ရဟန်ꩻထဉ်ႏ(ထီႏန်)ငတ်ꩻရျာꩻဝတ္ထု

ရဟန်ꩻထဉ်ႏငတ်ꩻရျာꩻဝတ္ထု၊ ပဏ္ဍိတဝဂ်

၁။ ယူႏလꩻတဝ်း ဘုရာꩻ တရာꩻ သံဃာႏ ဆရာႏ မွိုးဖါနဝ်ꩻ "ယံတဝ်း"။ ၂။ ဘုရာꩻဆွုံꩻမꩻတဲ့−နေးတောဝ်း၊ ဆရာႏဆွုံꩻမꩻတဲ့ နာႏတဝ်း၊ မွိုးဖါဆွုံꩻမꩻတဲ့ လꩻတဝ်း၊ ထေထဲင်း အသꩻ၊ သꩻလျားထဲင်းထာꩻနဝ်ꩻ "ယံတဝ်းတစိꩻစိꩻ"။ ၃။ ကဆိုႏဝါႏ ကောသလခမ်း၊ ရဟန်ꩻထဉ်ႏ(ထီႏန်)အပါꩻငတ်ꩻရျာꩻနဝ်ꩻ ဝါႏကထင်ႏကျွစ်ခါ ကျွꩻကာလွေꩻ သာဝတ္ထိခမ်း၊ ကျောင်ꩻဇေႏတဝန်ႏကို လွေꩻကန်းတော့ꩻရိုႏသေႏ ဆရာႏဗွေႏဘုရာꩻနဝ်ꩻ "ယံဒျာႏ"။ ၄။ နီဗွေႏဘုရာꩻဟောꩻတရာꩻနုဲးယို (က) ပညာႏသားနဝ်ꩻ ပယ်ႏထိုꩻတရာꩻဖြေင်း (အကုသိုလ်ႏ−ကိလေႏသာႏ)ထွူခါ ယူႏငါနိဗ္ဗာန်ႏ၊ ကျံႏတေားတရာꩻဗွာ(ကုသိုလ်ႏ−မဂ်ဖိုလ်ႏ) လိုꩻညံးနောဝ်ꩻ တပျောႏလွဉ်ꩻတဝ်း "ဝိဝေက−ထာꩻငိမ်ꩻခွꩻ"နဝ်ꩻသွူ။ (ခ) ပညာႏသားနဝ်ꩻ ပယ်ႏထိုꩻ ကာႏမဂွုဏ်ႏထွူတဲင် ပျောႏလွဉ်ꩻ "ဝိဝေက−ထာꩻငိမ်ꩻခွꩻ"၊ မာꩻစင်ထိုꩻလꩻ နီဝရဏ−အကုသိုလ်ႏ(ခန္ဓာႏကို)နဝ်ꩻသွူ။ (ဂ) ပညာႏသားနဝ်ꩻ နေးတောမ်ႏအနယ်ꩻမဲဉ်ႏမဲဉ်ႏ ကျိုꩻစာꩻတရာꩻ၊ ပျောႏလွဉ်ꩻဒျာႏနိဗ္ဗာန်ႏ၊ ရဟန္တာႏသီးဖုံႏနဝ်ꩻ ကူꩻထွူနိဗ္ဗာန်ႏ−ဘဝယိုခါသွူ။ နာႏတရာꩻနဝ်ꩻဖုံႏထွူခါ − ထွာသောတာႏပန်ႏစတဲင် နုဲးနဝ်ꩻဖုံႏနဝ်ꩻ "ယိန်းယံငါႏ"နဝ်ꩻသွူ။ ဖေႏကထွာဒျာႏ "ယိန်းယံငါႏ"နဝ်ꩻနေား။

ဩဝါဒလစ်ꩻထွော့ ငေါဝ်းလင်္ကာႏ အမုဲင်(၁၄၄) ၁။ ယူႏလꩻတဝ်းဗာႏ၊ ရတနာႏ၊ ဆရာႏ မွိုးတွမ်ႏဖာ။ ၂။ ဘုရာꩻဆွုံꩻမꩻ၊ ဆရာႏချꩻ၊ ထေသꩻ လိုꩻမွိုက်ထွာ။ ၃။ ယူႏလꩻရတနာႏ၊ ယူႏဆရာႏ၊ နဝ်ꩻတာႏ ယံဒျာႏထွာ။ ၄။ ဘုရာꩻဆွုံꩻမꩻ၊ ဆရာႏချꩻ၊ သွဉ်လꩻ ယိန်းယံအာ။