သူႏတောႏကောင်ꩻသီး ထာꩻလူႏ ၅ မျိုꩻ

နီလိုꩻသီးယို ပေါႏသဲင်ႏထွာလဲဉ်းသွူ လိုꩻ ပေါႏသဲင်ꩻစိုꩻလဲဉ်ႏသွူ မနုသာႏနဝ်ꩻ ထာꩻမဉ်လꩻအောဝ်ႏသွံမျိုꩻလွဉ်းလွဉ်းသွူ၊ သွံမျိုꩻနဝ်ꩻ တမုဲင်ꩻဒါႏ သွံဗာႏနဝ်ꩻတမုဲင်ဟောင်းနယ်ႏတဲင် ၊ အမုဲင်တာနဝ်ꩻ ပျော်ႏသွင်ႏ၊ အမုဲင်နီနဝ်ꩻ ခြွိုင်ႏသန်ꩻ ၊ အမုဲင်ꩻသွံနဝ်ꩻ လွိုင်းကွိုန်ꩻ ၊ ငေါဝ်ႏလက်ာႏ ၊ ပျော်ႏသွင်ႏ ခြွိုင်ႏသန်ꩻ လွိုန်ႏကွိုန်ꩻလင်ꩻ တွိုးသင်ဖျော်ဖဝဟောဝ်၊ နဝ်ꩻမတဲင် နီလိုꩻသီနဝ်ꩻ မဉ်ခြွေခြားစွုမ်ႏဖြာꩻ မဲဉ်ပျော်စွုမ်ႏဖြာꩻ မဲဉ်ခြွိုင်ႏသန်ꩻစွုမ်ႏဖြာꩻသွူ၊ ကွယ်ႏတွော့ꩻ ဖေႏနေးကခြွေ ဖေႏနေႏကပျော်ႏ ဖေႏနေႏကခြွိုင်ႏသန်ꩻ အနယ်သေတေဝ်းကဲဉ်ႏအာအာသွူ၊ နဝ်ꩻမတဲင် ဖေႏကချမ်ꩻသာႏ နဝ်ꩻလဲ အနယ်ꩻအောဝ်ႏဒျာႏ ဖေႏကအုံဟောဝ်လဲ့ꩻ အနယ်ႏအေဝ်ႏ ဖေႏကပျော်ႏကရိုꩻနဝ်ꩻအနယ်ꩻအေဝ်ႏသွူ၊ နဝ်တွော့ꩻဗွေႏဖရာꩻ ဟော်ခြုဲင်းနယ်ဖေႏ ပတ်သက်တွမ်ႏ အလူႏ နယ်ꩻယိုနဝ်ꩻအောဝ်ႏသွူ၊ ထွုမ်ႏစီꩻပွာꩻလဲ့ꩻ အနယ်ꩻအေဝ်ႏက ထာႏလူႏထာꩻတန်ꩻယိုလဲ့ꩻ ပေါးမဲဉ်ႏနေးတွမ်ႏ အနယ်ꩻဟေဝ် အနယ်ꩻဒါႏနဝ်ꩻ အကျိုႏယို အာငါႏသွူ။

သဒ္ဒါယ ဒါနံဒေတိ = ပေါႏမဲဉ်ႏအီႏလူႏလဲဉ်သွူထာꩻနဝ်ꩻ အထျꩻယိုအေဝ်ႏဗာႏ ထာꩻယွုမ်ႏအံႏတဲ့ꩻ ယွုမ်ႏအံမှုယို ခွေါင်ခံႏဗာႏ၊ ယွုမ်ႏအံႏကရှိꩻယိုနဝ်ꩻ ယွုမ်ႏအံႏဗာႏ ရတ္တနာႏသွံပါꩻ ယွုမ်ႏဗာႏကံႏ ကံႏအကျိုꩻ ရိုꩻဗာႏနဲင်ႏနဝ်ꩻသွူ။

သက္ကစ္စံ ဒါနံဒေတိ = ရိုႏရိုႏသေႏသေႏ လူႏတန်ꩻဗာႏသွူ၊ ရိုႏသေႏနီမျိုꩻ / ရိုႏသေႏဗာႏ အလူႏစာႏ တွမ်ႏ အလူႏခံႏပုဂ္ဂိုလ်ႏသီးသွူ၊

ကာလေန ဒါနံဒေတိ= ဝင်ꩻကအေဝ်ႏလိုႏခိန်ႏခါႏယို နီမဲဉ်ႏလူႏဗာႏနဝ်ꩻလဲ့ꩻ ထွာဒျာႏသူႏတောႏကောင်ꩻသီး ထာꩻလူႏနေနေသွူ၊ ဝါႏဆိုႏ သျာင်ႏကန်ꩻ ကထိန်ႏသက်န်ꩻ ထဉ်ႏအလောင်းယို မဉ်ႏလွေꩻဒါႏတဖူꩻလဲ့ ဝင်ꩻကအေဝ်ႏလူႏခံႏဒျာႏထာꩻ တဖူꩻလောင်းဖုံးယိုနဝ်ꩻ နီမဲဉ်ႏလူႏဗာႏလဲ့ꩻ ထွာဒျာႏ အခိန်ႏခါႏရော့ꩻရော့ꩻ တဲင်လူႏဒျာႏ နဲင်ႏနဝ်ꩻသွူ။ အနုကဟိတ စိတ္တော ဒါနံဒေတိ၊ နီမဲဉ်ႏအီႏလူႏသွူ ရိုꩻပေႏနဝ်ꩻလဲ့ꩻ အွဉ်ႏသꩻရေႏမတ်လွေꩻဒျာႏသွောꩻ သံဃာဂုဏ်တောႏ ဖရာꩻးဂုဏ်ႏတောႏ တရာꩻဂုဏ်ႏတောႏတဲင် နီမဉ်ႏလူႏတန်ဒျာႏ စေႏတနာႏသွံပါꩻ အွဉ်ႏအထျတဲင် နီမဲဉ်ႏလူႏတန်လဲ့ꩻ ထွာဒျာႏသူႏတောႏကောင်းသီႏ ထာꩻလူႏ အနယ်ႏယံနဲင်ႏနဝ်ꩻသွူ။

အတ္တာနဉ္စ ပရဉ္စ အနုဂဟိတစိတ္တော = နေႏတေဝ်ႏငေါဝ်ႏကျံꩻ ခွန်းထွမ်တောဝ်းဝင်ꩻတဲင် ဝင်ꩻနဝ်ꩻသဲ့သွမ်ꩻ အုံရောင်ဖိုတေဝ်ႏကန်ႏ ဝေႏဖန်ႏနေႏပါတွော့ꩻ ပေါႏမာကုသိုလ် အနယ်ꩻနုဲင်ႏယိုနဝ်ꩻထွာအီတေဝ်ႏ အနယ်ꩻဟေဝ်တဲင် သူတောႏကောင်ꩻသီး ထာꩻလူႏစင်ႏစဲစ်မွေႏတေဝ်းတဲင် အကျိုꩻလꩻဆေ့ꩻငါႏ နဲင်ႏနဝ်ꩻသွူ။