အတ္တဟိတ
အတ္တဟိတ ပရဟိတတရာꩻ ၅-ပါꩻ ၁။ ထွားချာဒွိုန်းက နမ်းအပဲစ်မꩻ ကွဲးကဲ့ꩻရဲ့ꩻဝင်ꩻနော။ ၂။ ရဟန်ꩻသီးလဲ့ ထွားချာဒွိုန်းက နီထာꩻမာꩻတွမ်ႏသိက္ခာႏပုဒ်နောဝ်ꩻမꩻ ကွဲးသွဉ်သင်ꩻဆုမ္မꩻ တကာႏနော။ ၃။ ကထွာခွန်စောဝ်းလဲ့ ထွားချာဒွိုန်းက မင်ꩻကျင်ꩻတရာꩻ ၁၀-ပါꩻ၊ သုစရဲက် ၁၀-ပါꩻ မီႏညီႏညွတ်မꩻ ကွဲးသွဉ်သင်ဆုမ္မꩻ သူႏတကာႏတင်ꩻလှဲနော။ ၄။ ကထွာသူႏတကာႏတင်ꩻလှဲလဲ့ ထွားချာဒွိုန်းက နမ်းကျင်ꩻတရာꩻ နီထာꩻမာꩻတွမ်ႏသီႏလ မီႏကုဲတောဝ်းနောဝ်ꩻမꩻ ကွဲးဖျင်သွော့ ခွန်စောဝ်းတွမ်ႏပရိသတ်တင်ꩻလှဲနော။ ၅။ မိမိနမ်းကောဝ်ႏ ကိဉ်ꩻစာꩻချာတဲင် လိုႏကဲ့ꩻရဲ့ꩻလဲ့ ကဲ့ꩻရဲ့ꩻချာဗာႏ၊ ယူႏချာဒွါႏစဲင်းင်း၊ အပဲစ်မီႏငထောဝ်းနောဝ်ꩻမꩻ ပါꩻထာꩻမာꩻမီႏတမွေးတောဝ်းလဲ့ သွဉ်သင်ဆုမ္မꩻ၊ ဝင်ꩻမီႏတနာႏတဝ်းတဲင် ကဲ့ꩻရဲ့ꩻထွီုက်နော ပါꩻနောဝ်ꩻ။ "မင်ꩻကျင်ꩻတရာꩻ ၁၀-ပါꩻ" (၁) ဒါနံ- ဖေႏလူႏဒါႏန၊ ဝွေႏဖကုသိုလ်ႏ၊ အကျိုꩻဝင်ꩻတာႏ။ (၂) သီလံ- ဆောက်တယ်ႏကံကျင်ꩻ၊ သီႏတင်ꩻသီႏလ၊ ပဉ္စ အဋ္ဌ နဝ ဒသ- ၅ပါꩻ၊ ၈ပါꩻ၊ ၉ပါꩻ၊ ပါꩻ ၁၀။ (၃) ပရိစ္စာဂံ- စွဉ်ꩻကြယ်ꩻစာႏဂထေ့ လိုꩻခြွေလိုꩻကေန်ꩻ ပေႏတန်မရွေꩻခေႏ။ (၄) တပံ- နမ်းကျင်ꩻစာရိတ္တ၊ ယံကအောဝ်ႏဗာႏ။ (၅) အဇ္ဇဝံ- နမ်းသꩻနီပါꩻ ထာꩻမာꩻဖေႏကစွို့ꩻစွဉ်ႏထာꩻ။ (၆) မဒ္ဒဝံ- နမ်းသꩻနီပါꩻ တကျံꩻထံꩻတောဝ်း နုညံꩻပနဲဉ်ႏဗာႏ။ (၇) အကောဓံ- သꩻထန်ႏဗာႏတောဝ်းထာꩻ၊ သꩻမီႏထန်ႏလဲ့ ဖေႏတဝ်းပါꩻသေလꩻ။ (၈) ခန္တီစ- လိုꩻထုထံꩻသာꩻသီး အပဲစ်မီႏအောဝ်ႏဒင်ႏ နီလောင်းလဲ့ ယွုန်းယောအွုန်အောင်ꩻဗာႏ။ (၉) အဝိဟိံသံ- တနိစ္စက်ညိဉ်ꩻဆယ်ꩻတောဝ်း အရပ်သား ထံꩻသာꩻတင်ꩻလှဲ ဟောဝ်ကုဲဖြားဆား။ (၁၀) အဝိရောဓနံ- ဆန်လွိုတောဝ်း၊ ဖေါင်လွိုတောဝ်း၊ ပွိုင်းဝွို့တောဝ်း တွမ်ႏအရပ်သား ထံꩻသာꩻလိုꩻတင်ꩻလှဲ။[၁][၂][၃]