လိတ်ပင်ꩻ
ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏစွိုꩻ ဗဟိုႏဌာႏနချွုတ်၊ ဝေင်ꩻတောင်ႏကီꩻ
အနီꩻ = နေင်ႏ ၁၃၇၁-ဗာႏ၊ ဒဲဉ်စေင်ဆန်ꩻ (၈)နီꩻ (၂၄-၁၁-၂၀၀၉) မွူးနီꩻ-အင်္ဂါႏ
ပင်ꩻ ဗွေႏ----------------------- ကျောင်ꩻ-------------------- ဝေင်ꩻနယ်ႏ---------------------
အကျောင်ꩻအခရာႏ ။ ။ ယံကျွꩻလွေꩻ ထောင်ထွားရေꩻ ဟော်ꩻတရာꩻကိစ္စ ။
နေးတွမ်ႏဂါရဝ / မေတ္တာႏတဲင် ပင်ꩻလဝ်းဗာႏ နီဗွေႏဩ။
နေင်ႏ ၁၃၇၁-ဗာႏ၊ ဒဲဉ်------- ( ) နီꩻသူꩻနဝ်ꩻ ပအိုဝ်ႏလိတ်လုဲင်ꩻစွစ်ꩻလီတာႏ ဗဟိုႏသံႏဃာႏ ထောင်ထွားရေꩻအစွိုꩻ အီႏကျွꩻလွေꩻ ဟော်ꩻယင်းတရာꩻတဲင် ဆဲင်ႏရာꩻသံႏဃာႏ ကလွိုက်ရွေꩻဒါႏအကိုနဝ်ꩻ နီဗွေႏတဲ့ ပါသော့ꩻ ဗွေႏဩ။ ကွပ်ပွိုးနဝ်ꩻမꩻ နေင်ႏ ၁၃၇၁-ဗာႏ၊ ဒဲဉ်-------- ( ) နီꩻသူꩻနဝ်ꩻ ယံကျွꩻထင်ႏတောင်ႏကီꩻ၊ ကျောင်ꩻ-------ကို (၆)နားရီႏ မွူးဟာခိုႏယို အီႏစလွေꩻသွဉ်တန်ꩻ ဟော်ꩻတရာꩻတဲင် အခိန်ႏနဝ်ꩻ ယံထွꩻ ဖေႏကကျွꩻသွော့ ဗွေႏဩ။
စွိုးခွိုꩻဘာႏသာႏ၊ သာႏသနာႏကိစ္စဒျာႏတဲင် နီဗွေႏကျွꩻဖေႏမန်ႏမန်ႏသွော့၊ ကွဲႏတွော့ꩻ အုံဟဝ်အဝ်ႏသန်ꩻတဝ်းတဲင် နီဗွေႏမဉ်ႏတကျွꩻနွောင်ꩻတဝ်းစိန်ႏစွော့ꩻနဝ်ꩻ ထုမ်ႏသော့ꩻဖေႏသွော့ နမ်းခြောင်ꩻတင် (ကိုႏစာႏလယ်ႏ)ဗွေႏဩ။ စီႏစဲဉ်ႏခါꩻလဲဉ်း ပဉ်စွိုꩻစွိုꩻတဲင် နမ်းတဲ့ကျွꩻတဝ်း၊ နမ်းခြောင်ꩻတင်တဲ့ မဉ်ႏသော့ꩻဖေႏတဝ်းနဝ်ꩻ ပွယ်ꩻမော့ꩻခွဲးကို (စီꩻဝွေꩻတွင်ꩻ) ရီချာရီငါ၊ လုဲင်ႏချာလုဲင်ႏငါတောဗာႏတဲင် အခိန်ႏတဲ့လို့အာ၊ အစီႏအစဲဉ်ႏဖုံႏ စာႏရင်ꩻဖုံႏကုဲင်လို့၊ တဗူႏတဗန်ႏကုဲင်လို့ပါတဲင် ထန်ႏဖွီငါႏထာꩻ ဗွေႏဩ။
ကေႏညိုႏမုꩻ ဖေႏနေးကယိန်းထွာထွာတဲင် သင်္ကန်ꩻဖြေင်းအွူႏ (နုဲင်းရသေ့ꩻ)၊ တသီးလွဉ်ꩻ(နုဲင်းသင်္ကန်ꩻထုဲင်ႏ)ဖုံႏနဝ်ꩻ ဗုဲင်လွဉ်မွုန်းဩ။ ခင်ႏဖါႏဆိုပ်ꩻ/ အဖြွီꩻသီႏနေး (ခင်ႏဖါႏလိုꩻလမ်းထိုမ်း)စားနဝ်ꩻတဲ့ ထိုမ်းလွဉ်မွုန်းဩ။ ကလူꩻဒွေါင်ႏဆွာꩻ ဖေႏနးကဗွန်ပီလို့ဝင်ꩻတဲင် ပေါႏအီႏထင်ႏတောင်ႏကီꩻ အဝ်ႏခါႏနီသွံနီꩻကိုနဝ်ꩻ ကြော့ꩻလွသွော့ကလူꩻ စွုမ်ႏပါꩻပါꩻ ဗွေႏသီးဩ။
ကအီႏဟော်ꩻအီတာႏ သဘာပတိ ငဝ်းဗွောင်တွမ်ႏငဝ်းပေ့ꩻ၊ "ထင်ႏကျောင်ꩻတွက်တာႏ မာꩻဗာႏနုဲင်းယို၊ ဗုဲင်သျင်ႏဗုဲင်စင်ꩻ-မာꩻပွယ်ꩻပင်ꩻ၊ ဘာႏသာႏယေန်ႏငဲးရေꩻ၊ ကြောင်းစင်ရေꩻ"တရာꩻဖုံႏနဝ်ꩻတဲ့ ခွေသွဉ်းတဲမ်းဖေႏထွူ ပသာသွိုစွဉ်ႏ လိတ်ပင်ꩻယို၊ ဟော်ꩻသေꩻသွော့ꩻကေႏကေႏ၊ ယံဖေႏကဒါႏအွံပသာႏသာႏစွဉ်ႏနဝ်ꩻ ယိန်းဟဝ်ဗွေႏဩ။
ကအီႏဟော်ꩻတရာꩻယာႏကို မဉ်ႏဖျော်လွဉ်တဝ်းစိန်ႏစွော့ꩻနဝ်ꩻ ထင်ႏကွီမွိုင်မွိုင်သွော့ အွဉ်အကိုရေꩻ ဗွေႏသုဇန (ကျောင်ꩻအေးစေတီလိတ်သွဉ်တွိုက်) ထျꩻနဝ်ꩻ ဗွေႏဩ။
တောင်ꩻခါꩻ - တွိုႏဆုဲင်ꩻ မာꩻထာꩻမာꩻ အဆင်ႏဖေႏကပြေႏ၊ အခေႏအနေႏ ဖေႏနေးကသေဖြောင်ချာငါတဲင် နီဗွေႏမဉ်ႏတကျွꩻနွောင်ꩻတဝ်းစိန်ႏစွော့ꩻနဝ်ꩻ လုဲင်ႏသော့ꩻတေား ပုဂ္ဂိုလ်ႏယို၊ ပုဂ္ဂိုလ်ႏနဝ်ꩻ၊ သက်တောႏ၊ ဝါႏတောႏ လꩻကားယို၊ ကားနဝ်ꩻ၊ ကျောင်ꩻယို ကျောင်ꩻနဝ်ꩻ-စတဲင်နုဲင်းနဝ်ꩻဖုံႏနဝ်ꩻ လဝ်းဟွုန်ရီးသွော့ ဗွေႏဩ။ လဝ်းဟွုန်ရီးနဝ်ꩻမꩻ စာႏရင်ꩻ (ဇယားကွက်ꩻ)ကို နီဗွေႏနမ်းခြောင်ꩻ အီႏပြောင်ꩻတေားဖေႏ အဆင်ႏပြေႏ အခိန်ႏထွꩻလꩻနဝ်ꩻသွူ ဗွေႏဩ။
ခြွိုင်ႏသန်ꩻပျောႏသွင်ႏ ယံအောင်ႏမျင်ႏလွသွော့ ဗွေႏဩ။
နေးတွမ်ႏဂါရဝ / မေတ္တာႏတဲင်
( ကောဝိဒ )
ပအိုဝ်ႏလိတ်လုဲင်ꩻစွစ်ꩻလီတာႏ
ဗဟိုႏသံႏဃာႏစွိုꩻ[၁][၂][၃]