သိမ်ႏအောင်ႏလိတ်ဩဘာ
အောင်ႏဇေယျတု သဗ္ဗမင်္ဂလံ၊ အောင်ႏလိုꩻစားယံ မင်္ဂလာႏ၊ အောင်ႏသိမ်ႏခရာႏ ယံကသေ၊ လိတ်ဩဘာထေ ငေါဝ်းသꩻရေꩻ၊ ကသမုတ်လွေꩻ သိမ်ႏကိစ္စ၊ ဘုရာꩻဗုဒ္ဓ တပဲ့ꩻတောႏ၊ ချမ်ꩻသာႏသꩻပျောႏ မာꩻထာꩻမာꩻ၊ နီဗွေႏဘုရာꩻ အခွင်ꩻဖေႏ၊ "အနုဇာနာမိ ဘိက္ခဝေ သီမံ သမ္မန္နိတုံ"၊ ခွင်ꩻသာႏငေါဝ်းယုံ သိမ်ႏသမုတ်၊ ပျုသော့ꩻဥပုသ် ကထိန်ႏခင်ꩻ၊ အွဉ်ႏဗုဲင်သော့ꩻစင်ꩻ ပဝါႏရဏာႏ၊ ခွꩻသꩻချမ်ꩻသာႏ နဝ်ꩻအတွက်၊ ခွုမ်မာꩻဆောင်ႏရွက် သိမ်ႏတာႏယို၊ ဘုရာꩻဗွန်ထို စိုးစကာႏ၊ ဗꩻလွဉ်စွဉ်ႏဒျာႏ ယိုခါလဲင်ႏ၊ ဝေင်ꩻနယ်ႏခရဲင်ႏ တောင်ႏကီꩻရင်ꩻ၊ ကက္ကူႏဖန်လင်ꩻ ကျောင်ꩻမွေႏတောႏ၊ ကျောင်ꩻဝဲင်ꩻကိုနောႏ သိမ်ႏနဝ်ꩻဒျာႏ၊ အွဉ်ႏထွိုက်သင်ꩻဗာႏ ယူႏလꩻသွူ၊ "ဓမ္မဝိနယရံသီ" သိမ်ႏခဏ္ဍ၊ သိမ်ႏတောႏဗဒ္ဓ ယံကထွာ၊ ခံႏအထျꩻခါ သိမ်ႏတကာႏ၊ "မန္တလေꩻဒျာႏ စက်မှုဇုံ၊ သိမ်ႏတကာႏလုံ ဦးဘိုသင်း၊ ဒေါ်တွတ်တွတ်မဉ်ꩻယိန်း ဒေါ်လှသီ၊ ဝါꩻခိုလမ်းကီ ဦးတင်ဆင့်၊ ဦိးအောင်အောင်မည်ရင်း နီလာစိုး၊ ပိုမူမဉ်ꩻနွိုး ဟန်နွေဦး၊ ပိုခိုဟဲ့ꩻသွူး ဆင့်လေးတင်၊ မိဘသခင် အွဉ်ႏအထျꩻ၊ မွေႏတောႏဥက္ကဋ္ဌ ကက္ကူႏကို၊ ဖြားမြင့်အောင်ယို ဦးကျော်ဆန်း၊ စိုင်းအောင်ဝင်းယင်း ဦးကျောဖေ၊ သိန်းဖါမျင်ႏလဲ့ထွေ ဗွေဖါအိတ်၊ ဆရာႏပွယ်ꩻဦးဖစ် သီးလဲ့ပါ၊ တွမ်ႏစေႏတနာႏဗွာဗွာ လူႏတန်ꩻလွ၊ သိမ်ႏယိုကိစ္စ အွဉ်ငါဒါႏ၊ တောင်ႏကီꩻကိုဒျာႏ ကအောဝ်ႏအုံ၊ ဥတ္တရာရုံ ပညာႏသျိ၊ ပညာသီရိ မဟာႏထေရ်ႏ၊ သီႏသဲင်ႏဝေင်ꩻနယ်ႏ ဇဝနာ၊ ဗွေႏဗွန်ကထွာ ကောဝိဒ၊ ထေရဝါဒ ဗွေႏမထေရ်ႏ၊ သံႏဃာႏယင်းကဲႏ "၈၀"လွို၊ ရွစ်ဖတ်သွိုသွို ကမ္မဝါႏ၊ နုတ်သိမ်ႏတွက်တာႏ နယ်ꩻပေါင်ꩻအာ၊ "၁၁"လဲင်ႏထွူခါ အွဉ်ႏထွူသဝ်ꩻ၊ အခိန်ႏခါႏနဝ်ꩻ "၉"နားရီႏ၊ ထွူယဝ်းဖြီႏစီႏ ကျွꩻထန်ႏခါ၊ တကာႏပေါင်ꩻအာ ခိုခိုမူႏ၊ ကပ်ဆွုမ်ႏထာꩻလူႏ အစားစား၊ ဒုံႏမောင်ႏထုံသား ကင်းထီꩻခံꩻ၊ ပင်ꩻထင်ႏရဟန်ꩻ အွိုးကျောင်ꩻကီ၊ တကာႏဖုံႏအီ ကပ်သွမ်ꩻဖျူႏ၊ မွူးခွယ်ꩻထာꩻကျူႏ နာႏတရာꩻ၊ ခွိုင်းကားကမာꩻ သိမ်ႏအတွက်၊ နစ်နစ်သက်သက် နာႏအကျိုꩻ၊ ထာꩻလူႏအာမျိုꩻ ကပ်ထွူအီ၊ ယပ်ꩻနမ်းဆျာꩻထီ ဖန်းကုသိုလ်ႏ၊ ဝိနယ်ꩻအလိုႏ နီမျိုꩻကို၊ "သိမ်ႏနယ်ႏ"သွူယို သမုတ်မာꩻ၊ နိမိတ်အွဉ်ႏခါꩻ အုံပွေါးသား၊ ပုဂ္ဂိုလ်ႏတဲးဝါး စဲစ်ရီလွ၊ "ပုရတ္ထိမာယ ဒိသာယ"၊ ဖြေႏသားတဲ့ကျ လောဝ်းချာသေ၊ "ပါသာဏော ဘန္တေ-လုံးဒျာႏဗွေႏ"၊ သိမ်ႏအသက်သေႏ စဲဉ်ႏဆို့ꩻခါꩻ၊ ထွူယဝ်းနဝ်ꩻရာꩻ ဗွေႏသံႏဃာႏ၊ ဖတ်ကမ္မဝါႏ သမုတ်လွေꩻ၊ ထွူယဝ်းတရေꩻ အနယ်ꩻမွေး၊ သိမ်ႏအောင်ႏသွူဟွေး သꩻရေꩻထွာ၊ ကုသိုလ်ႏလꩻအာ သိမ်ႏသမုတ်၊ အခြွီလောကုတ် မဂ်ဖိုလ်ႏဉာဏ်ႏ၊ ချမ်ꩻသာႏနိဗ္ဗာန်ႏ ယံကလꩻ၊ ဓိဋ္ဌာန်ႏချꩻသꩻ ဆုတောင်ꩻကွီ၊ မဂ်ဖိုလ်ႏအခြွီ နီလꩻခါꩻ၊ စွုမ်ႏဖြီးစွုမ်ႏဖြာꩻ ဖြားဆားစု၊ ဟဲ့ꩻသွူသာႏဓု ဒုံႏထုံမောင်း၊ ဖြေ့ꩻကဝ်ႏဟူဖေါင်း ပျောႏပျောႏသွင်ႏ၊ ထွူယဝ်းအောင်ႏ ယိုယိုခါ၊ သိမ်ႏတကာႏအာ လိုꩻအပေါင်ꩻ၊ သူႏတောႏကောင်ꩻသီးယာ၊ တဖုံႏတဖင်ႏ၊ တင်ႏကနန်ႏတဉ်ဟွေး။ သာႏဓု - သာႏဓု - သာႏဓု သာႏသနာႏနေင်ႏ ၂၅၆၂-ဗာႏ၊ ဝဿန္တဥတု၊ နေင်ႏ ၁၃၈၀-ဗွေ၊ ဝါႏခေါင်ႏလာဆန်ꩻ(၄)နီꩻ၊ မွူးနီꩻ-ဗုဒ္ဓဟူꩻ (၁၅-၈-၂၀၁၈) မွူးဟာ(၈)နားရီႏ (၀၀)မိနစ် သမုတ်သိမ်ႏသံႏဃာႏ (၇၈)ပါꩻ၊ နုတ်သိမ်ႏသံႏဃာႏ (၇၉)ပါꩻ။ တဲမ်းပူႏဇောႏ [၁][၂]