ရဟန်ꩻငတ်ꩻရျာꩻ
"၄၄။ ဂါႏထာႏပြန်ႏပအိုဝ်ႏခြေင်ခြေင်"
ရဟန်ꩻသီးဖုံႏဟွေး- နမ်းကရိုꩻဒါႏဟံႏယို ပါꩻမုဲင်ꩻနေးတွမ်ႏအဉာဏ်ႏ အီႏဝွေႏဖန်ႏနွောင်ꩻဟောင်း၊ အပါယ်ႏလစ်ꩻခမ်း၊ လူꩻခမ်း၊ ဗျဟ္မာႏခမ်း လိုꩻခမ်းဖုံႏနဝ်ꩻ ပါꩻမုဲင်ꩻနေးတွမ်ႏအဉာဏ်ႏ အီႏဝွေႏဖန်ႏနွောင်ꩻဟောင်း။ သေကောဝ်ႏအစားစား စားကောဝ်ႏသားနဝ်ꩻ ကောဝ်ႏယိုနဝ်ꩻ အဟောဝ်-ကောဝ်ႏယိုနဝ်ꩻအကုဲင် နေးတွမ်ႏအဉာဏ်ႏ ဝွေႏဖန်ႏသေလွိုက်နွောင်ꩻနောဝ်ꩻအတွိုင်ꩻ ပွုံႏခွိုင်ꩻတဲက်အီ ဖေႏကဗွန်ပီနဝ်ꩻနဝ်ꩻ ကဟော်ꩻခါꩻ ဗောဓိပက္ခိယတရာꩻယို ပါꩻမုဲင်ꩻနေးတွမ်ႏအဉာဏ်ႏ အီႏဝွေႏဖန်ႏနွောင်ꩻဟောင်း။
"၄၅။ ဂါႏထာႏပြန်ႏပအိုဝ်ႏခြေင်ခြေင်"
ရဟန်ꩻသီးဖုံႏဟွေး နမ်းကရိုꩻဒါႏ ဟံႏယို သေက္ခပုဂ္ဂိုလ်ႏ နွတ်ꩻပါꩻနဝ်ꩻ နေးတွမ်ႏအဉာဏ်ႏ အီႏဝွေႏဖန်ႏနွောင်ꩻဒျာႏ၊ အပါယ်ႏလစ်ꩻခမ်း လူꩻခမ်း ဗျဟ္မာႏခမ်း လိုꩻခမ်းဖုံႏယိုနဝ်ꩻ သေက္ခပုဂ္ဂိုလ်ႏနွတ်ꩻပါꩻနဝ်ꩻ နေးတွမ်ႏအဉာဏ်ႏ အီႏဝွေႏဖန်ႏနွောင်ꩻဒျာႏ။ စာကောဝ်ႏသားနဝ်ꩻ ကောဝ်ႏယိုနဝ်ꩻ အဟောဝ်၊ ကဝ်ႏယိုနဝ်ꩻ အကုဲင် နေးတွမ်ႏအဉာဏ်ႏ ဝွေႏဖန်ႏသေလွိုက်နွောင်ꩻ၊ ဖေႏကဗွန်ပီနောဝ်ꩻအတွိုင်ꩻ တရာꩻယို နုဲင်းယို၊ တရာꩻယိုနုဲင်းနဝ်ꩻ သေက္ခပုဂ္ဂိုလ်ႏနွတ်ꩻပါꩻ နေးတွမ်ႏအဉာဏ်ႏ အီႏဝွေႏဖန်ႏနွောင်ꩻဒျာႏနဝ်ꩻသွူ။
"လꩻဗဟုသုတ၊ လꩻအီသတိꩻနုဲင်းယို"
ဟော်ꩻထွားသွဉ်ဗာႏ ရဟန်ꩻငတ်ꩻရျာꩻဝတ္ထုယိုနဝ်ꩻ- ၁။ ခါးလားကဒေါ့ꩻပျင်ႏ ငေါဝ်းအလောင်ႏအလင်နဝ်ꩻ အဝ်ႏလိုႏဒေါ့ꩻဒျာႏ တရာꩻခရာႏအကျောင်ꩻ၊
၂။ ခါးလားကဝွေႏဖန်ႏ နမ်းအထန်ႏ အလောင်ႏအလင်နဝ်ꩻ (ခါးလားကဝွေႏဖန်ႏဝင်ꩻ၊ ခါးလားကထွားဝင်ꩻအပဲစ်နဝ်ꩻ) ဟောဝ်ထွားဝွေႏဖန်ႏဒျာႏ နီနမ်း(ကို)ယို၊ ဟောဝ်အားထွုတ်ဒျာႏတရာꩻအကျောင်ꩻ၊
၃။ သေက္ခပုဂ္ဂိုလ်ႏ နွတ်ꩻပါꩻဖုံႏနဝ်ꩻ အီႏဝွေႏဖန်ႏနွောင်ꩻဒျာႏ ဗောဓိပက္ခိယတရာꩻ (၃၇)ပါꩻအကျောင်ꩻ၊
၄။ နာႏတရာꩻယို အကျိုꩻအောဝ်ႏငါႏ ထွာနွောင်ꩻစွဉ်ႏ ရဟန္တာႏအကျောင်ꩻ-စတဲင်နုဲင်းယိုနဝ်ꩻ သေထွꩻအီသတိꩻအာတန်။ [၁][၂][၃]