သီလဝီမံသကဇာတ်

"သီလဝီမံသကဇာတ်" ထွားသွဉ်ဟော်ꩻကျပ် 'သီလဝီမံသကဇာတ်'ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ

၁။ ကွပ်ဒါႏပညာႏတဲင် ပင်ႏထိုအွဉ်ႏရေꩻ ပူႏဇောႏလွေꩻတဲ့အဝ်ႏ-

၂။ ပွိုးသီႏလအဝ်ႏတဲင် ပင်ႏပင်ႏဖေႏရေႏ ပူႏဇောႏလွေꩻတဲ့အဝ်ႏ-

၃။ ဒါႏပညာႏလွုမ်ꩻ သီႏလမဉ်ႏအဲဉ်ထောဝ်း၊ အကျင်ꩻစာရိတ္တ မဉ်ႏတဟဝ်တဝ်းနဝ်ꩻ ဝင်ꩻသဲ့ꩻသွမ်ꩻ၊ ဝင်ꩻကေႏညိုႏတောဝ်း-

၄။ ဒါႏတဝ်းပညာႏတဲ့ယဝ်း သီႏလမဉ်ႏအဝ်ႏ၊ အကျင်ꩻစာရိတ္တ မဉ်ႏဟဝ်နဝ်ꩻ ဝင်ꩻသဲ့ꩻသွမ်ꩻတဝ်း၊ ဝင်ꩻကေႏညိုႏဒျာႏ-

၅။ "သီလံ ကိရေဝ ကလျာဏံ- သီႏလယိုမꩻ အယံသွတ်ꩻ"၊ " သီလံ လောကေ အနုတ္တရံ-လောကကိုယို လွိုသီႏလအဲဉ်ထောဝ်း"-

၆။ ရူးအစွူႏကျမ်ꩻခန်းတဲ့ယဝ်း ပေါႏအဲင်ႏဒါႏတဝ်းလိုꩻ၊ ပေါႏမာꩻယူႏပက် (နိစ္စက်) ဒါႏတဝ်းလိုꩻနဝ်ꩻ ဝင်ꩻဟဲ့ꩻ'ရူးဟဝ်'၊ ဝင်ꩻဟဲ့ꩻစွဉ်ႏ'ရူးသီႏလသား'တဲင်နုဲင်းနောဝ်ꩻဖုံႏသွူ။