အသက်အာႏမခံႏ အကျိုꩻကေꩻဇူꩻ (၅)မျိုꩻ

      မဉ်ႏဖြေꩻအသက်အာႏမခံႏယို လနွေင်ꩻအကျိုꩻကေꩻစူꩻနဝ်ꩻ အောဝ်ႏငတ်မျိုꩻနဝ်ꩻသွူ 

(၁) (Personal Income Tax) လွစ်ကင်ꩻခွင်ꩻလꩻ ၊ နမ်းရွဉ်နွို့ခွဉ်ႏယို ကဆောင်ႏဖေႏဗာႏသားနဝ်ꩻ ပေါႏသွင်ꩻလွေꩻ အသက်အာႏမခံႏနဝ်ꩻ ကအဝ်ႏဆောင်ႏဗာႏအခွဉ်ႏယို သက်သာႏအာတန်သွူ။

(၂) ကအဝ်ႏအုံနောင်ဗာႏနီလောင်း နီဟွိုန်စုတာႏ ဘဝဆုဲင်ချာအနာႏဂတ်တာႏ သꩻခွအီဗာႏသွူ။ နီနမ်းယို မဉ်ႏအဝ်ႏထွာ အဓိကရွဉ်ထုမ်ႏသာႏနဝ်ꩻ အဝ်ႏလိုႏအွဉ်ႏငါႏ ဘဝတသက်တာႏ ရွဉ်အာႏမခံႏသွူ။ မဉ်ႏထွာနုဲင်ႏနဝ်ꩻမ နီပိုအနာႏဂတ်တာႏယို သꩻခွꩻလꩻနဝ်ꩻသွူ။ တထင်းတဝ်း မဉ်ႏသီစွော့ꩻထိုꩻနဝ်ꩻ နီနာႏဟွုန်တာႏ အမွိုင်သွတ်ကစွဲကမ်း ဖေႏနွောင်ꩻနဝ်ꩻ အဝ်ႏဒျာႏ အာႏမခံႏလွုမ်သွူ။

(၃) ဖျင်ဆင်စုရွမ်ခါဗာႏ သက်တန်ရွယ်ႏကီတာႏ - အသက်အာႏမခံႏကရိုꩻနဝ်ꩻ မဉ်ႏသီမလꩻ ကရိုꩻနဝ်ꩻ အမဲဉ်ႏလို့တဝ်း ၊ မဉ်ႏသီမလꩻ ကရိုꩻဒါႏ အာႏမခံႏတဲ့ အဝ်ႏတမျိုꩻ၊ တသီတဝ်းဒွိုန်းခိန်ႏ ကသွင်ꩻခါဒါႏ ပရီမီယံငိုꩻ (ကြေး)ဖုံႏယို ဖေႏအတိုꩻ (အေႏ)တဲင် စုရွမ်ခါဖေႏကရိုꩻဒါႏ အာႏမခံႏ Universal Life နဝ်ꩻသွူ။ Compounded Interest (အရင်ꩻ+အတိုꩻ)အဝ်ႏတဲင် ရွဉ်စုကာႏကအဝ်ႏယိုနဝ်ꩻ ဆုဲင်ꩻတနီꩻမဉ်ႏဖြားခိန်ႏ ထေꩻသွုံꩻလွေꩻလꩻသွူ။

(၄) အသက်အာႏမခံႏရွဉ်ရောႏနဝ်ꩻ သက်ကအဝ်ႏမွန်တွင်ꩻ ရွဉ်နီးဖုံႏယို ဖြော်အီဖြေႏသျင်ꩻအီလꩻ၊ အသက်အာႏမခံႏရွဉ် ရောႏယို သီထွူလ (၇)နီꩻ လꩻချာꩻမွိုင်ꩻတဲင် ကအဝ်ႏလိုꩻခမ်း ကအဝ်ႏဒါႏနီး (ကာꩻနီး၊ လမ်းနီး) စတဲင်နုဲင်းနဝ်ꩻဖုံႏနဝ်ꩻ နာꩻဟွိုန်ꩻသာႏဆချာ နန်းဗာႏတဝ်းသွူ။

(၅) ကဗွိုန်နုဲင်း ကင်ဆာရောဂါႏတွမ်ႏထာတာႏဆွာꩻဖုံႏတာႏယို လꩻအီနွောင်ꩻ အရဲအကမ်းသွူ။ ကမ္ဘာႏခြိုင်ႏသန်ရေꩻ အစွိုꩻ ၂၀၂၀ ဗွေနေင်ႏ ထေပြန်ႏချက်အလꩻ ၂၀၁၈နေင်ႏ မြန်မာခမ်းနဝ်ꩻ လိုꩻကထွာ ကင်ဆာရောႏဂါႏ အဝ်ႏလိုꩻ အဖြာꩻ ပေါင်ꩻ ၆၉၅၅၄ဖြာꩻ၊ လိုꩻကသီအဝ်ႏအဖြာꩻပေါင်ꩻ ၅၁၀၅၉ဖြာꩻ နဝ်ꩻသွူ။ မဉ်ႏထွာသွူ ကင်ဆာရောႏဂါႏနဝ်ꩻ လွုမ်လာအီတာႏနဝ်ꩻ နီတသက်လွုမ်ႏကထွုမ်ႏသေခါနဝ်ꩻ သွုံꩻအီလကွို့ꩻ တလဲင်ႏတာႏလွုမ် ထွူတကာႏတဝ်း နီး ဖုံႏတဲ့ အဝ်းဒါႏနေကသွူ။ နဝ်ꩻမ Universal Life Insurance နဝ်ꩻ ကင်ဆာရောႏဂါႏ မဉ်ႏထွာလွဉ်သွူနဝ်ꩻ နီကဖြေꩻခါဒါႏ အသက်အာႏမခံရွဉ်ယို ထေသွုံꩻရီး လꩻ ၂၅ %နဝ်ꩻမ ခွိုင်ႏဗာႏတဝ်း နီꩻရွဉ်နွို့ꩻနဝ်ꩻသွူ။ မဉ်ႏထီႏနုဲင်ႏယိုနဝ်ꩻ ပွိုးတမုဲင်ꩻ မွော့ꩻဖြေꩻသင်ꩻတွိုး ဘဝတစ်သက်တာႏအာႏမခံႏဟောင်းကရိုꩻနဝ်ꩻ ရသေနာႏလွဉ်စသွူသနဲ့။

<Ref >ခွန်ထွန်းဦး ကျမ်ႏမာႏတွမ်ႏ အသက်အာႏမခံႏ လိတ်အုပ်ကို <ref>