လမ်းကကုဲဗာႏ
လမ်းကကုဲဗာႏ အကျောင်ꩻ၄-ပါꩻ ၁။ ကထွာလိုꩻခို ထာꩻမာꩻတမွေးတောဝ်း၊ အမာဒေါ့ꩻဖေႏ သံးတနာႏတောဝ်း၊ အွꩻဒေါဝ်- ဆွဉ်းဖိန်ꩻ၊ တောႏထာꩻ၊ အံႏကျွား၊ မာꩻသုမ်ꩻတေင်ပစ္စေꩻ၊ ကခွုမ်ကမာꩻ တွမ်ႏအမာမူႏ ညီႏတူႏစွုမ်ႏနီꩻ ပန်ꩻကီꩻဝီရိယ၊ တွိုႏအမာတဲင်နောဝ်ꩻ တအံႏဗာႏတောဝ်း၊ ကွဉ်ကꩻဗာႏတောဝ်း၊ အမာဆုမ္မꩻလဲ့ တနာႏတောဝ်း၊ ဝါꩻခို မာꩻသွုမ်ꩻလို့ထွူတဲင် အမာမီႏရိုꩻ သမ်းရွို့ꩻချာထဲင်းအမာ၊ ကထွာလိုꩻမူႏ တခံႏနွောင်ꩻတဝ်း၊ နဝ်ꩻမꩻ ကုဲဗာႏ လံးပါႏကွိုနော။ ၂။ ခွုမ်မာꩻညီꩻဝင်ꩻ ဝါꩻခိုမာမူႏ ကထင်ႏလꩻတဲင် ဥစ္စာႏပစ္စေꩻခါ တစွဉ်ႏတောဝ်းအဝါꩻ၊ မာꩻလွေꩻဖေႏတော အဖူးအဝေး လမ်းလောင်ႏလမ်းလင်၊ အွဉ်ႏသေသူႏသꩻကဲင်ႏ၊ တစွဉ်ႏတောတောဝ်းအဝါꩻ ဥစ္စာႏပစ္စေꩻ၊ ယိုခါနောဝ်ꩻလဲ့ လမ်းပါႏကုဲထိုꩻအကျောင်ꩻတပါꩻ။ ၃။ လိုꩻလမ်းကိုချင်ꩻ ရန်ႏစင်ꩻလွꩻထီႏအဝါꩻ၊ ဒေါ့ꩻအမာမိဉ်ꩻ၊ အမာဒေါ့ꩻအဝါꩻမိဉ်ꩻ၊ အပိုဒေါ့ꩻ အဖါမိဉ်ꩻ၊ အဖါဒေါ့ꩻအပိုမိဉ်ꩻ၊ အမွိုးဒေါ့ꩻအပိုမူႏမိဉ်ꩻ၊ အပိုမူႏ ဒေါ့ꩻအမွိုးမိဉ်ꩻ၊ တသိမ်ꩻတဝ်းဖြောင်း၊ ဒေါ့ꩻလွဝင်ꩻမိဉ်ꩻ၊ ယိုလဲ့ လမ်းကုဲဒါႏတပါꩻနော။ ၄။ ကထွာအဝါꩻ တယွုမ်းတောဝ်းအမာ၊ ကထွာအမာတယွုမ်းတဝ်းအဝါꩻ၊ မိစ္ဆာႏဝါဒ မာနပငါပရာꩻ ထောင်လွားနီဖဲ့ꩻ၊ မာလဲ့မာဒွါႏ၊ ဝါꩻလဲ့ဝါꩻဒွါႏ၊ တယွုမ်းတောဝ်းလွဝင်ꩻ၊ ယိုလဲ့လမ်းကုဲတပါꩻ။[၁][၂][၃]