သံကိစ္စသာႏမဏေႏ

"သံကိစ္စသာႏမဏေႏဝတ္ထု"

၁၁၀။ ပါꩻမုဲင်ꩻရိုꩻတဝ်း သီႏလအဲဉ်ထဝ်း သမာႏဓိအဲဉ်ထဝ်း အသက်ထိုဆွာꩻနေင်ႏတရျာꩻ၊ လိုꩻသီႏလကအောဝ်ႏဒါႏ အဝ်ႏအုံကျိုꩻစာꩻ သမထဝိပသ် ပုဂ္ဂိုလ်ႏမျတ်အတာႏ အသက်အုံဗာႏ တနီꩻဒျာႏတဲ့ မျတ်လဲဉ်းက လိုꩻညံးသက်ဆွာꩻ နေင်ႏတရျာꩻနဝ်ꩻသွူ။

ဟော်ꩻထွားသွဉ်ဗာႏ 'သံကိစ္စသာႏမဏေႏဝတ္ထု'ယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ 'ပစ္ဆိမဘဝိက'ပုဂ္ဂိုလ်ႏ၊ လိုꩻအီႏထွာရဟန္တာႏ ဘဝအဆုဲင်ꩻသွတ်ꩻယို မာꩻနုဲင်းမုဲင်ꩻမုဲင်ꩻခန်းတဲ့ယဝ်း၊ မဉ်မာꩻသီနုဲင်းမုဲင်ꩻမာꩻသီတဲ့ယဝ်း အတသီနွောင်ꩻတဝ်း-

၂။ ဆရာႏဟဝ် ဆရာႏမျတ်သီးကရိုꩻနဝ်ꩻ ထွားဖေႏပါဗာႏ တပဲ့ꩻသီးအနာႏဂတ် ဆုဲင်ꩻချာတာႏယင်-

၃။ သျင်ႏပေႏရဟန္တာႏတဲ့ယဝ်း ရိုႏသေႏဝုဲင်ႏဗာႏ ပုထုဇဉ်ႏရဟန်ꩻ (ရဟန္တာႏဝါႏပေႏနဝ်ꩻ ရိုႏသေႏဝုဲင်ႏဗာႏ ပုထုဇဉ်ႏရဟန်ꩻဝါႏတန်)-

၄။ စွန်သားခန်းတဲ့ယဝ်း မဉ်ႏနာႏဗာႏတရာꩻ သဒ္ဓါႏတရာꩻ မဉ်ႏအဝ်ႏနဝ်ꩻ ထွာနွောင်ꩻဒျာႏ ရဟန္တာႏ-

၅။ အုံမွိုက်ထာꩻ အနေင်ႏတရျာꩻနဝ်ꩻ ထွꩻတဝ်းအုံမျတ်ထာꩻ တနီꩻအကျောင်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။