ဝီခီပီးဒီးယား:Administrators

ယိုနဝ်ꩻ ထွာဒျာႏကေားရဲဉ်ꩻဖန်းဖြယ် ဝီခီပီးဒီးယားသားတဖြာꩻ အမုဲင်သင်္ကေတတန်ဒျာႏသွူ။

ကေားရဲဉ်ꩻဖန်းဖြယ်သားဖုံႏ (အဲတ်မိဉ်-နုဲင်းနဝ်ꩻလဲ့ အဝ်ႏဟဲ့ꩻလွ့)ကရိုꩻနဝ်ꩻ- ထွာဒျာႏကေားသုင်ꩻသားဖုံႏတဲင် ဖေႏနေးဝီခီပီးဒီးယား ကဝေ့ꩻပန်ႏလွေꩻလꩻယံယံအီတာႏ ထွာလိုꩻကေားထူႏသုင်ꩻနွောင်ꩻ ကိရိယာႏတဲးဝါးအခြွိုင်းကကွာႏခေါ်သားဖုံႏဒျာႏသွူ။ ကွပ်လိုꩻအစွိုꩻအဗူႏသီး ယွုမ်းအံႏတဲင် သုင်ꩻနွောင်ꩻဗာႏ အခြွိုင်း(ကိရိယာႏ)နုဲင်းနဝ်ꩻဒျာႏ၊ အချက်နဝ်ꩻနဝ်ꩻ ဖေႏကလွိုကယ်ꩻအီထဲင်း ဝင်ꩻအလောင်ႏအလင် (မွေးတဝ်းလဲ့) ဖေႏအရေꩻကပါအီတာႏလဲ့ တမွေးတဝ်းနဝ်ꩻသွူ။ ကွပ်လꩻသေꩻခါꩻ ကေားရဲဉ်ꩻဖန်းဖြယ်သား အခွင်ꩻအရေꩻတဲင် ကေားရဲဉ်ꩻဖန်းဖြယ်သားတဖြာꩻ အထာꩻထီႏယို အရေꩻပါလဲဉ်းက ကေားသုင်ꩻဝီခီပီးဒီးယားအလင်သား (ဥပမာႏ- လိုꩻသုင်ꩻအီတွမ်ႏ အုဲင်ပီလိတ်လွေꩻလွဉ်ꩻ) တဖြာꩻအထာꩻထီႏ ကလွိုက်ရွေꩻရေႏပြောင်ꩻလုဲင်ႏထိုꩻ ဝီခီပီးဒီးယားသားနုဲင်းနဝ်ꩻလဲ့ အဝ်ႏလိုႏယူႏတဝ်းနဝ်ꩻသွူ။

ယိုခါခဲ့ꩻခဲ့ꩻ ကေားရဲဉ်ꩻဖန်းဖြယ်သား အဝ်ႏ ၁ ဖြာꩻသွူ။

ရဲဉ်ꩻဖန်းဖြယ်အီအခြွိုင်းဖုံႏ

မာꩻဖေ့ယားကုဲင်

ကေားရဲဉ်ꩻဖန်းဖြယ်သားဖုံႏ ကခွုမ်မာꩻဖေႏနွောင်ꩻနဝ်ꩻ မာꩻဖေ့ထိုꩻလိတ်မဲ့ငါဖုံႏ၊ ထိန်ꩻသိမ်ꩻဟဝ်ချာယင်း လိတ်မဲ့ငါဖုံႏနုဲင်းနဝ်ꩻသွူ။ ယံဖေႏနေးကမာꩻဖေ့ ကကွီလွဉ်ဒါႏ လိတ်မဲ့ငါဖုံႏ (မွေးတဝ်းလဲ့) မူဝါဒအလꩻ မာꩻဖေ့သွူးစွဉ်ႏတလဲင်ႏချင်ꩻ၊ ကခံႏဗာႏအမာꩻဖေ့ လိတ်မဲ့ငါဖုံႏယို ကကွီလွဉ်ယံဖေႏနေးကထိန်ꩻသိမ်ꩻဟဝ်ချာတာႏနဝ်ꩻ မာꩻဗာႏလုဲင်ႏ အွိုးနပ်စမ်ꩻချာယင်း အမာꩻဖေ့အကိုနဝ်ꩻသွူ။

မာꩻဖေ့ယားကုဲင်ထိုꩻကမွဉ်းဖျင်

ကမွဉ်းဖျင်ဒါႏ လိတ်မဲ့ငါတဗာႏယို မာꩻဖေ့ထိုꩻနေးတဲင် ဖေႏလိုꩻအာသီးကထီႏလꩻမွုန်းနဝ်ꩻ ကေားရဲဉ်ꩻဖန်းဖြယ်သား အွဉ်ႏပလို့ꩻဗဉ်ႏခါꩻလꩻဒျာႏသွူ။ ထီႏလꩻနွောင်ꩻကွို့ꩻ ကေားရဲဉ်ꩻဖန်းဖြယ်အလင်သား ကမာꩻထိုꩻမားဒါႏ အမွဉ်းဖျင်ဖုံႏလွုမ်ꩻသွူ။ အမွဉ်းဖျင်ဖုံႏယို အဝ်ႏလိုႏအွဉ်ႏပလို့ꩻဒျာႏ ကအွဉ်ႏနယ်ခါꩻဒါႏ အခေႏနေႏထူꩻ ယိုကိုခြာငါနဝ်ꩻသွူ။

ရဲးကမ်းသေꩻခါꩻ

ယီးနယ်မီဒီယာဝီခီမဉ်ꩻ ကေားသုင်ꩻသား ပုဂ္ဂိုလ်ႏလောင်ႏလင်သီး ပုဂ္ဂိုလ်ႏရေꩻရာႏ Javascript မွေးတဝ်းလဲ့ CSS (.Js or.css) လိတ်ဆင်းဖုံႏ အပါအဝင်ႏ လိတ်မဲ့ငါဖုံႏယို ကေားရဲဉ်ꩻဖန်းဖြယ်သားဖုံႏ ရဲးကမ်းနွောင်ꩻဒျာႏ၊ အရဲးအကမ်းယို အွဉ်ႏဖုဲင်းထိုꩻ၊ ပြောင်ꩻလုဲင်ႏထိုꩻ အရဲးအကမ်း-နုဲင်းနဝ်ꩻလဲ့ မာꩻဖေႏနွောင်ꩻနုဲင်းနဝ်ꩻသွူ။

• မဉ်ႏမဉ်ကွီထေ့ ယံကရဲးကမ်းတာႏ ခွုမ်မာꩻအွိုး Wikipedia:ကေားရဲဉ်ꩻဖန်းဖြယ်သား တင်ပွန်ꩻလောင်းနဝ်ꩻ လꩻဒျာႏ၊ ကဲဉ်းအာနဝ်ꩻတဲး စူသျုက်ထာꩻ မွေးတဝ်းလဲ့ မွဉ်းဖျင်ရေꩻတာႏ မဉ်ႏထွာလွဉ်တွိုက်ꩻပွယ်ꩻ ပွိုင်းခတ်ꩻလို့ဝင်ꩻခိန်ႏမꩻ ကွဲးရဲးကမ်းနုဲင်းနဝ်ꩻဒျာႏ၊ ခါးလားစူကသျုက်ထာꩻကာႏ ရဲးကမ်းသေꩻခါꩻရီး နုဲင်းနဝ်ꩻမွေးတဝ်းသွူ။

ပေ့ꩻပစ်ꩻထိုꩻ

ပေ့ꩻဗိဉ်ႏထိုꩻ လိုꩻသုင်ꩻသား ကမာꩻထွာအီဒါႏ ပျဿနာႏစား တောမ်ႏ ဖုဲင်းထိုꩻယင်း အပေ့ꩻဗိဉ်ႏဖုံႏယို ကေားရဲဉ်ꩻဖန်းဖြယ်သားဖုံႏ ခွုမ်မာꩻခွင်ꩻအဝ်ႏနဝ်ꩻသွူ။

သဲင်ꩻမွဉ်းဖျင်ချာယင်း

သဲင်ꩻမွဉ်းဖျင်ချာယင်း အပြောင်ꩻအလုဲင်ႏဖုံႏနဝ်ꩻ ကေားရဲဉ်ꩻဖန်းဖြယ်သားယို မာꩻဖေႏနွောင်ꩻဒျာႏ၊ ကေားသုင်ꩻသားတဖြာꩻ အလိတ်မဲ့ငါတဗာႏကို ခွုင်းတဲင်ကမွဉ်းဖျင်ဖုံႏယို (မဉ်ႏထွာမွဉ်းဖျင်မုꩻ အဆုဲင်ꩻသွတ်ꩻန၀်ꩻ) ယံဖေႏကသဲင်ꩻမွဉ်းဖျင်ချာ မွိုင်မွိုင်အတာႏ ဖေႏခါꩻဒျာႏအခွင်ꩻသွူ။ အပြောင်ꩻလုဲင်ႏနဝ်ꩻနဝ်ꩻ ထွာဒျာႏကွို့ꩻ အရေꩻတတန်တဝ်း အပြောင်ꩻအလုဲင်ႏအနေႏ တောင်ꩻခါꩻနုဲင်းနဝ်ꩻထွူတဲင် အွဉ်ႏနယ်ဖေႏဗော့ꩻ မွဉ်းဖျင်မုꩻ အအဲဉ်ႏစား နုဲင်းဆꩻလယိုသွူ။

ကမွဉ်းဖျင်ဒါႏ အရေꩻတတန်တဝ်း

User A (ကအိုင်ကိုမ်)ယို သဲင်ꩻမွဉ်းဖျင်ချာဖေႏ User B သား ကမွဉ်းဖျင်အဆုဲင်ꩻသွတ်ꩻကိုသူꩻနဝ်ꩻသွူ။

ထဲမ်သော့ꩻဖေႏ လိတ်မဲ့ငါဖုံႏ

အဝ်ႏအွိုးဝီခီပီးဒီးယား အလောင်ႏလင်ကို ထဲမ်သော့ꩻဖေႏ လိတ်မဲ့ငါဖုံႏ လꩻဒျာႏနဝ်ꩻသွူ။

ထွားလိတ်မဲ့ငါ တအုံပွေါးထွားဗာႏနေးတဝ်းစားဖုံႏ

လိတ်မဲ့ငါဖုံႏ တပါသော့ꩻတဝ်း ကေားပွေါးထွားဆွုမ်ႏသား တဖြာꩻဖြာꩻအစာႏရင်ꩻကိုလဲ့ ကေားရဲဉ်ꩻဖန်းဖြယ်သားဖုံႏနဝ်ꩻ ထီႏလꩻနွောင်ꩻဒျာႏနဝ်ꩻသွူ။

ရဲဉ်ꩻဖန်းဖြယ်ဖေႏ ကေားသုင်ꩻသား အခွင်ꩻအရေꩻဖုံႏ

ကေားရဲဉ်ꩻဖန်းဖြယ်သားဖုံႏနဝ်ꩻ ဖေႏအပ်နွောင်ꩻ ကေားသုင်ꩻသားအလောင်ႏလင် သုင်ꩻခွင်ꩻယင်ဟန်ႏနဝ်ꩻသွူ။

လိဉ့်အထန်ႏဖုံႏ

• ဝီခီပီးဒီးယား ကားကအဝ်ႏကို ကေားရဲဉ်ꩻဖန်းဖြယ်သားဖုံႏ