ယေန်ႏငဲးတွက်တာႏငဝ်းလင်ႏကာႏ

ယေန်ႏငဲးတွက်တာႏငေါဝ်းလင်ႏကာႏ၊ မီႏခွဲးလိုꩻကျောင်ꩻ မတ်တောင်ꩻသွော့နုဲင်းယို -

၁။ မီႏခွဲးလိုꩻကျောင်ꩻ၊ မတ်တောင်ꩻတောင်ꩻ၊ လွေꩻရောင်ꩻတွိုက်မွုန်းနေား။ ၂။ လွေꩻကာႏဆꩻငါ၊ ကျင်ꩻရွိုင်ꩻပါ၊ မုဲင်ꩻခါမာꩻမွုန်းနေား။ ၃။ မီႏထိုမ်းခင်ႏဖါႏ၊ ဗွောင်ႏထိုꩻဗာႏ၊ ဘာႏသာႏနီထုံꩻနေား။ ၄။ အုံတဖူꩻထျ၊ စူဝုဲင်ႏဝျ၊ ယံကျဟဝ်ငါႏနေား။ ၅။ ခွဲးဗွေႏဗွန်-စင်ꩻ၊ တောင်ꩻတောင်ꩻဝင်ꩻ၊ အုံလင်ꩻဝုဲင်ႏသွော့နေား။ ၆။ အုံလင်ꩻမဖုဲင်ႏ၊ အုံထွိုင်ႏလုဲင်ႏ၊ စူဝုဲင်ႏရိုႏသေႏနေား။ ဒေါ့ꩻရီငဝ်းငွါ ဒေါ့ꩻရီသွော့နုဲင်းယိုနေား - ၁။ ဒေါ့ꩻရီလိုꩻကျောင်ꩻ၊ မတ်တောင်ꩻတောင်ꩻ၊ သော့ꩻရောင်ꩻ "ဩ-ဗွေႏဩ"။ ၂။ "ခွေသွဉ်း-နီဗွေႏ"၊ ဒေါ့ꩻသေႏသေႏ၊ ယေန်ႏကေႏဟဝ်ငါႏနေား။ ၃။ "ခွေခွေ-နာꩻနာꩻ"၊ ငဝ်းနဝ်ꩻရာꩻ၊ လာꩻလာꩻဒေါ့ꩻမွုန်းနေား။ ၄။ ထီႏမွိုးဟဲ့ꩻ"နာꩻ"၊ ဖါဟဲ့ꩻ"နာꩻ"၊ လာꩻလာꩻဟဲ့ꩻမွုန်းနေား။ ၅။ "လွေꩻအံႏဒဲဉ်ဗွေႏ"၊ မယေန်ႏကေႏ၊ ယံဖေႏဒေါ့ꩻမွုန်းနေား။ ၆။ "ကျွꩻသုံꩻသွမ်ꩻဗွေႏ"၊ ငဝ်းယေန်ႏကေႏ၊ ယံဖေႏဒေါ့ꩻသွော့နေား။ ၇။ ငဝ်းပဆိုးဆား၊ ငဝ်းခိုးလျား၊ နဝ်ꩻစားဒေါ့ꩻမွုန်းနေား။ ၈။ နီတွက်ဝင်ꩻတာႏ၊ ငဝ်းနာႏသာႏ၊ ဒေါ့ꩻဒျာႏနုဲင်းနဝ်ꩻနေား။ ၉။ ငဝ်းရိုꩻဆာဝင်ꩻ၊ ငဝ်းရွိုင်ꩻရင်ꩻ၊ ဒေါ့ꩻလင်ꩻမွုန်းတဝ်းနေား။ ၁၀။ ယားတရေႏဝင်ꩻ၊ မေတ္တာႏပြင်ꩻ၊ ဒေါ့ꩻလင်ꩻမွုန်းတ၀်းနေား။ ၁၁။ ဝင်ꩻဟွုန်နစ်သက်၊ ငဝ်းစိုမ်ꩻရက်၊ ဆꩻတက်ဒေါ့ꩻသွော့နေား။ ၁၂။ ငဝ်းလဲဉ်ငဝ်းပျက်၊ ငဝ်းဝွေႏဝက်၊ စိုးသက်ဒေါ့ꩻမွုန်းနေား။ ၁၃။ ပနဲန်ႏငဝ်းငွါ၊ အကျိုꩻထွာ၊ နဝ်ꩻခါဒေါ့ꩻသွော့နေား။ ၁၄။ ငဝ်းတဗော့ꩻလဲ့ꩻ၊ ပသို့ꩻအဲ့ꩻ၊ သွမ်ꩻသဲ့ꩻမွုန်းဝင်ꩻနေား။ မီႏခွဲးဆရာႏ မာꩻဗာႏနုဲင်းယို - ၁။ မီႏခွဲးဆရာႏ၊ ဗွောင်ႏခင်ႏဖါႏ၊ ဖေႏဗာႏရိုႏသေႏနေား။ ၂။ ဖုဲင်းတဖူꩻသောင်၊ အုံစောင်းပေါင်၊ ဝုဲင်ႏရောင်ရိုႏသေႏနေား။ ၃။ အုံလင်ꩻမဖုဲင်ႏ၊ အုံထွိုင်ႏလုဲင်ႏ၊ စူဝုဲင်ႏရိုႏသေႏနေား။ ၄။ ကာႏဆရာႏငါ၊ ကျင်ꩻရွိုင်ꩻပါ၊ မုဲင်ꩻခါမာꩻမွုန်းနေား။ ၅။ ဆရာႏလဲဉ်းမꩻ၊ နီလွေꩻကျွꩻ၊ အွဉ်ႏသꩻနုဲင်းနဝ်ꩻနေား။ ၆။ လွေꩻတွိုက်ဆရာႏ၊ ထိုမ်းခင်ႏဖါႏ၊ ရွိုင်ꩻငါႏဟဝ်တဝ်းနေား။ အုံအဝ်ႏထာꩻ မာꩻသွော့နုဲင်းယို - ၁။ ဆရာႏမွိုးဖါ၊ လိုꩻတန်ငါ၊ ခင်ႏခါအွဉ်ႏတိုပ်ꩻနေား။ ၂။ အွဉ်ႏထွိုင်ႏကီႏဗောင်၊ စူပတ်သောင်၊ စောင်းပေါင်ဟဝ်တဝ်းနေား။ ၃။ အွဉ်ႏထွိုင်ႏခင်ႏလေင်း၊ ဒို့ꩻဆဲင်ꩻဖြေင်း၊ ချခြေင်းရွိုင်ꩻငါႏနေား။ ၄။ အုံတပုဲင်နေး၊ ယေန်ႏငဲးမွေး၊ တောင်ꩻစွေးစွုမ်ႏဖြာꩻနေား။ ၅။ အုံတပုဲင်ဝုဲင်ႏ၊ ထွားယေန်ႏဖုဲင်ႏ၊ မာꩻလုဲင်ႏနုဲင်းနဝ်ꩻနေား။