ဟော်ꩻဖေႏဝစ္ဆပရိဗိုဇ်
"မဟာဝစ္ဆသုတ် (ဗွေႏဘုရာꩻဟော်ꩻဖေႏ ဝစ္ဆပရိဗိုဇ်တရာꩻ)" အွိုးခꩻတလဲင်ႏ- နီဗွေႏဘုရာꩻအဝ်ႏအုံ ရာႏဇဂျိုဟ်ႏခမ်း၊ ကျောင်ꩻဝွေဠုဝွန်ႏကိုအတွင်ꩻ 'ဝစ္ဆခွိုꩻနွယ်ႏပရိဗိုဇ်'နဝ်ꩻ လွဉ်ထေ့ဗွေႏဘုရာꩻ၊ ဒေါ့ꩻငေါဝ်းသꩻရေꩻ ဒေါ့ꩻလွေꩻငေါဝ်းတောင်ꩻခရာႏထွူတဲင် လောဝ်းဗွေႏဘုရာꩻနုဲင်းယို- "ဩဗွေႏ ဂေါတမ- ဟော်ꩻဖေႏခွေသွဉ်း 'ကုသိုလ်ႏ-အကုသိုလ်ႏ'နဝ်ꩻ ဗွေႏဩ" "မွေးသွူ ဝစ္ဆ- ကုသိုလ်ႏ-အကုသိုလ်ႏခရာႏနောဝ်ꩻ ခွေဟော်ꩻလုဲင်းလုဲင်း၊ ခြုဲင်းဆွာꩻဆွာꩻဖေႏနာꩻတဲ့ နွောင်ꩻဒျာႏ၊ ဟော်ꩻဒွေါင်ႏဒွေါင်ႏဖေႏနာꩻတဲ့ ဒါႏဒျာႏ၊ ကွဲႏတွော့ꩻ ခွေဟော်ꩻဒွေါင်ႏဒွေါင်ႏငါ၊ နာႏစဲင်းစဲင်းဟုဲင်း" ၁။ လောဘော အကုသလံ- ထာꩻမဉ်လꩻ လောဘနဝ်ꩻ အကုသိုလ်ႏ၊ အလောဘော ကုသလံ- ထာꩻမဉ်လꩻတဝ်း အလောဘနဝ်ꩻ ကုသိုလ်ႏ။ ၂။ ဒေါသော အကုသလံ- ထာꩻပဲ့စ်မာႏ ဒေါသနဝ်ꩻ အကုသိုလ်ႏ၊ အဒေါသော ကုသလံ- ထာꩻပဲစ်မာႏမွေးတဝ်းနဝ်ꩻ ကုသိုလ်ႏ။ ၃။ မောဟော အကုသလံ- ထာꩻလိန်းလွုမ်ꩻ မောဟနဝ်ꩻ အကုသိုလ်ႏ၊ အမောဟော ကုသလံ- ထာꩻလိန်းလွုမ်ꩻမွေးတဝ်းနဝ်ꩻ ကုသိုလ်ႏ။ လောဘ၊ ဒေါသ၊ မောဟ - ယိုသွံပါꩻနဝ်ꩻ အကုသိုလ်ႏ၊ အလောဘ၊ အဒေါသ၊ အမောဟ - ယိုသိုမ်ပါꩻနဝ်ꩻ ကုသိုလ်ႏနောဝ်ꩻသွူ။ ၁။ ပါဏာတိပါတော အကုသလံ - မာꩻသီဝင်ꩻသက်နဝ်ꩻ အကုသိုလ်ႏ၊ ပါဏာတိပါတာ ဝေရမဏိ ကုသလံ - မာꩻသီတဝ်းဝင်ꩻနဝ်ꩻ ကုသိုလ်ႏ။ ၂။ အဒိန္နာဒါနံ - ထူႏတခွန်ꩻ ဝင်ꩻတခြိုꩻနဝ်ꩻ အကုသိုလ်ႏ၊ အဒိန္နာဒါနာ ဝေရမဏိ ကုသလံ - တခွန်ꩻတဝ်း ဝင်ꩻတခြိုꩻနဝ်ꩻ ကုသိုလ်ႏ။ ၃။ ကာမေသုမိစ္ဆာစာရော အကုသလံ - ပဲ့စ်မာႏဝင်ꩻပိုမာနဝ်ꩻ အကုသိုလ်ႏ၊ အဒိန္နာဒါနာ ဝေရမဏိ ကုသလံ - ပဲ့စ်မာႏတဝ်း ဝင်ꩻပိုမာနဝ်ꩻ ကုသိုလ်ႏ။ ၄။ မုသာဝါဒေါ အကုသလံ - ဒေါ့ꩻလိန်ႏလဲဉ်ထာꩻနဝ်ꩻ အကုသိုလ်ႏ၊ မုသာဝါဒါ ဝေရမဏိ ကုသလံ - ဒေါ့ꩻလိင်ႏလဲန်တဝ်းထာꩻနဝ်ꩻ ကုသိုလ်ႏ။ ၅။ ပိသုဏဝါစာ အကုသလံ - အံႏစာဝင်ꩻမဉ်ꩻနဝ်ꩻ အကုသိုလ်ႏ၊ ပိသုဏာယ ဝါစာယ ဝေရမဏိ ကုသလံ - အံႏစာတဝ်း ဝင်ꩻမီꩻန်နဝ်ꩻ ကုသိုလ်ႏ။ ၆။ ဖရုသဝါစာ အကုသလံ - ဒေါ့ꩻငေါဝ်းကျံꩻထံꩻနဝ်ꩻ အကုသိုလ်ႏ၊ ဖရုသာယ ဝါစာယ ဝေရမဏိ ကုသလံ - ဒေါ့ꩻတဝ်း ငေါဝ်းကျံꩻထံꩻနဝ်ꩻ ကုသိုလ်ႏ။ ၇။ သမ္ဖပ္ပလာပေါ အကုသလံ - ဒေါ့ꩻငေါဝ်းခွဉ်ႏဆေ့ꩻနဝ်ꩻ အကုသိုလ်ႏ၊ သမ္ဖပ္ပလာပါ ဝေရမဏိ ကုသလံ - ဒေါ့ꩻတဝ်း ငေါဝ်းခွဉ်ႏဆေ့ꩻနဝ်ꩻ ကုသိုလ်ႏ။ ၈။ အဘိဇ္ဈာ အကုသလံ - မဉ်လꩻခြေင် ဝင်ꩻတခြိုꩻနဝ်ꩻ အကုသိုလ်ႏ၊ အနိဘိဇ္ဈာ ကုသလံ - မဉ်လꩻခြေင်တဝ်း ဝင်ꩻတခြိုꩻနဝ်ꩻ ကုသိုလ်ႏ။ ၉။ ဗျာပါဒေါ အကုသလံ - ကျံႏတကုဲင်ဝင်ꩻနဝ်ꩻ အကုသိုလ်ႏ၊ အဗျာပါဒေါ ကုသလံ - ကျံႏတကုဲင်တဝ်းဝင်ꩻနဝ်ꩻ ကုသိုလ်ႏ။ ၁၀။ မိစ္ဆာဒိဋ္ဌိ အကုသလံ - ထာꩻယူႏမာႏနဝ်ꩻ အကုသိုလ်ႏ၊ သမ္မာဒိဋ္ဌိ ကုသလံ - ထာꩻယူႏမဲဉ်ႏနဝ်ꩻ ကုသိုလ်ႏ။ ဝစ္ဆဟွေး- ရဟန်ꩻ(တပါꩻ)နဝ်ꩻ ပယ်ႏထိုꩻလဲဉ်း လောဘတဏှာႏ၊ လောဘတဏှာႏရွီးနဝ်ꩻ နုဲင်းလဲဉ်းထန်ꩻရွီးသေင်၊ မာꩻနုဲင်းမုဲင်ꩻတဲ့ယဝ်း တဒေါ့ꩻချာနွောင်ꩻတဝ်း 'အရဟံ ခီဏာသဝေါ- အာသဝတရာꩻ'လို့ကြောင်းကြဲ့၊ သꩻကိုစင်ဗွာ 'ထွာရဟန္တာႏ'နောဝ်ꩻသွူ။ ဝွေꩻဗွေႏနဝ်ꩻ- အနုပ္ပါဒဓမ္မာ - ကွုတ်ထဲင်းတဝ်းဒွုမ် ကတကရဏီယော - မာꩻခရာႏ ထမုဲင်ꩻမုဲင်ꩻ တလိုႏတဝ်းဒွုမ် ဩဟိတဘာရော - ချꩻလင်ꩻထိုꩻလဲဉ်း ခန္ဓာႏထာꩻထမ်ႏ အနုပ္ပတ္တသဒတ္ထော - နမ်းအကျိုꩻစီꩻပွါꩻ မာꩻထွူလို့လဲဉ်း ခီဏသံယောဇနာ - သံယော်ꩻဇဉ်ႏထဲ့ထလို့လဲဉ်း သမ္မဒညာ ဝိမုတ္တော - လွစ်ထန်ႏလꩻမွေးမွေးလဲဉ်း ကိလေႏသာႏနောဝ်ꩻသွူ။ တိဋ္ဌတု ဘဝံ ဂေါတမော - ဗွေႏဂေါတမနဝ်ꩻ ဒေါ့ꩻဒွုမ်- အတ္ထိ ပန တေ ဧကဘိက္ခုပိ သာဝကော - နီဗွေႏတပဲ့ꩻ ရဟန်ꩻခိုကို ရဟန္တာႏနုဲင်းနဝ်ꩻနဝ်ꩻ တပါꩻပေႏငါ အဝ်ႏနေဟောင်း။ ဝစ္ဆဟွေး- ဧကံယေဝ- တပါꩻတွမ်ႏရိုꩻမွုန်း၊ နသတံ- အပါꩻတရျာꩻကာႏတဝ်း၊ နဒွေသတာနိ-အပါꩻနီရျာꩻကာႏတဝ်း၊ နတီဏိသတာနိ- အပါꩻသွံရျာꩻကာႏတဝ်း၊ နစတ္တာရိသတာနိ-အပါꩻလစ်ꩻရျာꩻကာႏတောဝ်း၊ နပဉ္စသတာနိ- အပါꩻငတ်ꩻရျာꩻကာႏတဝ်း၊ ဘိယျောဝ ဘိက္ခူ မမ သာဝကာ-ခွေတပဲ့ꩻစင်ꩻရဟန္တာႏနုဲင်းနဝ်ꩻ အဝ်ႏဗောႏဗာႏထာꩻနောဝ်ꩻသွူ။ တိဋ္ဌန္တု ဘိက္ခူ-ရဟန်ꩻခိုဖုံႏနဝ်ꩻမွေးသွူ၊ ဧကာ ဘိက္ခူနီပိ သာဝိကာ- နီဗွေႏတပဲ့ꩻ ရဟန်ꩻမူႏကိုနောဝ်ꩻ ရဟန္တာႏနုဲင်းနောဝ်ꩻ တပါꩻပေႏငါ အဝ်ႏနေဟောင်း။ ဝစ္ဆဟွေး- ခွေတပဲ့ꩻ ရဟန်ꩻမူႏကို ရဟန္တာႏနုဲင်းနဝ်ꩻနဝ်ꩻ တပါꩻလွုမ်ꩻရိုꩻမွုန်းတဝ်း၊ အပါꩻတရျာꩻကာႏတဝ်း၊ အပါꩻနီရျာꩻကာႏတဝ်း၊ အပါꩻသွံရျာꩻကာႏတဝ်း၊ အပါꩻလစ်ꩻရျာꩻကာႏတဝ်း၊ အပါꩻငတ်ꩻရျာꩻကာႏတဝ်း၊ အဝ်ႏဗောႏဗာႏထာꩻနောဝ်ꩻသွူ။ တိဋ္ဌန္တု ဘိက္ခုနိယော- ရဟန်ꩻမူႏဖုံႏနဝ်ꩻမွေးသွူ၊ နီဗွေႏတကာႏခိုကိုဖုံႏနဝ်ꩻ ရဟန္တာႏနုဲင်းနဝ်ꩻနဝ်ꩻ တဖြာꩻပေႏငါ အဝ်ႏနေဟောင်း။ ဝစ္ဆဟွေး- ခွေတကာႏခိုကို ရဟန္တာႏနုဲင်းနဝ်ꩻနဝ်ꩻ တဖြာꩻလွုမ်ꩻရိုꩻမွုန်းတဝ်း၊ တရျာꩻကာႏတဝ်း၊ နီရျာꩻကာႏတဝ်း၊ သိုမ်ရျာꩻကာႏတဝ်း၊ လစ်ꩻရျာꩻကာႏတဝ်း၊ ငတ်ꩻရျာꩻကာႏတဝ်း၊ အဝ်ႏဗောႏဗာႏထာꩻနောဝ်ꩻသွူ။ တိဋ္ဌန္တု ဥပါသကာ- တကာႏခိုဖုံႏနဝ်ꩻမွေးသွူ နီဗွေႏတကာႏမမူႏကို ထွာရဟန္တာႏနုဲင်းနဝ်ꩻနဝ်ꩻ တဖြာꩻပေႏငါ အဝ်ႏနေဟောင်း။ ဝစ္ဆဟွေး- ခွေတကာႏမမူႏကို ရဟန္တာႏနုဲင်းနဝ်ꩻနဝ်ꩻ တဖြာꩻပေႏငါရိုꩻမွုန်း၊ တရျာꩻကာႏတဝ်း၊ နီရျာꩻ၊ သွံရျာꩻ၊ လစ်ꩻရျာꩻ၊ ငတ်ꩻရျာꩻကာႏတဝ်း အဝ်ႏဗောႏဗာႏထာꩻနောဝ်ꩻသွူ။ တိဋ္ဌန္တု ဥပါသိကာ- တကာႏမမူႏနဝ်ꩻ မွေးသွူ - ထွာတဝ်း ရဟန္တာႏတဲ့ယဝ်း လိုꩻကလွောက်ꩻနာႏလွဉ်ꩻ နီဗွေႏငေါဝ်း၊ တလွိုတဝ်း နီဗွေႏအဆွုံꩻအမꩻနဝ်ꩻ အဝ်ႏနေတဖြာꩻဖြာꩻဟောင်း။ ဝစ္ဆဟွေး- တဖြာꩻကာႏတဝ်း၊ အဝ်ႏဗောႏဗာႏထာꩻ၊ ငတ်ꩻရျာꩻကာႏတောဝ်းနောဝ်ꩻသွူ။ ဩဗွေႏဂေါတမ- ၁။ နီဗွေႏဘုရာꩻကဟော်ꩻ 'တရာꩻ'နဝ်ꩻနဝ်ꩻ ကျင်ꩻလꩻဘုရာꩻလွုမ်ꩻ၊ ထွာရဟန္တာႏဘုရာꩻလွုမ်ꩻ၊ ရဟန်ꩻခိုသီးကျင်ꩻလꩻတဝ်း၊ ရဟန်ꩻခိုသီး ထွာတဝ်းရဟန္တာႏ၊ မဉ်ႏထွာနုဲင်းနဝ်ꩻနဝ်ꩻ တရာꩻနဝ်ꩻ ရဟန်ꩻခိုသီးအတာႏ ပါတဝ်းတဲင် ပြဲ့ꩻစွုံႏတဝ်း၊ ယိုနဝ်ꩻ နုဲင်းနဝ်ꩻမွေးတဝ်း၊ ဘုရာꩻတဲ့ ကျင်ꩻလꩻဒျာႏ၊ ရဟန်ꩻခိုသီးတဲ့ ကျင်ꩻလꩻဒျာႏ၊ ရဟန်ꩻခိုသီးတဲ့ ထွာနွောင်ꩻဒျာႏရဟန္တာႏ၊ ကွပ်နဝ်ꩻမꩻ နီဗွေႏတရာꩻနဝ်ꩻ ပြဲ့ꩻစွုံႏဟောဝ်ငါႏ ဗွေႏဩ။ ဩဗွေႏဂေါတမ- ၂။ နီဗွေႏဘုရာꩻကဟော်ꩻ 'တရာꩻ'နဝ်ꩻ မဉ်ႏကျင်ꩻလꩻဒျာႏ ဘုရာꩻလွုမ်ꩻ၊ ရဟန်ꩻခိုလွုမ်ꩻ၊ ရဟန်ꩻမဉ်ႏ ကျင်ꩻနုဲင်းမဉ်ႏလꩻတဝ်း၊ ထွာရဟန္တာႏ ရဟန်ꩻခိုလွုမ်ꩻ၊ ရဟန်ꩻမူႏနဝ်ꩻ ထွာနွောင်ꩻတဝ်း ရဟန္တာႏ၊ မဉ်ႏထွာနုဲင်းနဝ်ꩻနဝ်ꩻ တရာꩻနဝ်ꩻနဝ်ꩻ ရဟန်ꩻမူႏတာႏ ပါတဝ်းတဲင် ပြဲ့ꩻစွုံႏတဝ်း၊ ယိုနဝ်ꩻ နုဲင်းနဝ်ꩻမွေးတဝ်း၊ ရဟန်ꩻခိုတဲ့ ကျင်ꩻလꩻဒျာႏ၊ ရဟန်ꩻမူႏတဲ့ ကျင်ꩻလꩻဒျာႏ၊ ရဟန်ꩻခိုတဲ့ ထွာရဟန္တာႏအဝ်ႏဒျာႏ၊ ရဟန်ꩻမူႏတဲ့ ထွာရဟန္တာႏအဝ်ႏဒျာႏတွော့ꩻ တရာꩻနဝ်ꩻနဝ်ꩻ ပြဲ့ꩻစွုံႏဟောဝ်ငါႏ ဗွေႏဩ။ ဩဗွေႏဂေါတမ- ၃။ နီဗွေႏကဟော်ꩻ 'တရာꩻ'နောဝ်ꩻ မဉ်ႏကျင်ꩻလꩻဒျာႏ ဘုရာꩻလွုမ်ꩻ၊ ရဟန်ꩻခိုလွုမ်ꩻ၊ ရဟန်ꩻမူႏလွုမ်ꩻ၊ တကာႏလိုꩻလမ်း(လိုꩻခို)ဖုံႏ ကျင်ꩻနုဲင်းမဉ်ႏလꩻတဝ်း၊ ထွာရဟန္တာႏနဝ်ꩻ အဝ်ႏဒျာႏဘုရာꩻလွုမ်ꩻ၊ အဝ်ႏဒျာႏရဟန်ꩻခိုလွုမ်ꩻ၊ အဝ်ႏဒျာႏရဟန်ꩻမူႏလူမ်ꩻ၊ လိုꩻလမ်း(တကာႏခို)ဖုံႏနဝ်ꩻ ရဟန္တာႏထွာနွောင်ꩻတဝ်း၊ မဉ်ႏရိုꩻနုဲင်းနဝ်ꩻနဝ်ꩻ တရာꩻနဝ်ꩻနဝ်ꩻ တကာႏလိုꩻလမ်းတာႏ ပါတဝ်းတဲင် ပြဲ့ꩻစွုံႏတဝ်း၊ ယိုနဝ်ꩻ နုဲင်းနဝ်ꩻမွေးတဝ်း၊ လိုꩻလမ်း(အခို)တဲ့ ကျင်ꩻလꩻဒျာႏ၊ တကာႏခိုတဲ့ ထွာနွောင်ꩻဒျာႏရဟန္တာႏ၊ တကာႏခို ထွာရဟန္တာႏအဝ်ႏဒျာႏတွော့ꩻ တရာꩻနဝ်ꩻနဝ်ꩻ ပြဲ့ꩻစွုံႏဟောဝ်ငါႏဗွေႏဩ။ ဩဗွေႏဂေါတမ- ၄။ နီဗွေႏကဟော်ꩻ 'တရာꩻ'နဝ်ꩻ မဉ်ႏကျင်ꩻလꩻဒျာႏ ဘုရာꩻလူမ်ꩻ၊ ရဟန်ꩻခိုလူမ်ꩻ၊ ရဟန်ꩻမူႏလူမ်ꩻ၊ တကာႏလိုꩻလမ်း(အခို)လူမ်ꩻ၊ တကာႏမူႏဖုံႏ ကျင်ꩻနုဲင်းမဉ်ႏလꩻတဝ်း၊ ထွာရဟန္တာႏနဝ်ꩻ အဝ်ႏဒျာႏဘုရာꩻလွုမ်ꩻ၊ ရဟန်ꩻခိုလူမ်ꩻ၊ ရဟန်ꩻမူႏလွုမ်ꩻ၊ လိုꩻလမ်းတကာႏခိုလူမ်ꩻ၊ လိုꩻလမ်းတကာႏမမူႏဖုံႏနဝ်ꩻ ရဟန္တာႏထွာနွောင်ꩻတဝ်း၊ မဉ်ႏရိုꩻနုဲင်းနဝ်ꩻနဝ်ꩻ တရာꩻနဝ်ꩻနဝ်ꩻ တကာႏမမူႏတာႏ ပါတဝ်းတဲင် ပြဲ့ꩻစွုံႏတောဝ်း၊ ယိုနဝ်ꩻ နုဲင်းနဝ်ꩻမွေးတဝ်း- တကာႏမမူႏတဲ့ ကျင်ꩻလꩻဒျာႏ၊ တကာႏမမူႏတဲ့ ထွာနွောင်ꩻဒျာႏရဟန္တာႏ၊ တကာႏမမူႏ ထွာရဟန္တာႏတဲ့ အဝ်ႏဒျာႏတွော့ꩻ နီဗွေႏကဟော်ꩻ တရာꩻနဝ်ꩻနဝ်ꩻ ပြဲ့ꩻစွုံႏဟောဝ်ငါႏ (လိုးမ်ကိုႏမ်)ဟောဝ်ငါႏဗွေႏဩ။ ဩဗွေႏဂေါတမ- ဥပမာႏ-ကအဝ်ႏထွတ်ꩻဒါႏ ဂင်္ဂါႏထီတန်နဝ်ꩻ အဝ်ႏထွတ်ꩻမိုးလွေꩻ ထီသမုဒ္ဒရာႏ၊ အဝ်ႏထွတ်ꩻထေ့လွေꩻ ထီသမုဒ္ဒရာႏသူꩻ၊ အဝ်ႏထွတ်ꩻတွိုႏလွေꩻ ထီသမုဒ္ဒရာႏသူꩻ၊ အနုဲင်းနဝ်ꩻနေနေ- နီဗွေႏကဟော်ꩻ တရာꩻနဝ်ꩻအတွိုင်ꩻ ကလွောက်ꩻနာႏ၊ ကကံကျင်ꩻ၊ ကအားထွုတ်ဒါႏ (ရဟန်ꩻခို၊ ရဟန်ꩻမူႏ၊ တကာႏခို၊ တကာႏမူႏ) ပရိသတ်ကးကအဝ်ႏဖုံႏနဝ်ꩻ အဝ်ႏရေꩻလွေꩻ နိဗ္ဗာန်ႏသူꩻ၊ အဝ်ႏမိုးလွေꩻနိဗ္ဗာန်ႏသူꩻ၊ အဝ်ႏငေါ်ꩻထေ့လွေꩻ နိဗ္ဗာန်ႏသူꩻ၊ ကွဲဗော့ꩻဗော့ꩻလွေꩻ နိဗ္ဗာန်ႏသူꩻ၊ အီႏတွိုႏလွေꩻ နီဗ္ဗာန်ႏသူꩻ (ခွေသွဉ်းသဘော်ꩻပေါက်လဲဉ်းနုဲင်းနဝ်ꩻ)ဗွေႏဩ။ ဩဗွေႏဂေါတမ- နီဗွေႏတရာꩻနဝ်ꩻ နစ်သက်ခရာႏဟောဝ်ငါႏဗွေႏဩ၊ - ဘဂဝန္တံ ဂေါတမံ သရဏံ ဂစ္ဆာမိ- ခွေသွဉ်းကိုꩻကွယ်ႏဆယ်ꩻကပ်ဒျာႏ ဗွေႏဘုရာꩻမျတ် ဂေါတမဗွေႏဩ။ - ဓမ္မဉ္စ သရဏံ ဂစ္ဆာမိ- နီဗွေႏတရာꩻတောႏမွေး တရာꩻမျတ်နဝ်ꩻလဲ့ ခွေသွဉ်းကိုꩻကွယ်ႏ ယွုမ်းမတ်ဒျာႏဗွေႏဩ။ - ဘိက္ခုသံဃဉ္စ သရဏံ ဂစ္ဆာမိ- နီဗွေႏဘုရာꩻ တပဲ့ꩻသံဃာႏနဝ်ꩻတဲ့ ခွေသွဉ်းကိုꩻကွယ်ႏဆယ်ꩻကပ်ဒျာႏ ဗွေႏဩ။ - ဘောတော သန္တိကေ ပဗ္ဗဇ္ဇံ- ခွေသွဉ်းမဉ်ဗုဲင်ငါႏသျင်ႏ နီဗွေႏထျꩻ ဗွေႏဩ၊ - ဘောတော လဘေယျံ ဥပသမ္ပဒံ- ခွေသွဉ်းမဉ်ထွာငါႏစင်ꩻ နီဗွေႏထျꩻ ဗွေႏဩ"။ ဝစ္ဆပရိဗိုဇ် လောဝ်းနီဗွေႏဘုရာꩻ နုဲင်းနောဝ်ꩻသွူ။ နီဗွေႏဘုရာꩻရိုꩻ- 'သော စတ္တာရော မာသေ ပရိဝသတိ- ပေါႏပရိဗိုဇ် အီႏဗုဲင်သျင်ႏ၊ အီႏခံႏစင်ꩻနဝ်ꩻ ကျင်ꩻစံꩻရီးဗာႏက လစ်ꩻလာ'။ "ဩဗွေႏ ဘုရာꩻမျတ်ဗွေႏဩ- တောငါ ခွေသွဉ်းဗုဲင်ဗာႏသျင်ႏ၊ ခံႏဗာႏစင်ꩻငါ၊ လစ်ꩻလာတွမ်ႏရိုꩻမွုန်း လစ်ꩻနေင်ႏခန်းတဲ့ယဝ်း ခွေသွဉ်း ကျင်ꩻစံꩻရီးဒျာႏ ဗွေႏဩ" ဝစ္ဆဂေါတ္တပရိဗိုဇ်နဝ်ꩻ ကျင်ꩻစံꩻရီး (အုံပရိဝါသ်) လစ်ꩻလာဗွေဗွေထွူတဲင် နီဗွေႏဘုရာꩻနမ်းနမ်း အဝ်ႏဗုဲင်သျင်ႏ၊ အွဉ်ႏခံႏဖေႏစင်ꩻ အမဉ်ꩻတောႏဟဲ့ꩻခန်း "ဗွေႏဝစ္ဆဂေါတ္တ"နုဲင်းနောဝ်ꩻသွူ။ ဗွေႏဝစ္ဆဂေါတ္တနဝ်ꩻ- ထွာရဟန်ꩻထွူ အားထွုတ်ရာꩻ၊ လꩻတကွို့ꩻလာလွုမ်ꩻ၊ 'သေက္ခပုဂ္ဂိုလ်ႏ'အရန်း၊ သေခန်းဒျာႏတရာꩻ၊ ယံကလꩻကီကီမဂ်ဖိုလ်ႏ၊ ယံကတွိုႏ ရဟန္တာႏအရန်း လောဝ်းခန်းဗွေႏဘုရာꩻ၊ ထွဉ်ႏဗွေႏဘုရာꩻ ဟော်ꩻဖေႏတရာꩻ။ ဝစ္ဆဂေါတ္တယိုနဝ်ꩻ လိုꩻသာႏမညမွေးတဝ်း၊ အီႏထွာနွောင်ꩻရဟန္တာႏ ပျꩻဒါႏတံꩻခိုꩻ (ဆဠာဘိည) အီႏလꩻနွောင်ꩻ အဘိညာဉ်ႏသူပါꩻစား၊ လိုꩻဘွုန်ꩻတန်စားတန်တွော့ꩻ နီဗွေႏဘုရာꩻ ထွဉ်ႏအားထွုတ်စွဉ်ႏ 'သမထ-ဝိပဿနာႏ'နီမျိုꩻစွဉ်ႏနောဝ်ꩻသွူ။ ဗွေႏဝစ္ဆဂေါတ္တတဲ့ အားထွုတ်မွေးစွဉ်ႏတရာꩻတဲင်- "တေဝိဇ္ဇော ဝစ္ဆဂေါတ္တော ဘိက္ခု မဟိဒ္ဓိကော မဟာနုဘာဝေါ-ဗွေႏရဟန္တာႏ ဝစ္ဆဂေါတ္တနောဝ်ꩻ လꩻဝိဇ္ဇာႏသွံပါꩻ (သေဘဝချာ၊ သေဘဝငါ၊ ထွာရဟန္တာႏ) တံꩻခိုꩻတန်၊ ဘွုန်ꩻကံႏတန်မွေးစွဉ်ႏ'နောဝ်ꩻသွူ။ (သုတ္တန်ႏပိဋကတ်၊ မဇ္ဈိမပဏ္ဏာသပါဠိတောႏ၊ မဟာဝစ္ဆသုတ်)[၁][၂]