လိုꩻငတ်ꩻစား-ငဝ်းခတ်ꩻနား

"ဒုက္ကထာသုတ် (လိုꩻငတ်ꩻစား-ငေါဝ်းခတ်ꩻနားငတ်ꩻမျိုꩻ)" ရဟန်ꩻသီးဖုံႏဟွေး- ၁။ အသဒ္ဓဿ သဒ္ဓါကထာ ဒုက္ကထာ- လိုꩻသဒ္ဓါႏတရာꩻ တအဲဉ်ထဝ်းနဝ်ꩻ ပေါႏဒေါ့ꩻသဒ္ဓါႏတရာꩻခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွဉ်ႏငေါဝ်းဟောဝ်တဝ်း၊ ကွပ်ထမုဲင်ꩻနဲတဲင် ဝွေꩻနဝ်ꩻ သဒ္ဓါႏတရာꩻအဲဉ်ထဝ်းတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။ ၂။ ဒုဿီလဿ သီလကထာ ဒုက္ကထာ- လိုꩻသီႏလ တအဲဉ်ထဝ်းနဝ်ꩻ ပေါႏဒေါ့ꩻသီႏလခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွက်ႏငေါဝ်းဟောဝ်တဝ်း၊ ပွိုးထမုဲင်ꩻနဲတဲင် ဝွေꩻနဝ်ꩻ သီႏလအဲဉ်ထဝ်းတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။ ၃။ အပ္ပဿုတဿ ဗာဟုသစ္စကထာ ဒုက္ကထာ- လိုꩻအထီႏအဟွူန်ဆေ့ꩻနဝ်ꩻ ပေါႏဒေါ့ꩻဗဟုသုတခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွက်ႏငေါဝ်းဟောဝ်တဝ်း၊ ကွပ်ထမုဲင်ꩻနဲတဲင် ဝွေꩻနဝ်ꩻ ဗဟုသုတအဲဉ်ထဝ်းတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။ ၄။ မစ္ဆရိယဿ စာဂကထာ ဒုက္ကထာ- လိုꩻစေꩻနဝ်ꩻ ပေါႏဒေါ့ꩻထာꩻလူႏ စာႏဂခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွဉ်ႏငေါဝ်းဟောဝ်တဝ်း၊ ပွိုးထမုဲင်ꩻနဲတဲင် ဝွေꩻနောဝ်ꩻ လိုꩻစေꩻတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။ ၅။ ဒုပ္ပညဿ ပညာကထာ ဒုက္ကထာ- လိုꩻပညာႏ တအဲဉ်ထဝ်းနဝ်ꩻ ပေါႏဒေါ့ꩻပညာႏခရာႏတဲ့ ထွာစွဉ်ႏငေါဝ်းခတ်ꩻနား၊ ထွာစွက်ႏငေါဝ်းဟောဝ်တဝ်း၊ ကွပ်ပွိုးထမုဲင်ꩻနဲတဲင် ဝွေꩻနဝ်ꩻ ပညာႏအဲဉ်ထဝ်းတွော့ꩻ ပေါႏဒေါ့ꩻတဲ့ ရော့ꩻဒွုမ်အနား သꩻလျားစွဉ်ႏထာꩻနောဝ်ꩻသွူ။ ရဟန်ꩻသီးဖုံႏဟွေး- ၁။ သဒ္ဓဿ သဒ္ဓါကထာ သုကထာ- လိုꩻသဒ္ဓါႏတရာꩻအဝ်ႏ ပေါႏဒေါ့ꩻသဒ္ဓါႏတရာꩻခရာႏတဲ့ ထွာစွဉ်ႏငေါဝ်းမဉ်ဟွူန်၊ ထွာစွဉ်ႏငေါဝ်းဟဝ်၊ ကွပ်ထမုဲင်ꩻနဲတဲင် ဝွေꩻနဝ်ꩻ သဒ္ဓါႏတရာꩻအဝ်ႏတွော့ꩻ ပေါႏဒေါ့ꩻတဲ့ ရောꩻ့အနား သꩻရေꩻစွဉ်ႏနဝ်ꩻသွူ။ ၂။ သီလဝတော သီလကထာ သုကထာ- လိုꩻသီႏလအဝ်ႏနဝ်ꩻ ပေါႏဒေါ့ꩻသီႏလခရာႏတဲ့ ထွာစွဉ်ႏငေါဝ်းမဉ်ဟွူန်၊ ပွိုးထမုဲင်ꩻနဲတဲင် ဝွေꩻနောဝ်ꩻ သီႏလအဝ်ႏတွော့ꩻ ပေါႏဒေါ့ꩻတဲ့ ရော့ꩻစွဉ်ႏအနား၊ သꩻရေꩻစွဉ်ႏဒျာႏနောဝ်ꩻသွူ။ ၃။ ဗဟုသုတဿ ဗာဟုသစ္စကထာ သုကထာ- လိုꩻအထီႏအဟွူန်အာနဝ်ꩻ ပေါႏဒေါ့ꩻဗဟုသုတခရာႏတဲ့ ထွာစွဉ်ႏငေါဝ်းမဉ်ဟွူန်၊ ကွပ်ထမုဲင်ꩻနဲတဲင် ဝွေꩻနဝ်ꩻ ဗဟုသုတအဝ်ႏတွော့ꩻ ပေါႏဒေါ့ꩻတဲ့ ရော့ꩻစွဉ်ႏအနား၊ သꩻရေꩻစွဉ်ႏဒျာႏနောဝ်ꩻသွူ။ ၄။ စာဂဝတော စာဂကထာ သုကထာ- လိုꩻကစာႏဂထာꩻနောဝ်ꩻ ပေါႏဒေါ့ꩻထာꩻလူႏ စာႏဂခရာႏတဲ့ ထွာစွဉ်ႏငေါဝ်းမဉ်ဟွူန်၊ ပွိုးထမုဲင်ꩻနဲတဲင် ဝွေꩻနဝ်ꩻ စေꩻတဝ်းတွော့ꩻ ပေါႏဒေါ့ꩻတဲ့ ရောꩻ့စွဉ်ႏအနား၊ သꩻရေꩻစွဉ်ႏဒျာႏနောဝ်ꩻသွူ။ ၅။ ပညဝတော ပညာကထာ သုကထာ- လိုꩻပညာႏအဝ်ႏနဝ်ꩻ ပေါႏဒေါ့ꩻပညာႏခရာႏတဲ့ ထွာစွဉ်ႏငေါဝ်းမဉ်ဟွူန်၊ ကွပ်ပွိုးထမုဲင်ꩻနဲတဲင် ဝွေꩻနဝ်ꩻ ပညာႏအဝ်ႏတွော့ꩻ ပေါႏဒေါ့ꩻတဲ့ ရော့ꩻစွဉ်ႏအနား သꩻရေꩻစွဉ်ႏဒျာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဒုက္ကထာသုတ်)