လိတ္တဇာတ်

"လိတ္တဇာတ်" ထွားသွဉ်ဟော်ꩻကျပ် "လိတ္တဇာတ်"ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ"

၁။ ထာꩻမာꩻတွမ်ႏ ကအံႏဒဲဉ်ဟန်ႏ ဖေႏကတန်ႏဗာႏလို့ဝင်ꩻ-

၂။ တွိုႏဆဲင်ႏရာꩻ ထာꩻမာꩻနဝ်ꩻ မာꩻတဝ်းတဲင် မဉ်ႏအံႏခြေင်ဝင်ꩻဒဲဉ်ဟန်ႏနဝ်ꩻ ခံႏဗာႏအပဲစ်-

၃။ ပေါႏတထွိုက်တန်ႏတောဝ်း တွမ်ႏဝင်ꩻဒဲဉ်ဝင်ꩻဟန်ႏနောဝ်ꩻ ထွာအံႏနီး အံႏခန်ထာꩻ (ထွာ"ဣဏပရိဘောဂ")-

၄။ ဗွေႏစင်ꩻ ဗွေႏသျင်ႏ ပေါႏတဆင်ႏချင်ႏတဝ်း ပစ္စဝေက္ခဏာႏ မဉ်ႏသွုံꩻမာႏ ပစ္စေꩻလစ်ꩻပါꩻဖုံႏနဝ်ꩻ တွမ်ႏကသွုံꩻမာႏအစွူႏနဝ်ꩻ ဗွန်ပီလို့ဝင်ꩻ-

၅။ တဆင်ႏချင်ႏတဝ်း ပစ္စဝေက္ခဏာႏ မဉ်ႏသွုံꩻမာႏ ပစ္စေꩻလစ်ꩻပါꩻဖုံႏနောဝ်ꩻ လွေꩻထွာဒါႏ တိရစ္ဆာန်ႏ ပိတ္တာႏ ထဲ့ဒါႏငါးရုဲင်ꩻအကျောင်ꩻ-စတဲင်နုဲင်းနောဝ်ꩻဖုံႏသွူ။

"မဟာသာရဇာတ်"

(လင်္ကာႏ- ပွယ်ꩻတွိုက်ꩻစဲ့ꩻကို လိုႏလိုꩻရုဲင်း၊ ဗဉ်ႏဗꩻကိုဟုဲင်း လိုႏဖြောင်းတဉ်ႏ၊ အံႏအွီႏထစဉ်ႏ လိုႏလိုꩻရက်၊ ယပ်ꩻခုဲင်ႏယူႏပက် လိုꩻလိုꩻဒါႏ၊ ခွန်တန်အံႏဖြာႏ ဘုရာꩻလောင်ꩻ၊ မတ်သွော့တောင်ꩻတောင်ꩻ ၄-မျိုꩻနော)

ထွားသွဉ်ဟော်ꩻကျပ် မဟာသာရဇာတ်ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏ ထꩻသေတရာꩻဖုံႏနောဝ်ꩻ"

၁။ လိုꩻမူႏယံသီးအမျိုꩻနဝ်ꩻ မဉ်ခြွေခြွေ အရန်းမဉ်ထိုထို အဝ်ႏခန်းဟော်ကိုတဲ့ယဝ်း အွဉ်ႏတဖေင်ꩻတဝ်း ရတနာႏသွံပါꩻ၊ မဉ်ထင်ႏဒျာႏကျောင်ꩻ၊ မဉ်နာႏဒျာႏတရာꩻ၊ မဉ်သွဉ်ဒျာႏတရာꩻ၊ မဉ်အုံအားထွုတ်ဒျာႏတရာꩻ၊ မဉ်မာꩻဒျာႏကုသိုလ်ႏ၊ ဟွိုန်ဗွိုႏဒျာႏသင်္ခါႏရ-

၂။ ခွန်တန်ခန်းတဲ့ယဝ်း ပေါႏဝင်ꩻလွဉ်လောဝ်း ထာꩻမာꩻဟောဝ် ထာꩻမာꩻအကျိုꩻအောဝ်ႏဖုံႏနောဝ်ꩻ အွဉ်ႏအရေꩻခွုမ်မာꩻ ထူႏတာႏဝွန်ႏဖေႏဒျာႏ-

၃။ ထင်းဖွီထီႏပေႏဝင်ꩻလꩻတဝ်း၊ အံႏဖြာႏထွိုက် အံႏဖြာႏသင်ꩻ လိုꩻတဖြာꩻနဝ်ꩻ နီဗွေႏဘုရာꩻနမ်းနမ်း အံႏဖြာႏဒျာႏ ပင်ႏထိုဖေႏဒျာႏအဂွုဏ်ႏ-

၄။ လိုꩻဟောဝ်သီးနဝ်ꩻ ဒါႏခန်းနုဲင်းမုဲင်ꩻဒါႏတဲ့ယဝ်း ပေါႏခင်ႏလမ်းတမွေးတဝ်း ပေါႏတထွိုက်တဝ်းနီနဝ်ꩻ တသွဉ်ဖေႏတောဝ်း၊ ထွဉ်ႏဒျာႏ ကထွိုက်တန်ႏသားသွဉ်၊ အွဉ်ႏတဝ်းပညာႏမာႏန-

၅။ ဗွေႏရဟန်ꩻခန်းတဲ့ယဝ်း တကာႏသီး မဉ်ႏမော့ꩻလွဉ် အယပ်ꩻအခုဲင်ႏနဝ်ꩻ ဒေါ့ꩻဖေႏမဉ်ႏဒါႏ ဒေါ့ꩻနယ်ဗာႏ အနယ်ꩻဟဝ်ဟဝ်-

၆။ အမုꩻတဗာႏ ပျဿတနာႏတမျိုꩻယို ရီစဲစ်ဆေꩻ ထျꩻထျꩻနာနာဗာႏ၊ စူꩻလောဘ စူꩻဒေါသ စူꩻမာနတဲင် ဆွုံꩻဖျတ် (အွဉ်ႏထွော့)တငါတငီလꩻတဝ်း၊ နေးတွမ်ႏဉာဏ်ႏ ဝွေႏဖန်ႏခူခူမꩻ လꩻအမဲဉ်ႏတရာꩻ-

၇။ မဉ်ႏတွိုႏမွေး အယပ်ꩻအခုဲင်ႏကိုနဝ်ꩻ လိုႏငါႏလိုꩻဒါႏ ပညာႏသားအကျောင်ꩻ-စတဲင်နုဲင်းနောဝ်ꩻဖုံႏသွူ။