အတွယ်ꩻ(၃)သွဉ်ခန်ꩻ(၁)
တွယ်ꩻ | ဗီးသွတ်ꩻရိုꩻရိုꩻခဏ်ꩻ | ပွုံႏစံႏ |
---|---|---|
၁ | ကက် ကက်ꩻ ကင် ကင်ꩻ ကင်း ကင်ႏ | ယာကင်ႏ |
၂ | ကဲက် ကဲက်ꩻ ကဲင် ကဲင်ꩻ ကဲင်း ကဲင်ႏ | နꩻကဲင်ႏ |
၃ | ကစ် ကစ်ꩻ ကဉ် ကဉ်ꩻ ကဉ်း ကဉ်ႏ | ကဉ်ႏအစော့ꩻ |
၄ | ကဲစ် ကဲစ်ꩻ ကဲဉ် ကဲဉ်ꩻ ကဲဉ်း ကဲဉ်ႏ | ဟို့ꩻတကဲစ်ꩻ |
၅ | ကတ် ကတ်ꩻ ကန် ကန်ꩻ ကန်း ကန်ႏ | ထီကန်ႏ |
၆ | ကေတ် ကေတ်ꩻ ကေန် ကေန်ꩻ ကေန်း ကေန်ႏ | လိုꩻကေန်ꩻဆေ့ꩻ |
၇ | ကပ် ကပ်ꩻ ကမ် ကမ်ꩻ ကမ်း ကမ်ႏ | ကမ်းသꩻ |
၈ | ကဲပ် ကဲပ်ꩻ ကဲမ် ကဲမ်ꩻ ကဲမ်း ကဲမ်ႏ | အမ်ႏကဲမ်ဝင်ꩻ |
၉ | ကယ့် ကယ့်ꩻ ကယ် ကယ်ꩻ ကယ်း ကယ်ႏ | ကယ်ႏဆယ်ႏ |
၁၀ | ကောဝ့် ကောဝ့်ꩻ ကောဝ် ကောဝ်ꩻ ကောဝ်း ကောဝ်ႏ | ကောဝ်ႏမွံꩻ |
သွဉ်ခန်ꩻယိုအလꩻ- သွုံꩻအာ - က ခ င စ ဆ ည တ ထ ဒ န ပ ဖ ဗ မ ယ ရ လ ဝ သ ဟ (အဖြုံႏ ၂၀-ယိုသွူ။) လိတ်မွူးအတွယ်ꩻ(၃)၊ သွဉ်ခန်ꩻ(၁)၊ ဖတ်လွူꩻခန်ꩻအမုဲင်(၁) စေႏတနာႏစင်ဗွာ သထွုံႏပေႏသီႏသဲင်ႏ မဉ်နာႏငါႏတရာꩻ အမဲဉ်ႏတရာꩻယံငါႏထာꩻ ရဟန်ꩻသင်္ဃာႏ။ မေႏတေန်ꩻမေႏဗို နီခမ်းနီထီ အောဝ်ႏမုဲင်ꩻအီ ကဗျာလင်္ကာႏတဲမ်းဒါႏဗာႏ တယ်ႏဘုရာꩻစေႏတီႏ ထီꩻသင်ꩻခေါဝ်းလို့ဝင်ꩻ။ လိတ်မွူးအတွယ်ꩻ(၃)၊ သွဉ်ခန်ꩻ(၁)၊ ဖတ်လွူꩻခန်ꩻအမုဲင်(၂) ဒင်ႏဖိုးစခါ လွေꩻသဲင်ꩻအာ ခဉ်ႏပါခံႏယာႏ မဲစ်အာငါႏ လူႏဗာႏတန်ꩻမွေး ကေန်ꩻတောဝ်းကွေး ကပ်နေးပဉ်ပါꩻ လဲပ်ငါႏထာꩻ ကလာꩻခယ်ႏဖြား လဲင်ꩻအုံထွား တဲးဝါးမာꩻလွေꩻ လွိုတောဝ်းဝွေꩻ။
တွယ်ꩻ | ယပယ် ဗီးသွတ်ꩻခဏ်ꩻ | ပွုံႏစံႏ |
---|---|---|
၁ | ကျက် ကျက်ꩻ ကျင် ကျင်ꩻ ကျင်း ကျင်ႏ | တခြေ့တကျင် |
၂ | ကျဲက် ကျဲက်ꩻ ကျဲင် ကျဲင်ꩻ ကျဲင်း ကျဲင်ႏ | (+) |
၃ | ကျစ် ကျစ်ꩻ ကျဉ် ကျဉ်ꩻ ကျဉ်း ကျဉ်ႏ | (+) |
၄ | ကျဲစ် ကျဲစ်ꩻ ကျဲဉ် ကျဲဉ်ꩻ ကျဲဉ်း ကျဲဉ်ႏ | (+) |
၅ | ကျတ် ကျတ်ꩻ ကျန် ကျန်ꩻ ကျန်း ကျန်ႏ | အုံကုဲင်ကျန်ႏ |
၆ | ကျေတ် ကျေတ်ꩻ ကျေန် ကျေန်ꩻ ကျေန်း ကျေန်ႏ | (+) |
၇ | ကျပ် ကျပ်ꩻ ကျမ် ကျမ်ꩻ ကျမ်း ကျမ်ႏ | ထာꩻမာꩻကျပ် |
၈ | ကျဲပ် ကျဲပ်ꩻ ကျဲမ် ကျဲမ်ꩻ ကျဲမ်း ကျဲမ်ႏ | (+) |
၉ | ကျယ့် ကျယ့်ꩻ ကျယ် ကျယ်ꩻ ကျယ်း ကျယ်ႏ | (+) |
၁၀ | ကျောဝ့် ကျောဝ့်ꩻ ကျောဝ် ကျောဝ်ꩻ ကျောဝ်း ကျောဝ်ႏ | (+) |
သွဉ်ခန်ꩻယိုအလꩻ - သွုံꩻအာ - က ခ စ စ ဆ တ ထ ဒ န ပ ဗ မ ယ ရ လ ဝ သ ဟ(အဖြုံႏ ၁၇-ယိုသွူ။) လိတ်မွူးအတွယ်ꩻ(၃)၊ သွဉ်ခန်ꩻ(၂)၊ ဖတ်လွူꩻခန်ꩻအမုဲင်(၁) နမ်းကျင်ꩻတရာꩻဟောဝ်ဗာႏ နီပအိုဝ်ႏချင်ꩻချင်ꩻ ရက်ဗာႏလို့ဝင်ꩻ ဘာႏသာႏထွုံꩻမျတ် နီဆွုံꩻဖျတ် မာꩻကျပ်ကုသိုလ်ႏ ချမ်ꩻသာႏပိုႏ အောဝ်ႏလိုႏတဲမ်းယို ကျမ်ꩻဂန်ႏကို။ လိတ်မွူးအတွယ်ꩻ(၃)၊ သွဉ်ခန်ꩻ(၂)၊ ဖတ်လွူꩻခန်ꩻအမုဲင်(၂) ကံကျင်ꩻမီႏဒါႏ ကျိုꩻအာငါႏ ခမ်းသားချင်ꩻချင်ꩻ ရက်သွော့ဝင်ꩻ အကျင်ꩻဟောဝ်မျတ် မာꩻထာꩻပျတ် ထွားကျပ်ကျမ်ꩻဂန်ႏ တဲမ်းဟော်ꩻထန်ႏ။
တွယ်ꩻ | လ-ဗဲဉ် ဗီးသွတ်ꩻခဏ်ꩻ | ပွုံႏစံႏ |
---|---|---|
၁ | ကြက် ကြက်ꩻ ကြင် ကြင်ꩻ ကြင်း ကြင်ႏ | တကြက်ꩻလုဲင်း |
၂ | ကြဲက် ကြဲက်ꩻ ကြဲင် ကြဲင်ꩻ ကြဲင်း ကြဲင်ႏ | ကြဲင်ႏတာ |
၃ | ကြစ် ကြစ်ꩻ ကြဉ် ကြဉ်ꩻ ကြဉ်း ကြဉ်ႏ | တအီခြစ်ꩻ |
၄ | ကြဲစ် ကြဲစ်ꩻ ကြဲဉ် ကြဲဉ်ꩻ ကြဲဉ်း ကြဲဉ်ႏ | ကြဲစ်ထာꩻဒါႏ |
၅ | ကြတ် ကြတ်ꩻ ကြန် ကြန်ꩻ ကြန်း ကြန်ႏ | တကြတ်ꩻထာꩻ |
၆ | ကြေတ် ကြေတ်ꩻ ကြေန် ကြေန်ꩻ ကြေန်း ကြေန်ႏ | သျင်ႏကြေတ် |
၇ | ကြပ် ကြပ်ꩻ ကြမ် ကြမ်ꩻ ကြမ်း ကြမ်ႏ | ပဉ်ကြပ်ꩻကြပ်ꩻ |
၈ | ကြဲပ် ကြဲပ်ꩻ ကြဲမ် ကြဲမ်ꩻ ကြဲမ်း ကြဲမ်ႏ | ဝါႏတကြဲမ် |
၉ | ကြယ့် ကြယ့်ꩻ ကြယ် ကြယ်ꩻ ကြယ်း ကြယ်ႏ | စင်ႏကြယ်ႏ |
၁၀ | ကြောဝ့် ကြောဝ့်ꩻ ကြောဝ် ကြောဝ်ꩻ ကြောဝ်း ကြောဝ်ႏ | မဲ့ကြောဝ်ႏ |
သွုံꩻအာ - က ခ ပ ဖ ဗ (ယို ၅-ဖြုံႏသွူ။) လိတ်မွူးအတွယ်ꩻ(၃)၊ သွဉ်ခန်ꩻ(၃)၊ ဖတ်လွူꩻခန်ꩻ(၁) ဖိုးပနားတကြက်ꩻ ခံꩻယာႏ တခြဲက်ꩻကားမုဲင်ꩻ ဖြစ်ꩻနံႏသာႏထီ လိုꩻကြဲစ်ထာꩻကျင်ႏ ထွာလိုꩻပျင်ႏ လိုꩻထာꩻလွꩻတန် ကေန်ꩻခြေားဖြန်။ ခြပ်ဟဝ်ပဉ်စား ထီႏဖုဲင်ႏထွား လိုꩻလွꩻထာꩻမာꩻ ပြဲမ်ႏရဝ်းပါꩻ ဖြေꩻဟူပြယ်ႏဖါႏ ယံတဝ်းငါႏ ဒေါ့ꩻသင်ႏခြဝ်သန် ဟဝ်တဝ်းတန်။ လိတ်မွူးအတွယ်ꩻ(၃)၊ သွဉ်ခန်ꩻ(၃)၊ ဖတ်လွူꩻခန်ꩻအမုဲင်(၂) လမ်းနီပြက်ꩻထွာ ပသီႏဗွာ တဲမ်းပြဲင်ႏကဗျာ လꩻဆုꩻအာ ထုဲင်ပြဉ်းထွူမꩻ ဆို့ꩻသော့ꩻလꩻ ဖါဖြားတိဟန် ခြဲစ်ꩻထွားဗန် ဖြားဆာဗွိုႏစန်း ကဟဝ်ပြန်း ခြပ်ဟဝ်ကွံဗီႏ ထွားကညီႏ ယꩻဝါႏတခြဲမ် လေန်းလုဲင်ꩻဝဲဉ် အုံတရာꩻလꩻ ခြယ်ꩻလောဘ ခြဝ်ႏကောႏယိုခါ ဝင်ꩻသွုံꩻအာ။
တွယ်ꩻ | ဝဟွဲးဗီးသွတ်ꩻခဏ်ꩻ | ပွုံႏစံႏ |
---|---|---|
၁ | ကွက် ကွက်ꩻ ကွင် ကွင်ꩻ ကွင်း ကွင်ႏ | လုဲင်ꩻကွက် |
၂ | ကွဲက် ကွဲက်ꩻ ကွဲင် ကွဲင်ꩻ ကွဲင်း ကွဲင်ႏ | ရေဒီယိုကွဲင် |
၃ | ကွစ် ကွစ်ꩻ ကွဉ် ကွဉ်ꩻ ကွဉ်း ကွဉ်ႏ | တွို့ꩻကွဉ်ႏ |
၄ | ကွတ် ကွတ်ꩻ ကွန် ကွန်ꩻ ကွန်း ကွန်ႏ | ကွန်ႏကွတ်ꩻရျာꩻ |
၅ | ကွပ် ကွပ်ꩻ ကွမ် ကွမ်ꩻ ကွမ်း ကွမ်ႏ | သေကွပ်ꩻ |
၆ | ကွယ့် ကွယ့်ꩻ ကွယ် ကွယ်ꩻ ကွယ်း ကွယ်ႏ | ထာꩻကိုꩻကွယ်ႏ |
သွုံꩻအာ - က ခ စ ဆ တ ထ ဒ န ပ ဖ ဗ မ ယ ရ လ ဝ သ ဟ (အဖြုံႏ ၁၈-ယိုသွူ။) လိတ်မွူးအတွယ်ꩻ (၄)၊ သွဉ်ခန်ꩻ(၁)၊ ဖတ်လွူꩻခန်ꩻအမုဲင်(၁) စူသွို့ꩻခံꩻ တကွင်ꩻကားမုဲင်ꩻ ကျိုꩻစာꩻသွဉ်မွေးမွေးပညာႏနေား ဗွေႏဗွန်ကွတ်ꩻပါꩻ ကျွꩻလွဉ်သွူ သဲ့ꩻသွမ်ꩻဝင်ꩻနဝ်ꩻ ဟောဝ်တဝ်း နီကိုꩻကွယ်ႏဒျာႏ ရတနာႏသွံပါꩻ။ လိတ်မွူးအတွယ်ꩻ (၄)၊ သွဉ်ခန်ꩻ(၁)၊ ဖတ်လွူꩻခန်ꩻအမုဲင်(၂) တွက်ဂဏန်ꩻဒါႏ ယံဟောဝ်ငါႏ ဗဟိုႏသွဉ်တန်ꩻ အွဉ်ႏစီꩻကန်ꩻ ခွန်မနုဟာႏ ပအိုဝ်ႏဒျာႏ ကွပ်မာꩻသီဆျာ ဝွဋ်တွပ်ꩻအာ သꩻစွယ်ꩻမဲဉ်ဒါႏ သွဉ်မွေးငါႏ။
တွယ်ꩻ | ဝဟွဲး ယပယ်ဗီးသွတ်ꩻခဏ်ꩻ | ပွုံႏစံႏ |
---|---|---|
၁ | ကျွက် ကျွက်ꩻ ကျွင် ကျွင်ꩻ ကျွင်း ကျွင်ႏ | ကျွင်ꩻသွံဗာႏ |
၂ | ကျွဲက် ကျွဲက်ꩻ ကျွဲင် ကျွဲင်ꩻ ကျွဲင်း ကျွဲင်ႏ | (+) |
၃ | ကျွစ် ကျွစ်ꩻ ကျွဉ် ကျွဉ်ꩻ ကျွဉ်း ကျွဉ်ႏ | တင်ꩻကျွစ်လာ |
၄ | ကျွတ် ကျွတ်ꩻ ကျွန် ကျွန်ꩻ ကျွန်း ကျွန်ႏ | ကျွန်ꩻနောဝ်ꩻ |
၅ | ကျွပ် ကျွပ်ꩻ ကျွမ် ကျွမ်ꩻ ကျွမ်း ကျွမ်ႏ | ဗုံကျွမ်ꩻ |
၆ | ကျွယ့် ကျွယ့်ꩻ ကျွယ် ကျွယ်ꩻ ကျွယ်း ကျွယ်ႏ | (+) |
သွုံꩻအာ - က ခ (ယို ၂-ဖြုံႏ)။ လိတ်မွူးအတွယ်ꩻ(၄)၊ သွဉ်ခန်ꩻ(၂)၊ ဖတ်လွူꩻခန်ꩻအမုဲင်(၁) နာꩻသက္ကရာဇ် ကျွင်ꩻတဗာႏနဲ့ ဗွေႏဘုရာꩻ လယ်ႏချွစ်သတ္တဝါႏ ဘုရာꩻပွင်ꩻဒျာႏ ကျွန်ꩻနောဝ်ကိုယို ဗုံကျွမ်ꩻတဖြို့ꩻ မာꩻအီထမုဲင်ꩻ။ လိတ်မွူးအတွယ်ꩻ(၄)၊ သွဉ်ခန်ꩻ(၂)၊ ဖတ်လွူꩻခန်ꩻအမုဲင်(၂) နာꩻသက္ကရာဇ် ကျွင်ꩻတဗာႏ တင်ꩻကျွစ်လာတာႏ မာꩻမေႏဗို နီကျွန်ꩻနောဝ်ယို အထွုံꩻစံႏ ဖို့ꩻကျွမ်ꩻကျွမ်ꩻအံႏ ကသံးယံ။
တွယ်ꩻ | ဝဟွဲး လ-ရဗဲဉ် ဗီးသွတ်ꩻခဏ်ꩻ | ပွုံႏစံႏ |
---|---|---|
၁ | ကြွက် ကြွက်ꩻ ကြွင် ကြွင်ꩻ ကြွင်း ကြွင်ႏ | ပြွက်ꩻဟံႏဗော့ꩻ |
၂ | ကြွဲက် ကြွဲက်ꩻ ကြွဲင် ကြွဲင်ꩻ ကြွဲင်း ကြွဲင်ႏ | (+) |
၃ | ကြွစ် ကြွစ်ꩻ ကြွဉ် ကြွဉ်ꩻ ကြွဉ်း ကြွဉ်ႏ | မီꩻယာꩻကြွဉ်ႏ |
၄ | ကြွတ် ကြွတ်ꩻ ကြွန် ကြွန်ꩻ ကြွန်း ကြွန်ႏ | ခွမ်ꩻလာꩻပြွတ် |
၅ | ကြွပ် ကြွပ်ꩻ ကြွမ် ကြွမ်ꩻ ကြွမ်း ကြွမ်ႏ | တကြွမ်စက်ꩻ |
၆ | ကြွယ့် ကြွယ့်ꩻ ကြွယ် ကြွယ်ꩻ ကြွယ်း ကြွယ်ႏ | ကြွယ်ဒီႏ |
သွုံꩻအာ - က ခ ပ ဖ (ယို ၄-ဖြုံႏ)။ လိတ်မွူးအတွယ်ꩻ (၄)၊ သွဉ်ခန်ꩻ(၃)၊ ဖတ်လွူꩻခန်ꩻ အမုဲင်(၁) လိုꩻပေႏစွဲက်ထီ ပြွက်ꩻဟံႏဗော့ꩻ ထီႏသေဖြွဉ်တရာꩻ လွေꩻမာꩻထာꩻမာꩻ ပြွတ်ခွမ်ꩻလာꩻ ပအိုဝ်ႏမူႏစခါ ခင်ႏပြွမ် ဟွဲး ငွဉ်ꩻဟွဲးပြွယ်ꩻ။ လိတ်မွူးအတွယ်ꩻ (၄)၊ သွဉ်ခန်ꩻ(၃)၊ ဖတ်လွူꩻခန်ꩻ အမုဲင်(၂) ပါꩻပြွက်ꩻဟံႏဗော့ꩻ ထွားမရော့ꩻ ဆို့ꩻအာစွစ်ꩻစွစ်ꩻ ဝါႏမွူးပြွစ်ꩻ ကဝ်ႏတုဲင်မော်နမ်း ပြွတ်လုဲင်ႏသမ်း နီပအိုဝ်ႏချင်ꩻ ဖြွမ်းလို့ဝင်ꩻ လိုꩻမူႏဟွဲးပြွဲꩻ ပါꩻထွားစွယ်ꩻ။[၁][၂]