သေလပုဏ္ဏာꩻတပဲ့ꩻသွံရျာꩻ
"သေလသုတ် (သေလပုဏ္ဏာꩻတွမ်ႏ အတပဲ့ꩻသွံရျာꩻ ထွာရဟန်ꩻဗွေႏဘုရာꩻထျꩻ)" အွိုးခꩻတလဲင်ႏ- နီဗွေႏဘုရာꩻနဝ်ꩻ တွမ်ႏတပဲ့ꩻသံဃာႏ အပါꩻတရေင်နီရျာꩻငတ်ꩻဆီ၊ ကျွꩻလွေꩻ'အင်္ဂုတ္တရာပ'ဒုံတန်တဲင် 'ကေဏိယ'ရသေ့ꩻ လွေꩻဝုဲင်ႏဗွေႏဘုရာꩻ၊ ဗွေႏဘုရာꩻဟော်ꩻဖေႏ တရာꩻထွူ၊ မွူးရောဝ်ꩻအတာႏ ဗွေႏဘုရာꩻတွမ်ႏသံဃာႏ ဝွေꩻပင်ꩻ၊ အီႏကပ်သွမ်ꩻဝွေꩻကျောင်ꩻ။ အဝ်ႏဗွေႏဘုရာꩻထျꩻသဲင်ꩻ၊ သဲင်ꩻဒေါ့ꩻနယ် အတပဲ့ꩻ အတကာႏဖုံႏတဲင် နဲ့စ်မာꩻခန်းဒျာႏ သွမ်ꩻမွူးရဝ်ꩻတာႏ၊ ယဟန်ႏသား ခူႏထာꩻအောင် အီႏခြောင်ဒဲဉ်၊ ယင်ဟန်ႏသား ဆေႏသိုႏ၊ ယင်ဟန်ႏသားနဝ်ꩻ ပသေဝန်ႏ၊ ယဟန်ႏသားနဝ်ꩻ တွောင်ထီ၊ ယင်ဟန်ႏသားနဝ်ꩻ ဒါခင်ႏလမ်း-စတဲင် အဝ်ႏမာꩻနုဲင်းနဝ်ꩻတွင်ꩻ- သေလပုဏ္ဏာꩻတွမ်ႏ အတပဲ့ꩻ လိုꩻသွံရျာꩻဖျော်လွဉ်၊ သေလပုဏ္ဏာꩻရီ 'နီဗွေႏ မစီႏရင်ႏအာငါႏ ဒဲဉ်ဟန်ႏနဝ်ꩻ အီႏမာꩻထမုဲင်ꩻဗွေႏ" "ခွေပင်ꩻခါꩻ ဗွေႏဘုရာꩻတွမ်ႏ ဗွေႏသံဃာႏ၊ မွူးရောဝ်ꩻ ခွေအီႏကပ်သွမ်ꩻ" သေလပုဏ္ဏာꩻနဝ်ꩻ လိုꩻအခြွီဆꩻ အီႏလꩻမဂ်ဖိုလ်ႏတဲင် သဲ့စ်ကဟွူန်ငေါဝ်း "ဘုရာꩻ'နဝ်ꩻ ယပ်ꩻခုဲင်ႏတန်၊ နပ်တောဟွူန်ဗာႏကြွို့ꩻတဝ်း၊ အီႏဝုဲင်ႏဗာႏထဲင်း ဗွေႏဘုရာꩻနမ်းနမ်း ယိန်းယပ်ꩻခုဲင်ႏ၊ ကွပ်နဝ်ꩻမꩻ ဝွေꩻသꩻ မဉ်ဝုဲင်ႏမွေးစွဉ်ႏ ဗွေႏဘုရာꩻ- "ယို ဗွေႏကေဏိယ- ဗုဒ္ဓဗွေႏဘုရာꩻ အဝ်ႏညာꩻတန်နဲ့၊ အဝ်ႏမုဲင်ꩻကိုယိုခါ၊ အဝ်ႏညာꩻတဝ်း၊ အဝ်ႏဗော့ꩻဒုံ(ကျောင်ꩻ)သူꩻ" "မွေးသွူ ဗွေႏကေဏိယ- နီသွဉ်းသီး လွေꩻဝုဲင်ႏကဗွေႏဘုရာꩻ"ရိုꩻနုဲင်းနဝ်ꩻသွူ။ ကထင်ႏအီႏတွိုႏလွေꩻ ဗွေႏဘုရာꩻထျꩻနဝ်ꩻ အဆွုံꩻမꩻ အလိုꩻဖုံႏနုဲင်းယို- - အပ္ပသဒ္ဒါ ဘောန္တာ - သီလွေꩻတေ့တေ့ꩻနော၊ - သီဟာဝ ဧကစရာ - ဗွန်နုဲင်းချင်ႏသေ့ꩻ ဗွေႏဘုရာꩻ အုံတေ့ꩻထာꩻ တပါꩻဒျာႏ၊ - အန္တရန္တရာ ကထံ ဩပါတေထ - ခွေအဝ်ႏဒေါ့ꩻထာꩻတွင်ꩻနဝ်ꩻ ဒေါ့ꩻသော့ꩻမွူးန်နော။ အလိုꩻဖုံႏတဲ့ နာႏအဆရာႏငေါဝ်း ခင်ႏငေါဝ်းသင်ႏတဝ်း၊ လိုꩻငေါဝ်းဟွူန်တဝ်း၊ ယေန်ယစ်ဒျာႏနဝ်ꩻသွူ။ ဝွေꩻသီး လွေꩻဝုဲင်ႏဗွေႏဘုရာꩻ၊ ဝုဲင်ႏဘုရာꩻထွူ ကွီဗုဲင်စင်ꩻ၊ ကုသိုလ်ႏပန်အွဉ် အဝ်ႏပါလွဉ်တဲင် ဗွေႏဘုရာꩻဟဲ့ꩻ 'ဧဟိဘိက္ခု-လွဉ်ဟုဲင်းရဟန်ꩻ'၊ ကားကအဝ်ႏ ထွာလို့စွဉ်ႏရဟန်ꩻ၊ ထွာရဟန်ꩻထွူ အားထွုတ်တရာꩻ ဝိပဿနာႏ ထွာလို့စွဉ်ႏဒျာႏ ရဟန္တာႏနောဝ်ꩻသွူ။ ကေဏိယရသေ့ꩻသီး ကပ်သွမ်ꩻထွူနဝ်ꩻ နီဗွေႏဘုရာꩻ ဟော်ꩻဖေႏတရာꩻ၊ တရာꩻဖုံႏနဝ်ꩻအကို မူႏခိုစွုမ်ႏဖြာꩻ ကဟောဝ်တောင်ꩻခါꩻနဝ်ꩻ- ၁။ ရာဇာ မုခံ မနုဿာနံ - လိုꩻဖုံႏကိုနဝ်ꩻ ခွန်ထွာအထျꩻ၊ ၂။ နဒီနံ သာဂရော မုခံ - ခွုင်းကားထီခြောင်နဝ်ꩻ သမုဒ္ဒရာႏထွာအထျꩻ၊ ၃။ သံဃော ယဇတံ မုခံ - ကပူႏဇောႏထွိုက်ကိုနဝ်ꩻ သံဃာႏထွာအထျꩻ- စတဲင်နုဲင်းနောဝ်ꩻဖုံႏသွူ။ (သုတ္တန်ႏပိဋကတ်၊ မဇ္ဈိမပဏ္ဏာသပါဠိတောႏ၊ သေလသုတ်)[၁][၂]