သွစ်ꩻပါꩻအင်္ဂါႏကျိုꩻတန်ငါႏ
"သံခိတ္တူပေါသထသုတ် (သွစ်ꩻမျိုꩻအင်္ဂါႏ ကျိုꩻတန်ငါႏ)" ရဟန်ꩻသီးဖုံႏဟွေး- ကဆောက်တဲႏ (ကဆို့ꩻတဲႏ) ဥပုသ်နဝ်ꩻ မဉ်ႏဗွေတွမ်ႏ အချက်သွစ်ꩻဗာႏ အင်္ဂါႏသွစ်ꩻပါꩻနဝ်ꩻ အကျိုꩻတန်ငါႏ၊ အချက်သွစ်ꩻချက်-အင်္ဂါႏသွစ်ꩻပါꩻ ကရိုꩻနောဝ်ꩻ- ၁။ အရဟန္တော ပါဏာတိပါတာ ပဋိဝိရတာ၊ အရဟတံ အနုကရောမိ- 'ရဟန္တာႏသီးနဝ်ꩻ မာꩻသီတဝ်းဝင်ꩻသက်'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနောဝ်ꩻ တွမ်ႏကဆောက်တဲႏဥပုသ်-ဗွန်ဝင်ꩻ၊ ယူႏနုဲင်းနဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (ပထမ)အင်္ဂါႏတပါꩻနောဝ်ꩻသွူ။ ၂။ အရဟန္တော အဒိန္နာဒါနာ ပဋိဝိရတာ၊ အရဟတံ အနုကရောမိ- 'ရဟန္တာႏသီးနဝ်ꩻ ထူႏတခွန်ꩻတဝ်း ဝင်ꩻတခြိုꩻ'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနဝ်ꩻ တွမ်ႏကဆောက်တဲႏဥပုသ်-ပီဝင်ꩻ၊ ယူႏနုဲင်းနဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (ဒုတိယ)အင်္ဂါႏတပါꩻနောဝ်ꩻသွူ။ ၃။ အရဟန္တော ဝိရတာ မေထုနာ ဂါမဓမ္မာ၊ အရဟတံ အနုကရောမိ- 'ရဟန္တာႏသီးနဝ်ꩻ ကျင်ꩻတဝ်း အကျင်ꩻမူႏခို'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနောဝ်ꩻ တွမ်ႏကဆောက်တဲႏဥပုသ်-ဗွန်ပီဝင်ꩻ၊ ယူႏနုဲင်းနဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (တတိယ)အင်္ဂါႏတပါꩻနောဝ်ꩻသွူ။ ၄။ အရဟန္တော မုသာဝါဒါ ပဋိဝိရတာ၊ အရဟတံ အနုကရောမိ- 'ရဟန္တာႏသီးနဝ်ꩻ ဒေါ့ꩻလဲဉ်တောဝ်းထာꩻ'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနောဝ်ꩻ တွမ်ႏကဆောက်တဲႏဥပုသ်-ဗွန်ဝင်ꩻ၊ ယူႏနုဲင်းနဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (စတုတ္ထ)အင်္ဂါႏတပါꩻနောဝ်ꩻသွူ။ ၅။ အရဟန္တော သုရာမေရယမဇ္ဇပမာဒဋ္ဌာနာ ပဋိဝိရတာ၊ အရဟတံ အနုကရောမိ- 'ရဟန္တာႏသီးနောဝ်ꩻ အွꩻတောဝ်းဒေါဝ်'၊ တနီꩻတွမ်ႏတနာꩻကို ခွေယို မဉ်ႏထွားနုဲင်း ရဟန္တာႏနောဝ်ꩻ တွမ်ႏကဆောက်တဲႏဥပုသ်-ပီဝင်ꩻ၊ ယူႏနုဲင်းနောဝ်ꩻ (ထွားနုဲင်းဆောက်တဲႏ)၊ ယိုနဝ်ꩻ (ပဉ္စမ)အင်္ဂါႏတပါꩻနောဝ်ꩻသွူ။ ၆။ အရဟန္တော ဝိရတာ ဝိကာလဘောဇနာ ပဋိဝိရတာ၊ အရဟတံ အနုကရောမိ- 'ရဟန္တာႏသီးနဝ်ꩻ မွူးနွောင်းမာꩻတွို့ꩻ သွုံꩻတဝ်း'၊ ယူႏနုဲင်းနောဝ်ꩻ၊ အံႏတဝ်းဒဲဉ်ဟာ၊ ဆောက်တဲႏ၊ တနီꩻတွမ်ႏတနာꩻ၊ ယိုနဝ်ꩻ (ဆဋ္ဌမ)အင်္ဂါႏတပါꩻနောဝ်ꩻသွူ။ ၇။ အရဟန္တော နစ္စဂီတ(လ)ဝိဘူသနဋ္ဌာနာ ပဋိဝိရတာ၊ အရဟတံ အနုကရောမိ- 'ရဟန္တာႏသီးနဝ်ꩻ ကျူႏထာꩻ၊ သချင်ꩻငေါဝ်း၊ ဒုံႏအူ၊ ထွားဇာတ်၊ ဒျꩻကောဝ်ႏ၊ ဒင်ႏမွန်း၊ သူႏနံႏသာႏ-မာꩻဒါႏတဝ်း'၊ ထွားနုဲင်းနဝ်ꩻ ဆောက်တဲႏ တနီꩻတွမ်ႏတနာꩻ၊ ယိုနဝ်ꩻ (သတ္တမ)အင်္ဂါႏတပါꩻနဝ်ꩻသွူ။ ၈။ အရဟန္တော ဥစ္စာသယန မဟာသယနာ ပဋိဝိရတာ၊ အရဟတံ အနုကရောမိ- 'ရဟန္တာႏသီးနောဝ်ꩻ အုံတောဝ်း ခင်ႏလမ်းထို ခင်ႏလမ်းမျတ်'၊ ထွားနုဲင်းနောဝ်ꩻ ဆောက်တဲႏ တနီꩻတွမ်ႏတနာꩻ၊ ယိုနဝ်ꩻ (အဋ္ဌမ)အင်္ဂါႏတပါꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ဒါနဝဂ်၊ သံခိတ္တူပေါသထသုတ်)[၁][၂]