာႏသီး ယူႏနုဲင်းနဝ်ꩻတဲင် အရွုံႏအဗုဲင် အတကုဲင်တဲ့ယဝ်း၊ အယတဲ့ယဝ်း ကားကထွိုက်ရာꩻ၊ ကားကလꩻရာꩻ မာꩻဒျာႏနုဲင်းနောဝ်ꩻ-
၄။ ဘုရာꩻရဟန္တာႏသီးနောဝ်ꩻ ပယ်ႏလဲဉ်းလောဘ၊ ပုထုဇဉ်ႏ ရဟန်ꩻဖုံႏနဝ်ꩻ လိုႏပယ်ႏလောဘတဲင် ယိုနဝ်ꩻမလွိုက် ကထွိုက်လꩻရာꩻ လူႏခံႏအွꩻအံႏသွုံꩻဆောင်ႏဒျာႏနုဲင်းနဝ်ꩻ-
၅။ ထီႏတွိုင်ꩻ ဟွုန်တွိုင်ꩻ မော့ꩻတွိုင်ꩻအကုဲင်၊ ဗေင်ႏမင်းအကုဲင်၊ တျာႏဆေႏမေႏခိုး၊ စောက်အာႏဖြေင်ꩻ၊ ထွီႏမျောအူႏ၊ တဝတ်ꩻဖူႏ၊ လမ်းကီလမ်းလ၊ ကျောင်ꩻကီကျောင်ꩻလ၊ လင်းတဗွို့ꩻလမ်း၊ ထာꩻသားမီꩻ ဖင်းသော့ꩻဒုံ၊ ထုံတိုမောင်းပꩻ၊ သꩻဝꩻဟွုန်ငမ်း၊ ထင်းမင်္ဂလာႏ၊ ယူႏဒျာႏအတိတ်ကုဲင်၊ နိမိတ်ညမ်းနဝ်ꩻ မွေးတဝ်း၊ တထွာတဝ်း ထမုဲင်ꩻမုဲင်ꩻအကျောင်ꩻ-စတဲင်နုဲင်းနဝ်ꩻဖုံႏသွူ။[၁][၂][၃]