မဟာဓနကွုန်ႏသယ်ႏတန်
"မဟာဓနကွုန်ႏသယ်ႏတန်ဝတ္ထု"
၁၂၃။ ဂါႏထာႏပြန်ႏပအိုဝ်ႏခြေင်ခြေင်- လယ်ႏစာတခြိုꩻ ကွုန်ႏသယ်ႏလိုꩻနဝ်ꩻ ဆေ့ꩻပေႏ၊ တွိုႏတခြိုꩻစာတာႏ အာငါႏဗွေလော၊ ဖြေꩻစာကျင်ႏလယ်ႏ ပါꩻကွုန်ႏသယ်ႏတန်နဝ်ꩻ ဘေꩻအဝ်ႏဒါႏ တဖူꩻမာႏယို လွေꩻတဝ်းလာꩻလာꩻ၊ ဖုဲင်းညာꩻထိုꩻဒျာႏ၊ ထွားနုဲင်းတုꩻဗာႏ ဥပမာႏနုဲင်းနောဝ်ꩻယင်၊ သက်ကမဉ်ထို စိုးကမဉ်ဆွာꩻ ပါꩻတဖြာꩻနဝ်ꩻ မာꩻသီဒါႏလိုꩻ အစွူႏမျိုꩻယို အွꩻတဝ်းလာꩻလာꩻ ထိုꩻညာꩻညာꩻဒျာႏ၊ ထွားနုဲင်းပွုံႏခွိုင်ꩻ တဲ့က်တွိုင်ꩻနုဲင်းနဝ်ꩻယင်၊ ပညာႏအဝ်ႏမဲ့လေ ရဟန်ꩻကသူႏသေထာꩻနောဝ်ꩻ ပစျꩻပစိꩻတဲ့ယောဝ်း ထာꩻတဟောဝ်တဝ်း အကုသိုလ်ႏယို ဟောဝ်သျောင်ႏညာꩻညာꩻနောဝ်ꩻသွူ။
ဟော်ꩻထွားသွဉ်ဗာႏ "မဟာဓနကွုန်ႏသယ်ႏတန်"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"
၁။ လိုꩻခြွေချမ်ꩻသာႏ စေႏတနာႏကအဝ်ႏလိုꩻနောဝ်ꩻ ကေႏညိုႏသံဃာႏ မဉ်ကပ်ဒျာႏသွမ်ꩻ-
၂။ လိုꩻသꩻရင်ꩻဟောဝ် လိုꩻသူႏသေထာꩻနဝ်ꩻ သွꩻပေႏခန်းတဲ့ယဝ်း ပေါႏမာꩻထာꩻကုဲင် (အကုသိုလ်ႏ)နဝ်ꩻ ဖေႏအာႏတဝ်း၊ ဖေႏအာႏဒျာႏ လိုꩻဟောဝ်၊ အုံဒျာႏလိုꩻဟောဝ်ဖဲ့ꩻ-
၃။ လဲ့ꩻဖုဲင်းသျောင်ႏညာꩻ ရန်ႏသူႏမꩻ ဘေꩻရန်ႏကင်ꩻ၊ သွꩻဟဝ် ဖေႏသတင်ꩻမꩻ လွစ်ရန်ႏသူႏ-
၄။ ဘေꩻရန်ႏတအဲဉ်ထဝ်းအရပ်၊ အကျိုꩻကအောဝ်ႏရာꩻ အရပ်နဝ်ꩻ အုံမꩻခွꩻသꩻချမ်ꩻသႏ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။[၁][၂][၃]