သမာႏဓိအဝ်ႏမꩻလꩻနွောင်ꩻ
"သမာဓိသုတ် (ရဟန်ꩻနဝ်ꩻ သမာႏဓိအဝ်ႏမꩻ လꩻနွောင်ꩻ၊ သေနွောင်ꩻ၊ ထွာနွောင်ꩻ)" ရဟန်ꩻသီးဖုံႏဟွေး- ၁။ ကိလေႏသာႏ တဖေ့ငိမ်ꩻတဝ်း၊ သꩻတစွူတဝ်းရဟန်ꩻနဝ်ꩻ နေးတွမ်ႏသမာႏဓိတဲင် အဝ်ႏတဖြာꩻ ဖန်ဆင်ꩻမာꩻထွာလိုꩻအာ၊ အဝ်ႏလိုꩻအာ ဖန်ဆင်ꩻမာꩻထွာတဖြာꩻ ဒါႏတဝ်း၊ သꩻကမဉ်တွိုႏအတွိုင်ꩻ နမ်းတတွိုႏနွောင်ꩻတဝ်း ဗျဟ္မာႏခမ်း။ ကိလေႏသာႏဖေ့ငိမ်ꩻ၊ သꩻစွူမွေးရဟန်ꩻနဝ်ꩻ နေးတွမ်ႏသမာႏဓိတွော့ꩻ အဝ်ႏတဖြာꩻ ဖန်ဆင်ꩻမာꩻထွာလိုꩻအာ၊ အဝ်ႏလိုꩻအာ ဖတ်ဆင်ꩻမာꩻထွာတဖြာꩻဒါႏဒျာႏ၊ သꩻကမဉ်တွိုႏအတွိုင်ꩻ နမ်းတွိုႏနွောင်ꩻဒျာႏ ဗျဟ္မာႏခမ်းနောဝ်ꩻသွူ။ ရဟန်ꩻသီးဖုံႏဟွေး- ၂။ ကိလေႏသာႏ တဖေ့ငိမ်ꩻတောဝ်း၊ သꩻတစွူတဝ်းရဟန်ꩻနဝ်ꩻ နေးတွမ်ႏ'ဒိဗ္ဗသောတ-နုဲင်းလူꩻသီးနား'တဲင် လူꩻသီးငေါဝ်း အညာꩻတဲ့နဝ်ꩻ၊ လူꩻသီးငေါဝ်း အဗော့ꩻတဲ့နဝ်ꩻ၊ လိုꩻသီးငေါဝ်းအညာꩻတဲ့နဝ်ꩻ တဟွုန်နွောင်ꩻတဝ်း။ ကိလေႏသာႏဖေ့ငိမ်ꩻ၊ သꩻစွူမွေးရဟန်ꩻနဝ်ꩻ နေးတွမ်ႏ'ဒိဗ္ဗသောတ-နုဲင်းလူꩻသီးနား'တွော့ꩻ လူꩻသီးငေါဝ်း အညာꩻတဲ့နဝ်ꩻ၊ လူꩻသီးငေါဝ်း အဗော့ꩻတဲ့နဝ်ꩻ၊ လိုꩻသီးငေါဝ်း အညာꩻတဲ့နဝ်ꩻ ဟွူန်နွောင်ꩻဒျာႏနဝ်ꩻသွူ။ ၃။ ကိလေႏသာႏ တဖေ့ငိမ်ꩻတဝ်း၊ သꩻတစွူတဝ်းရဟန်ꩻနဝ်ꩻ နေးတွမ်ႏဝွေꩻသꩻတဲင် တသေနွောင်ꩻတောဝ်း ဝင်ꩻလင်သꩻ၊ ကိလေႏသာႏဖေ့ငိမ်ꩻ၊ သꩻစွူမွေးရဟန်ꩻနဝ်ꩻ နေးတွမ်ႏဝွေꩻသꩻတွော့ꩻ သေနွောင်ꩻဝင်ꩻလင်သꩻနောဝ်ꩻသွူ။ ရဟန်ꩻသီးဖုံႏဟွေး- ၄။ ကိလေႏသာႏ တဖေ့ငိမ်ꩻတဝ်း၊ သꩻတစွူတဝ်းရဟန်ꩻနဝ်ꩻ စိုးရီးပန်အွဉ် ထွာလွဉ်နုဲင်းမုဲင်ꩻ၊ ဇာတ်ကရီးယို ထွာဖိုထမုဲင်ꩻ-စတဲင်နုဲင်းနဝ်ꩻနဝ်ꩻ တသေချာနွောင်ꩻတောဝ်း။ ကိလေႏသာႏဖေ့ငိမ်ꩻ၊ သꩻစွူမွေးရဟန်ꩻနဝ်ꩻ စိုးရီးပန်အွဉ် ထွာလွဉ်နုဲင်းမုဲင်ꩻ၊ ဇာတ်ကရီးပန် ထွာဖိုထမုဲင်ꩻ-စတဲင်နုဲင်းနဝ်ꩻနဝ်ꩻ သေချာနွောင်ꩻနောဝ်ꩻသွူ။ ရဟန်ꩻသီးဖုံႏဟွေး- ၅။ ကိလေႏသာႏ တဖေ့ငိမ်ꩻတဝ်း၊ သꩻတစွူတဝ်းရဟန်ꩻနဝ်ꩻ နေးတွမ်ႏ'ဒိဗ္ဗစက္ခု-နုဲင်းလူꩻသီးမဲ့'တဲင် ကံႏတရာꩻပငါပရာꩻအတွိုင်ꩻ လွေꩻဘွုံႏဘဝမုဲင်ꩻ၊ လွေꩻထွာနုဲင်းမုဲင်ꩻ-စတဲင်နုဲင်းနဝ်ꩻ သေနွောင်ꩻတဝ်း။ ကိလေႏသာႏဖေ့ငိမ်ꩻ၊ သꩻစွူမွေးရဟန်ꩻနဝ်ꩻ နေးတွမ်ႏ'ဒိဗ္ဗစက္ခု-နုဲင်းလူꩻသီးမဲ့'တွော့ꩻ ကံႏတရာꩻပငါပရာꩻအတွိုင်ꩻ လွေꩻဘွုံႏဘဝမုဲင်ꩻ၊ လွေꩻထွာနုဲင်းမုဲင်ꩻ-စတဲင်နုဲင်းနဝ်ꩻ သေနွောင်ꩻနောဝ်ꩻသွူ။ ရဟန်ꩻသီးဖုံႏဟွေး- ၆။ ကိလေႏသာႏ တဖေ့ငိမ်ꩻတဝ်း၊ သꩻတစွူတဝ်းရဟန်ꩻနဝ်ꩻ တလꩻနွောင်ꩻတဝ်း အရဟတ္တဖိုလ်ႏ၊ တထွာနွောင်ꩻတဝ်း ရဟန္တာႏပုဂ္ဂိုလ်ႏ။ ကိလေသာႏဖေ့ꩻငိမ်ꩻလို့၊ သꩻစွူမွေးရဟန်ꩻနောဝ်ꩻ လꩻနွောင်ꩻအရဟတ္တဖိုလ်ႏ၊ ထွာရဟန္တာႏပုဂ္ဂိုလ်ႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ သမာဓိသုတ်)[၁][၂]