ရက်ခွုန်ꩻချာသွော့ မွိုးတောမ်ႏဖာ

နောင်ႏတကရိုꩻနောဝ်ꩻ အမဉ်လွဉ်ꩻတွော့ꩻ ကဟူႏထဲ့ကုဲင်လင်ꩻဒါႏဟံႏလောင်း သေင်ႏရာႏတဖြုံႏ ဥပမာႏသွူ။ နောဝ်ꩻမꩻတဲင် ဖူးခို/ဖူးမူႏသီးဖုံႏ မွိုက်ခွိုက် ကေꩻဇူꩻဗွေႏမွိုးဖါနီပါꩻ ကအောဝ်ႏခိန်ႏကျာꩻယို လိုႏဟောဝ်ရက် ထွားခွပ်ခွုန်ꩻချာငါႏ မွိုးဖါသွူ။ မွိုးဖါနီပါꩻ ကအောဝ်ႏခိန်ႏတွင်ꩻ မွိုးဖါဒေါ့ꩻငေါဝ်း မဉ်ႏတလွောက်ꩻနာႏတောဝ်း အွဉ်ႏတွူဗော့ꩻနမ်း အုံဆွော့ꩻကတဲ့ꩻစွူစဲ့ဗော့ꩻထာꩻနောဝ်ꩻ မွိုးဖာနီပါ မဉ်ႏသီထိုꩻနꩻထွူမꩻ နောင်ႏတအမာႏ ကွဲးငွိုးခြီခြောဝ်ဆုဲင်ꩻ အမျာꩻဆꩻငါ ကွဲးလောႏကာႏချာ မွိုးဖါနောဝ်ꩻ ထူꩻချာꩻကဲးထမုဲင်ꩻဟောင်း လိုꩻယိုစားနောဝ်ꩻဗွိုန်ပီစွဉ်ႏ "အီႏထွိုင်ႏလထွူမꩻ ထိုမ်ႏဆုဲင်ꩻထာꩻတို"တန်ဒျာႏသွူ။ မဉ်ႏမဲဉ်ထွာတောဝ်း "အမာႏနောင်ႏတ"ယိုစားတဲ့ မွိုးဖါအောဝ်ႏခိန်ႏ ရက်ချာဗဲင်းမွိုင် လွူးခွပ်ခွုန်ꩻချာဗဲင်း မွိုးဖါမွိုင် မွိုးဖါကေꩻဇူꩻလဲ့ သေချာဗဲင်းမွိုင်။ "နောင်ႏတ"အမာႏတရာꩻ ပေါႏလꩻဆုဲင်ꩻလွလဲဉ်းသွူနောဝ်ꩻ ပါꩻမုဲင်ꩻကဲး အီႏလွဉ်ကယ်ႏ လွဉ်ချော့ꩻဟောင်း အသောင်ရင်ꩻသား တွမ်ႏဒေါ့ꩻမွိုန်းဒွုမ် အီႏလွဉ်ထွား ပါꩻခွယ်ႏတရွို့ꩻ ပါꩻယိန်းဆော့ꩻမဲ့ လွꩻထီႏထဲင်း။ ဖူးခို/ဖူးမူႏသီးယို မွိုးဖါနီပါꩻတာႏ ယံကထွာဒျာႏသွော့ ပိုလိန်ႏမာႏ ပိုရတနာႏ ယံကထွာဗာႏမွိုန်းသွော့ မွိုးဖါသီးတာႏ ပိုဓမ္မတာႏ ပိုတွူ ပိုနုတ်ꩻဖုံႏနောဝ်ꩻ မွိုးဖါနီပါꩻအောဝ်ႏခိန်ႏ ဖူးခို/ဖူးမူႏသီး ရက်ချာဗဲင်းမွိုးဖါနေား ။