အစွူႏသားမျိုꩻ
ထာꩻစွူႏသားမျိုꩻ ဝင်ꩻကရိုꩻ၊ လိုꩻထီႏလဲ့ခါ ရက်တောဝ်းခြာ၊ ပအာလွꩻထီႏ ကယ်ꩻအေႏဆီႏ၊ မထီႏထာꩻရက် ဝင်ꩻနိစ္စက်၊ အသက်လဲ့ခါ မာꩻသီပါ၊ ဝွေꩻခါမာꩻဒွါႏ ထာꩻမွိုက်မာႏ၊ အဝိဇ္ဇာႏသꩻ ကွိုꩻမောဟ၊ အဲင်ႏယꩻဒါႏလိုꩻ စွူႏသားမျိုꩻ၊ အဝင်ꩻမရက် မွိုက်ကုဲတွက်၊ နိစ္စက်ခွေသီ အဲင်ႏယဝီ၊ အဲင်ႏသီဒါႏလိုꩻ ရူးကုဲမျိုꩻ၊ အမျိုꩻယုတ်ဖွိုႏ အဝင်ꩻဗွိုႏ၊ ကွိုꩻလꩻတဝ်းခြာ လိုꩻမွိုက်ပါ၊ ကျေꩻဇူꩻခါလဲ့ သေတောဝ်းတဲ့၊ ယံထွာကျေꩻဇူꩻ လွူးခါꩻဖူꩻ၊ ကျေꩻဇူꩻမသေ ဝွေꩻတွမ်ႏခွေ၊ ရူးနောဝ်ꩻရာꩻလဲ့ သေတောဝ်းတဲ့၊ လိုꩻမွိုက်ခါလဲ့ ပီဝင်ꩻတဲ့၊ တကဲ့သေတောဝ်း ကျေꩻဇူꩻစောဝ်း၊ ငထောဝ်းခြွိုင်ꩻမာႏ ဝင်ꩻအတာႏ၊ ပရာႏမာꩻကြွို့ꩻ ဝွေꩻထိုမ်ႏရွို့ꩻ၊ တစွို့ꩻတောဝ်းဗာႏ ခြောင်ꩻမေတ္တာႏ၊ ဗာလာနံႏလိုꩻရွိုင်ꩻ ရူးအတွိုင်ꩻ၊ လိုꩻရွိုင်ꩻလိုꩻယုတ် သꩻတောႏတုက်၊ လိုꩻမွိုက်လိုꩻကုဲ တင်ꩻလှဲစင်ꩻ၊ အဝင်ꩻဗွိုႏစန်း ကယ်ꩻစွူႏငန်း၊ ခင်ꩻလမ်းခြောင်ꩻလဲ့ လိုꩻမွိုက်တဲ့၊ ပီပဲ့ပီထုဲႏ ရူးတကုဲႏ၊ ယပ်ꩻခုဲႏခင်ႏလမ်း သဲင်ꩻလိုꩻခမ်း၊ ထာꩻငမ်းတန်အာ အုံလိုꩻခြာ၊ ဘေꩻအာရန်ႏအာ ထာꩻငမ်းအာ၊ လိုꩻခြာသဲင်ꩻအုံ နီလိုꩻဒုံ၊ သောဝ်ႏပုံခွꩻရောင်း စောင်းအောဝ်ႏကောင်း၊ သꩻရောင်းသꩻရျူႏ သꩻဗွာဆျူႏ၊ နေးထူႏဖန်းဝင်ꩻ မေတ္တာႏခံꩻ၊ နုညံꩻခွꩻသꩻ နမ်းမာꩻမꩻ၊ ခွꩻသꩻရောင်းရျူႏ ခိုတွမ်ႏမူႏ၊ နေးထူႏမေတ္တာႏ နီယိုꩻယာႏ၊ ဘာႏသာႏပေါင်ꩻအာ ပအိုဝ်ႏထွာ၊ နီဖါနီမွိုး နီပိုလီꩻ၊ နီသွꩻနီခွ သင်္ဂဟ၊ မိတ္တခင်ပွန်း နီစွိုးတုန်း၊ ခင်ႏပွန်းနီယို မူႏတွမ်ႏခို၊ ပအိုဝ်ႏအပို ပီပီဝင်ꩻ၊ တွို့ꩻကွဉ်ႏနောဝ်ထင်ꩻ တသျောက်လို့၊ လိစ်ꩻစဲင်ႏကဒွို့ သွစ်ꩻနားသိမ်ꩻ၊ ယံဖေႏခွꩻငိမ်ꩻ ထူႏရက်မꩻ၊ နီသွꩻပေါက်ဖေါႏ အဟောဝ်ပေါႏ၊ အီႏကျောႏတရာꩻ လိုꩻသေငါꩻ၊ စွုမ်ႏဖြာꩻတန်ပေႏ နိစ်သက်ဗွေႏ၊ တန်ပေႏသံကရော ဟွုန်ဟောဝ်နော၊ မီႏခေါတောဝ်းလဲ့ ထာꩻမာꩻတဲ့၊ ပီပဲ့နှဲးရူး အောဝ်ႏပြာႏသူး၊ ရူးသီးနောဝ်ꩻရာꩻ လိုꩻစွုမ်ႏဖြာꩻ၊ မီႏထီႏဗာႏလဲ့ တွဲႏသီတဲ့၊ ဝွေꩻအပဲစ်ဒွါႏလဲ့ သီဗာႏတဲ့၊ မင်္ဂလာႏကိုလဲ့ တရာꩻဟော်ꩻ၊ (အသေဝနာ စ ဗာလာန-သျောင်ႏလွညာꩻညာꩻမꩻ၊ ပဏ္ဍိတာနဉ္စ သေဝန-ပေါင်ꩻလွမီꩻဝွယ်ꩻခြꩻ)။ လိုꩻမွိုက်နောဝ်ꩻခါ ဖေႏကသျောင်ႏ၊ လိုꩻတော်လိုꩻသေ ပိညာႏသျနောဝ်ꩻ ဖေႏကပေါင်ꩻထေ့တဲ့ဟွေး။ လိုꩻယုတ်လိုꩻမွိုက် အုံတွိုက်ငမ်း၊ ထာꩻမာꩻကျံꩻထံꩻ ဝင်ꩻလွꩻထီႏ၊ ဖြောဝ်ႏဒါႏပီပဲ့ ကျင်ꩻပသဲ့ꩻ၊ တောက်တဲ့အမျိုꩻ ဖြောဝ်ႏထန်ႏဒွါႏ၊ လိုꩻသေဝီႏဝါး ယူႏတရွို့ꩻ၊ ဆိမ်ꩻမဲ့လွေꩻကြွို့ꩻ ငထဲ့သုံ၊ လွစ်မုံထိုꩻလဲ့ မုံဒွိုင်ဆော့ꩻ၊ ထွားဗော့ꩻခင်ႏမွူးထျꩻလဲ့ ကတောင်ပူႏ၊ ထွားထိုငါႏလဲ့ ငခြို့ꩻဖါး၊ ထွားချာငါမꩻ လွစ်ရန်ႏသူႏ၊ ထွားခူခူမꩻ ရန်ႏဘေꩻကင်ꩻ၊ ကိုယ်ႏကျင်ꩻဟဝ်မꩻ မေတ္တာႏအာ၊ မဲ့ငါယံထင်ႏ ယူႏဆင်ႏချင်ႏ၊ စွိုးဆင်ႏမွူးလာ နမ်းမာꩻထွာ၊ မွူးလာအရောင်ႏ မူႏမောင်ႏကျွိုက်၊ လိုꩻကုဲလိုꩻမွိုက် ထာꩻငမ်းတန်၊ ဇော်ꩻယုတ်ရုဲးဟန် ထာꩻငမ်းပိုႏ၊ ခွေဝင်ꩻမလိုႏ ခင်ႏလမ်းခြော၊ ရူးကဲ့သို့နော ဝွေꩻမေတ္တာႏ၊ သေနာႏဝင်ꩻနော ဗွေႏသီးဩ။[၁][၂][၃]