သေင်ႏလာႏ
သေင်ႏလာႏယို ထွာ ဝင်ꩻထူအီ ယာ၊ မာꩻအီယာထူသွူ။ မန်းနေးနောဝ်ꩻ ဟဲ့ꩻသနပ်ဖက်ရွက်၊ အဉ်းဂလစ်နေးနောဝ်ꩻ ဟဲ့ Cheroot leaf သွူ၊ အဆို့အာ ဖြောဝ်ꩻခမ်းအခေါဝ်နောဝ်၊ ပအိုဝ်ႏရပ်ရာႏဒုံဆောင်ႏဖုံႏကို။ မန်းခမ်းကိုသား ကစျွောန်း ကပူꩻအာဒါႏ ဆေးလိပ် ယာထူဖုံႏယို ထူအီဗာႏတွမ်ႏ သေင်ႏလာႏငိုး။
အရိုꩻ သေင်ႏလာႏဖုံႏယို ဆို့ꩻမာꩻတယ်ႏစ အဉ်းဂလစ် ကရဲပ်အွောန်လꩻ မန်းခမ်း အွိုးအနေင်ႏတရျာꩻလွိုခါကိုတဲ့ဒေါ့ꩻ။ ဆို့ꩻအာ ဖြောဝ်ꩻခမ်းအခေါဝ်နောဝ် ရောက်ꩻစောက်ꩻ၊ ညောင်ရွီႏ၊ ကျောက်တလုံꩻတုင်း၊ သီႏသဲင်ႏ၊ ဟိုပုံꩻ၊ နမ့်စန်၊ လွယ်လဉ်၊ ပင်ႏလုံနယ်ႏဖုံႏဖဲ့ꩻ။ သေင်ႏလာႏယို ထွာ တဆီနီရာႏသီႏလို့လို့ အောင်ႏထွားလွောန်ꩻ အောဝ်ႏမာꩻထွေဗာႏစားတဲင် သေင်ႏလာႏတခြမ်နောဝ်ꩻ ကေားမာꩻသား အဆေ့ꩻသွတ်ꩻ အောဝ်ႏခါꩻ ၃ ဖြာꩻရပ်မꩻ ထဲ့မဲန်ႏ။ အယုင်ꩻနမ်ႏတအီႏဖုံႏနောဝ်ꩻ ယုင်ꩻအာဝင်ꩻ လာနိုဝဲမ်ဘာတွမ်ႏ ဇနဝါရီလာကို၊ အခိန်ႏနောဝ်ꩻခါ တနꩻဟမ်ႏပနဲန်ႏတွော့ꩻ ယုင်ꩻတဲ့ယိုꩻမာꩻ။ ကအီးငိုးအီ သေင်ႏလာႏတာႏ သိုႏဖုံႏနောဝ်ꩻ ဖဲ့ ရွာꩻထူႏဟောဝ်ခါꩻဝင်ꩻ လာဒီသဲမ်ဘာကိုရပ်။