ဩဝါဒလိစ်ꩻထွော့ တောင်ꩻတောင်ꩻသွော့ အမုဲ(၁၄၅)

ဩဝါဒလိစ်ꩻထွော့ တောင်ꩻတောင်ꩻသွော့ အမုဲ (၁၄၅)

၁။ မွိုးဗွေႏနောဝ်ꩻ ကေꩻဇူꩻအာ၊ ဖါဗွေႏနောဝ်ꩻ ကေꩻဇူꩻအဝ်ႏတဲင် လူႏထွိုက် ပူႏဇောႏထွိုက်သွူတဲ့(အဝ်ႏလူႏနွောင်ꩻဒျာႏသွူတဲ့) လူႏတဝ်းမွိုးဖါ၊ ပူႏဇောႏတဝ်းမွိုးဖါနဝ်ꩻ "ယံတဝ်း"။ ၂။ လဲင်ꩻတွိုႏသွူတင်ꩻကျွစ်လာ၊ ဒဲန်ဟားလာသွူတဲ့ ယူႏလꩻတောဝ်းမွိုးဖါ၊ ကန်းတော့ꩻတဝ်းမွိုးဖါ၊ လူႏတဝ်းမွိုးဖါ၊ ပူႏဇောႏတဝ်းမွိုးဖါနဝ်ꩻ (ထွာလိုꩻ သေတဝ်းမွိုးဖါကေꩻဇူꩻတဲင်) "ယံတဝ်းတစိꩻစိꩻ)။ ၃။ (က) သေကန်းတော့ꩻဒျာႏ၊ သေလူႏဒျာႏ၊ သေပူႏဇောႏဒျာႏ ဘုရာꩻ တရာꩻ သံဃာႏ ဆရာႏ မွိုးဖါနဝ်ꩻ "ယံဒျာႏ"။ (ခ) နေးနာႏဒျာႏ မွိုးဖါဆရာႏသီး ငေါဝ်းဆွုံꩻမꩻ၊ လွိုတဝ်း မွိုးဖါဆရာႏသီး ငေါဝ်းနဝ်ꩻ "ယံဒျာႏ"။ ၄။ (က) လွောက်ꩻနာႏ ဗွေႏဘုရာꩻစီꩻကန်ꩻ(သီႏလ)လူမ်ꩻတကာႏတဝ်း ဗေ္ႏဘုရာꩻကဟောꩻခါꩻအတွိုင်ꩻ အာႏထွုတ်မွေးတရာꩻ မာꩻမွေးကုသိုလ်ႏ၊ လꩻစွဉ်ႏမဂ်ဖိုလ်ႏနဝ်ꩻ(ကပူႏဇောႏ ဗွေႏဘုရာꩻတောမ်ႏ ပဋိပတ္တိဓမ္မနဝ်ꩻနဝ်ꩻ) "ယိန်းယံငါႏ"နဝ်ꩻသွူ။ (ခ) နေးနာႏ မွိုးဖါဆရာႏငီးငေါဝ်းတဲင် အွꩻတဝ်းဒေါဝ်(အွꩻဒူမ်ဒေါဝ်)၊ ဆွဉ်းတဝ်းယာဗွာယာဖြေင်း(ဆွဉ်းဒူမ်ယာဗွာယာဖြေင်း) တောႏလောင်ꩻတဝ်းထာꩻ(တောႏလောင်ꩻဒူမ်ထာꩻ)နောဝ်ꩻ (ကပူႏဇောႏ မွိုးဖါဆရာႏသီးတောမ်ႏ အကျင်ꩻဟောဝ်ဓမ္မပူႏဇာႏနုဲးနဝ်ꩻနဝ်ꩻ) "ယိန်းယံငါႏ"နဝ်ꩻသွူ။ ဖေႏကထွာဒျာႏ "ယိန်းယံငါႏ"နဝ်ꩻနေား။

ဩဝါဒလိစ်ꩻထွော့ ငေါဝ်းလင်္ကာႏ အမုဲ(၁၄၅) ၁။ မွိုးဖါဆရာႏ၊ ယူႏတဝ်းဗာႏ၊ နဝ်ꩻတာႏ ယံတဝ်းခြာ။ ၂။ လူႏအဝ်ႏနွောင်ꩻဒျာႏ၊ လူႏတဝ်းဗာႏ၊ နဝ်ꩻတာႏ ယံတဝ်းခြာ။ ၃။ မွိုးဖါဆရာႏ၊ ယူႏလꩻဒျာႏ၊ နဝ်ꩻတာႏ ယံဒျာႏထွာ။ ၄။ နေးအကျင်ꩻမွေး၊ ပူႏဇောႏနေး၊ နဝ်ꩻဟွေး ယိန်းယံအာ။