မာႏနတန်ငါႏမွုန်း

ဖိုးပနား ထော့ꩻ မဉ်ႏသီနဝ်ꩻ ထွာကဟန်ႏအိုအွီႏ စာလꩻကဒွိုန်း... သေင်ႏမဉ်ႏဖြား မဉ်ႏဖြင်းနဝ်ꩻ ထွာကပဲဉ် ထွာကသိုႏ လိုꩻအမျာꩻဖုံႏ အဝ်ႏသွုံꩻအီက တွိုႏနီနာꩻ လိုꩻမဉ်ႏသီနဝ်ꩻ ဒေါ့ꩻမွိုန်းပါꩻအီႏဖြေꩻ ဒေါ့ꩻမွိုန်းပါꩻအီႏနေး ဒေါ့ꩻမွိုန်းပါꩻအီႏလိုႏ သဲက်ကသီ သꩻကဝွစ်တဲင် တလဲင်ႏချင်ꩻ ငမ်းငါႏအလွီးနွမ်ꩻကုဲင်တွော့ꩻ သော့ꩻသွူးစွဉ်ႏ ကောမ်ႏ(ပွုမ်ႏ)ကို နဲစ်လွေꩻပလို့ꩻထိုꩻခန်းဒျာႏ သင်ꩻခဲင်ꩻ... ငမ်းငါႏ အယဝ်ꩻအဝ်ႏကုဲင်တဲင် ပင်ꩻရဟန်ꩻသံဃာႏ ဖတ်ပါထဲင်း အန္တရာယ်ႏကင်ꩻ ကမ္မဝါႏ.. ယူႏစဲင်းစဲင်းမွိုင် အစဲင်းတန်ကွေး ယူႏယွꩻယွꩻမွိုင် လꩻထာꩻသေကွေး... ပွိုးနဝ်ꩻမ နီတဲ့ပီပီ သီတဲ့နုဲင်းနုဲင်း အီႏဗွိုန်လို့ဒျာႏယိုမꩻ မာႏနတရာꩻ အတ်တတရာꩻ သꩻအာဃာတတရာꩻ သꩻထင်ႏတန်နမ်းဖုံႏယို အဝ်ႏလိုႏလွူးတဝ်းဝင်ꩻ အဝ်ႏလိုႏ အွဉ်ႏတန်ꩻဖိုဝင်ꩻ အဝ်ႏလိုႏ ရက်ဝင်ꩻ... ရွဉ်အဝ်ႏမꩻ ရွဉ်ခြေားမꩻ မွေးတဝ်း လိုꩻကေန်ꩻမꩻ လိုꩻခြွေမꩻ မွေးတဝ်း လိုꩻပီပီ သွီႏနုဲင်းနုဲင်းဒျာႏတဲင်...

အွဉ်ႏသွော့မေတ္တာႏတရာꩻ အွဉ်ႏသွော့စာႏနာႏမုတရာꩻ အွဉ်ႏသွော့ ကရုဏာႏတရာꩻ အွဉ်ႏသွော့ မုဒိတာႏတရာꩻ... နီမဉ်ႏအုံအဝ်ႏလွဉ် နုဲင်းယို နီမဉ်ႏအုံဒါႏနုဲင်းယိုနဝ်ꩻ တွိုႏတနီꩻနီꩻသူꩻ နီနမ်းသီခန်းတဲ့ နီမဉ်ꩻသီတဝ်း နီထိုꩻမားခန်းတဲ့ နီမဉ်ꩻထိုꩻမားတဝ်းနော..။