လိုꩻဖြားဟော်ꩻဖေႏပိုလီꩻထာꩻလူႏကျိုꩻ
- ဒါႏနတင်ႏတန်ꩻ သီလွဥ်လူႏ၊ တင်ႏတန်ꩻသဥ်ဖျူႏ သီလွဥ်ကပ်၊ သꩻရေꩻရေႏမတ် စူယွော့ယောင်း၊ ကောဝ်ႏတလင်ႏဟူဖောင်း အွဥ်ႏတံꩻတဲင်၊ မန်ႏတလေꩻရွဥ်သဲင် အရောင်ႏပေါႏ၊ သီကပူႏဇောႏ လူႏတန်ꩻဗာႏ၊ အကျိုꩻယံလꩻ အန္တရာယ်ႏဟူႏ၊ ကွတ်ꩻဆီသူပါꩻ ဝွေႏဒနာႏ၊ ရွဥ်ခံဥစ္စာႏ ရွေအုတ်ကြီး၊ ခံꩻဖွိုင်ꩻတသီး ပေါႏလမ်းငါ၊ ဗောႏရောင်ႏတသာ ပေါႏလမ်းခိုႏ၊ အမျာꩻမိဥ်ႏခိုႏ ခွꩻရျူႏစုံ၊ အမျာꩻတင်ꩻလုံ မိဉ်ႏခိုႏထွိုက်၊ ပွိုင်ႏဗာႏရွဉ်တွိုက် ထွာသဌေꩻ၊ ယောင်ꩻဆင်ꩻတရေꩻ နုဲင်းဗိုဗောင်း၊ ကောင်တန်အလောင်း ပျောႏတင်ႏသျာꩻ၊ သွဉ်းသယ်ႏငတ်ꩻရျာꩻ အဝ်ႏရံႏခူ၊ တဖဲ့ꩻသူရျာꩻ အဝ်ႏရံႏထွိုက်၊ သဲင်တဲင်တခြိုက်ꩻ ဗျာဓိကင်ꩻ၊ သဲင်ꩻတဲင်တခွင်ႏ မရဏလွစ်၊ သီထာꩻလူႏအကျိုꩻ ယိုꩻယိုꩻသာႏသာႏ၊ နိဗ္ဗာန်ႏရွာႏ ခမ်းဝေင်ꩻသဲင်၊ ယံဖေႏနေး သီကထင်ႏအုံတဲင်သော့ꩻဗာႏ၊ ပိုလီꩻသီးယာဟွေး။
- နီဗွေႏဘုရာꩻ သာႏသနာႏ၊ မျောက်ပင်ႏဖေႏအာႏ အလူႏတန်ꩻ၊ သေငါꩻဗဲင်းဝင်ꩻ သွုန်ႏသꩻဗွာ၊ တင်ꩻကျွစ်အလာ သီကလွဥ်လူႏ၊ နေင်ႏမားနေင်ႏကတူႏ ခုအီႏကူꩻ၊ သင်္ကျန်ႏခွန်လူꩻ လင်ꩻလိုႏနယ်ႏ၊ လူꩻခမ်းလင်ꩻလယ်ႏ လိုꩻအခြာ၊ နိုꩻဆောႏတမာ သꩻသဒ္ဓါႏ၊ ဒဲဥ်ဗွာဩဇာႏ ကပ်လူႏလောင်ꩻ၊ ခဲဖွယ်မျိုꩻပေါင်ꩻ တခိုးဗီႏ၊ တောင်းလုဲင်ဆျာထီ ပြူးနေင်းယာ၊ လူႏစာႏဟူဗွာ ထင်ႏကျောင်ꩻကန်ႏ၊ ရပ်ကျိုႏဆွုမ်ႏထင်ႏ သင်္ကျန်ႏလင်ꩻ၊ တင်ꩻကျွစ်လာတွင်ꩻ ပိုလီꩻသီး၊ သက်တန်ရွယ်ႏကီꩻ လွဥ်ရိုႏသေႏ၊ နုညံꩻယေန်ႏကေႏ ထာꩻသေလွံး၊ ငမ်းသꩻမာႏခွေါင်း အပဲစ်မျိုꩻ၊ ကွီလွစ်ကင်ꩻထိုꩻ ယံရီႏဟူႏ၊ ဘေꩻမျိုꩻရန်ႏသူႏ ကျမ္မာႏစ၊ မော့ꩻမွုန်းဒုက္ခ ယံကင်ꩻညာꩻ၊ အကျိုꩻငတ်ပါꩻ အီႏလꩻဗာႏ၊ သီထာꩻလူႏအကျိုꩻ ယိုꩻယိုꩻသာႏသာႏ၊ ယံကလꩻမန်ႏမန်ႏသွော့ဝင်ꩻနော၊ ပိုလီꩻသီးယာဟွေး။