ယူႏလꩻသေႏသေႏအီႏသီဗာႏထာꩻ

"ပဌမ မရဏဿတိသုတ် (ယူႏလꩻသေႏသေႏ အီႏသီဗာႏထာꩻ)" ရဟန်ꩻသီးဖုံႏဟွေး- မဉ်ႏယူႏလꩻသေႏသေႏ အီႏသီဗာႏထာꩻနဝ်ꩻ အကျိုꩻတန်ငါႏ၊ အကျိုꩻထွာငါငါ၊ တနꩻနဲ့ꩻလွေꩻစွဉ်ႏနိဗ္ဗာန်ႏ၊ အလွေꩻသွတ်ꩻစွဉ်ႏနိဗ္ဗာန်ႏသူꩻ၊ ကွပ်နဝ်ꩻမꩻ ပွါꩻမျာꩻလွသွော့ 'မရဏဿတိကမ္မဋ္ဌာန်ꩻ-ယူႏလꩻသေႏသေႏသွော့ ထာꩻသီနော'ဗုဒ္ဓေါဘုရာꩻ ထွဉ်ႏခါꩻနုဲင်းနောဝ်ꩻတဲင်- ၁။ ပထမရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို- "ဩဗွေႏ- ခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'တနီꩻတွမ်ႏတနာꩻ'ကိုယို ခွေမဉ်ႏသီတဝ်းနဝ်ꩻ ဟောဝ်ငါႏဟွေး၊ ခွေအီႏအားထွုတ်ဗာႏတရာꩻ 'တနီꩻတွမ်ႏတနာꩻတာႏ'ယူႏနုဲင်းနဝ်ꩻ ဗွေႏဩ" ၂။ ဒုတိယရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို- "ဩဗွေႏ- ခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'တနီꩻကိုယို ခွေမဉ်ႏသီတဝ်းနဝ်ꩻ ဟောဝ်ငါႏဟွေး၊ ခွေအီႏအားထွုတ်ဗာႏတရာꩻ တနီꩻတာႏ'ယူႏနုဲင်းနဝ်ꩻ ဗွေႏဩ" ၃။ တတိယရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို- "ဩဗွေႏ- ခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'အံႏသွမ်ꩻတတာႏတွင်ꩻယို ခွေမဉ်ႏသီတဝ်းနဝ်ꩻ ဟဝ်ငါႏဟွေး၊ ခွေအီႏအားထွုတ်ဗာႏတရာꩻ သွမ်ꩻတတာႏတွင်ꩻတာႏ'ယူႏနုဲင်းနဝ်ꩻ ဗွေႏဩ" ၄။ စတုတ္ထရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို- "ဩဗွေႏ- ခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'ခွေကမျောႏသွမ်ꩻ လစ်ꩻတာငတ်ꩻတာတွင်ꩻယို ခွေမဉ်ႏသီတဝ်းနဝ်ꩻ ဟောဝ်ငါႏဟွေး၊ ခွေအီႏအားထွုတ်ဗာႏတရာꩻ သွမ်ꩻလစ်ꩻတာ ငတ်ꩻတာတာႏ'ယူႏနုဲင်းနဝ်ꩻ ဗွေႏဩ" ၅။ ပဉ္စမရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို- "ဩဗွေႏ- ခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'ခွေကမျောႏသွမ်ꩻ တတာႏတွင်ꩻယို ခွေမဉ်ႏသီတဝ်းနဝ်ꩻ ဟောဝ်ငါႏဟွေး၊ ခွေအီႏအားထွုတ်ဗာႏတရာꩻ သွမ်ꩻတာႏတာႏ'ယူႏနုဲင်းနဝ်ꩻ ဗွေႏဩ" ၆။ ဆဋ္ဌမရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို- "ဩဗွေႏ- ခွေသွဉ်း အဝ်ႏယူႏလꩻသေႏသေႏထာꩻသီ၊ ခွေသွဉ်း ယူႏနုဲင်းမုဲင်ꩻနဲတဲင်- 'တရေ့ꩻ၊ သာ-တလဲင်ႏကို' ခွေမဉ်ႏသီတဝ်းနဝ်ꩻ ဟဝ်ငါႏဟွေး၊ ခွေအီႏအားထွုတ်ဗာႏတရာꩻ တရေ့ꩻ-သာတလဲင်ႏတာႏ'ယူႏနုဲင်းနဝ်ꩻ ဗွေႏဩ" "ရဟန်ꩻသီးဖုံႏဟွေး- 'ထာꩻသီ'ကရိုꩻနဝ်ꩻ အမွိုင်တန်ဟ၊ သီကယူႏလွဒါႏ 'တနီꩻတနာ၊ တနီꩻ၊ အံႏသွမ်ꩻတတာႏ၊ လစ်ꩻငါငတ်ꩻငွါ'ဖုံႏနဝ်ꩻ ထွို့ꩻငါႏအခိန်ႏ၊ နန်ꩻတွိုႏငါႏနိဗ္ဗာန်ႏ၊ ယူႏတွိုက်တွိုက်စွဉ်ႏ 'သွမ်ꩻတငွါ၊ တရေ့ꩻသာတလဲင်ႏ'နဝ်ꩻမꩻထဲ့မဲဉ်ႏ၊ နဝ်ꩻမꩻ တွိုႏမွိုင်နိဗ္ဗာန်ႏ" ဗွေႏဘုရာꩻ မိန်းခါꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ပဌမ မရဏဿတိသုတ်)