အာႏငတ်ꩻပါꩻ-တရာꩻငတ်ꩻစွိုး

"ဝိတ္ထတသုတ် (အာႏငတ်ꩻပါꩻ-တရာꩻငတ်ꩻစွိုး အဓိပ္ပါယ်ႏ)" ရဟန်ꩻသီးဖုံႏဟွေး- 'အာႏ'အဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနောဝ်ꩻ- ၁။ သဒ္ဓါႏအာႏ (ထာꩻယွုမ်းအံႏအာႏ) ၂။ ဝီရိယအာႏ (ထာꩻကျိုꩻစာꩻအာႏ) ၃။ သတိꩻအာႏ (ထာꩻယူႏလꩻအာႏ) ၄။ သမာႏဓိအာႏ (ထာꩻသꩻစွူအာႏ) ၅။ ပညာႏအာႏ (ထာꩻသေထီႏအာႏ)၊ အောဝ်ႏငတ်ꩻမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- ၁။ 'သဒ္ဓါႏအာႏ'ကရိုꩻနောဝ်ꩻ နုဲင်းမုဲင်ꩻနဲတဲင်- သာႏသနာႏကိုယို အရိယာႏတပဲ့ꩻနဝ်ꩻ ယွုမ်းဗွေႏဘုရာꩻ 'အရဟတ္တမဂ်ဉာဏ်ႏတွမ်ႏ သဗ္ဗညုတဉာဏ်ႏ'၊ ဗွေႏဘုရာꩻသူꩻနဝ်ꩻ 'ခွုင်းကားကလူႏ ခံႏထူႏထွိုက်တဲင်-အရဟံ၊ နမ်းဒျာႏစဲင်းစဲ့-သေကြောင်းကြဲ့တရာꩻတွော့ꩻ-သမ္မသမ္ဗုဒ္ဓေါ၊ သေကျင်ꩻဗွေခါꩻ ဝိဇ္ဇာစရဏတဲင်-ဝိဇ္ဇာစရသမ္ပန္နော၊ ငေါဝ်းဟောဝ်ရိုꩻဒေါ့ꩻ တွိုႏသော့ꩻနိဗ္ဗာန်ႏ၊ ဖထန်ႏဒုက္ခော-သုဂတောဂွုဏ်ႏ။ လောကသွံပါꩻ သေငါꩻယံကျ-လောကဝိဒူ၊ ဆွုံꩻမꩻသင်ꩻသား ကားသတ္တဝါႏ ဆွုံꩻမꩻဒါႏခေါ-အနုတ္တရော ပုရိသဒမ္မသာရထိ၊ လိုꩻလူꩻဗျဟ္မာႏ ဆရာႏကွပ်ထွာ သတ္ထာ ဒေဝမနုဿာနံ၊ သစ္စာႏလစ်ꩻပါꩻ သေငါꩻယံခေါ- ဗုဒ္ဓေါဗွေႏဂွုဏ်ႏ၊ သူပါꩻဘွုန်ꩻတောႏ ဗွေကျောႏငါႏထာꩻ-ဘဂဝါဂွုဏ်ႏ၊ ဂွုဏ်ႏတောႏကွတ်ꩻစွိုး၊ စင်ဖြွိုးလꩻခါꩻ၊ ဗွေႏဘုရာꩻ' ယွုမ်းအံႏနုဲင်းနဝ်ꩻနဝ်ꩻ ဟဲ့ꩻဗာႏ'သဒ္ဓါႏအာႏ'နောဝ်ꩻသွူ။ ၂။ 'ဝီရိယအား'ကရိုꩻနောဝ်ꩻ- သာႏသနာႏကိုယို အရိယာႏတပဲ့ꩻနဝ်ꩻ 'ကျိုꩻစာꩻပယ်ႏထိုꩻ အကုသိုလ်ႏ၊ ကျိုꩻစာꩻမာꩻဗွေကုသိုလ်ႏ၊ ဝီရိယအဝ်ႏသေႏသေႏ၊ မာꩻသေႏသေႏကုသိုလ်ႏ'ယိုနဝ်ꩻ ဟဲ့ꩻဗာႏ'ဝီရိယအာႏ'နောဝ်ꩻသွူ။ ၃။ 'သတိꩻအာႏ'ကရိုꩻနောဝ်ꩻ- သာႏသနာႏကိုယို အရိယာႏတပဲ့ꩻနဝ်ꩻ 'သတိꩻအဝ်ႏ၊ သတိꩻဟောဝ်မွေးစွဉိႏထာꩻ၊ မာꩻညလဲဉ်းတဲ့ယဝ်း တောင်ꩻချာလို့ဒျာႏထာꩻမာꩻ၊ ဒေါ့ꩻညလဲဉ်းတဲ့ယဝ်း တောင်ꩻချာလို့ဒျာႏငေါဝ်း၊ ယူႏချာယူႏငါ-ယူႏခူꩻလိမ်ꩻခူꩻပြန်ႏဖြောင်ဒျာႏ'၊ ယိုနဝ်ꩻ ဟဲ့ꩻဗာႏ'သတိꩻအာႏ'နောဝ်ꩻသွူ။ ၄။ 'သမာႏဓိအာႏ'ကရိုꩻနောဝ်ꩻ- သာႏသနာႏကိုယို အရိယာႏတပဲ့ꩻနဝ်ꩻ 'ပျောႏလွဉ်ꩻတဝ်း ကာႏမဂွုဏ်ႏ၊ မာꩻတဝ်းအကုသိုလ်ႏ၊ မာꩻဒျာႏကုသိုလ်ႏ၊ အားထွုတ်တရာꩻတဲင် လꩻစွဉ်ႏပထမဈာန်ႏ၊ ဒုတိယဈာန်ႏ၊ တတိယဈာန်ႏ၊ စတုတ္ထဈာန်ႏ၊ အုံခွꩻကဒဲ့ꩻ အုံရျူႏသျူးဗာႏထာꩻ'၊ ယိုနဝ်ꩻ ဟဲ့ꩻဗာႏ'သမာႏဓိအာႏ'နောဝ်ꩻသွူ။ ၅။ 'ပညာႏအာႏ'ကရိုꩻနောဝ်ꩻ- သာႏသနာႏကိုယို အရိယာႏတပဲ့ꩻနဝ်ꩻ 'ပညာႏအဝ်ႏ၊ ထာꩻသေတရာꩻအဝ်ႏ၊ သေခန္ဓာႏ အထွာအကုဲင်တဲင် ဒိုဖြွဉ်ကိလေႏသာႏ၊ ဝဲန်ကာႏဒုက္ခ၊ တွိုႏဖြနိဗ္ဗာန်ႏ၊ ဉာဏ်ႏပညာႏနုဲင်းနဝ်ꩻအဝ်ႏ'၊ ယိုနဝ်ꩻ ဟဲ့ꩻဗာႏ'ပညာႏအာႏ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဝိတ္ထတသုတ်)